Aesaya 42:14 - mzwDBL

¹⁴ Korowii ŋɔ, “Maa mwaala ne biɡro, n dɛ nyin waane dɛ́ ɛ, kɛ n helɔ jeiih ken. Taraken te, mɛɛ do lɔŋɔree kɛŋɔ haah loltea aa lɔɔ ken. N eehnɔ, n hweera bwa pi.

Aesaya 42:14 Referans Kwoze

2 Pita 3:15

Hé nyiŋi Korowii bambile waa lawa nɔ kɛŋɔ ŋwɛnɛɛ o tɛ heyaa kɛŋɔ he charɛ he liire, ásɛ o lɛ heya. Anee ya dɔŋ Pɔɔl yaa dɛ nyin o waa la fa kpɔ o wejema Korowii aa tɛo la dɛ chwerɛ heyaa la.

Amanesoma Luk Aa Chwera Tɔn 18:7

Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa?

Jeremia 44:22

Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Jeremia 15:6

He berɛ habɔɔ kpo mɛ, he deno na teŋɛ dɛɛ vɛɛh mɛ. Anomanta, mɛɛ kpɔ nɔnee dawɛ he nɛ dɛ́ chɔɡ heya, maa won dɔ tedoma tɛ heyaa kpa. Korowiirii bola.

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

Job Tɔn 32:20

A chɛ kɛ n bol wa ásɛ n bwara sɔɔh mɛ, a chɛ kɛ n pili nyoa dɛ́ chaŋe.

Job Tɔn 32:18

Wobol su n nyoa, maa won ɡel a ka n tea bini.

Yela 50:21

Anɔ bwaa hɛɛ ɛ, asɛ n tɔ nyoa, he dɛ lii kɛŋɔ n do kɛ heya. Kɛ n dɛ kah heya, dɛ́ kpɔ waa haa ɛa bwa bil he sie.”

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Aesaya 57:11

Korowii ŋɔ, “Bɔkwa tenee voɡa hɛɛ ɔma kohona dɛ le n habɔɔ, dɛ soh n waa kwaraa ɡɛ nɔɔ? Maa mwaa he bwa ne saŋ la bwa, waa ɡela haa wola men ɔmɛ nɔ kɛɛ?

Aesaya 64:12

N Naa Korowii, dɛ he na anɔ bwa ken aa, hɛɛ soo nyiŋi dɛ́ ɡel ya na waa a ɡwaa yaa nɛɛ kohona naa?

Aesaya 65:6

N lii ɡɛ maa tɛr ba deŋne cheɡ, ba chwera bil n sie. Maa sie laa kpɔ waa baa ɛa nɔ ta. Mɛɛ bɔ ba a kemee,

Jeremia 4:31

N dɛ no lɔŋɔ kɛ haah loltea aa lɔɔ, wɛɛ eeh dɛɛ lolɛ o biloɡle. A kaa ɛ kɛŋɔ Jerusalamee do kɛŋɔ haah waa dɛ wi o hweera pi, dɛɛ tɛɡre nɔɔra ŋɔ, “Akwe, n na wa, ba dɛ ba dɛ́ ba kpo mɛ.”