Biblia Todo Logo
Bib sou entènèt

- Piblisite -




Aesaya 40:31 - mzwDBL

31 Kɛ nɛra baa dɔ hwɛɡa Korowii nɛɛ la te ɛɛ dɔ bokpeɡfalaa. Wɛɛ ɡeloo bá dɔ kena, dɛ́ ir kɛŋɔ kee ken. Baa chwao, kɛ baa koh bwa, dɛ́ valɛ baa ɡwɛɡre bwa ɡe.

Gade chapit la Kopi




Aesaya 40:31
46 Referans Kwoze  

Ken nɔ nomanta, bɔhwaah aa yaa lawɛ. Tɔ aa dɛ per nɔ bwaa ya bwadabii ɡwɛɡre dɛɛ la. Kɛ ya bini te la, kpeɡrii ya yarada do dɛɛ la.


O dɛ tɛ mɛ n konnyina n soɡa bini bwa, a ɡel n berɛ bonɔɔ dɛ do kpeɡri kɛŋɔ kee ken.


Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.


He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.


Ya te la, kon waa wola ya nɔn ta joɛ mɔɔ la, o waa yaa hwɛɡɛ. Yaa too.


Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.


Ba dɔ bokpeɡa saŋ bɛlbwa dɛɛ la, ka tel kɛ baa na Korowii o kpeɡri aa ɡwaa voɡa bwa, Saayɔn Bwejen doa la.


Hɛ́ɛ hwɛɡɛ Korowii nɛ, dɛ́ɛ teŋɛ o Mmarare ta. Wɛɛ ɡeloo hé dɔ harɛ la ta so, dɛ́ doŋi nyubinikpeɡ tena la he siwi ta.


Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.


A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”


Maa wia noe la, he noɔ dɛ chaŋ mɛ, he cheɡɛ he kpeɡri ta dɛ tɛ mɛ bokpeɡa.


Baɡ mɛ he kasinteŋ waa la mɛɛ teŋɛ a ta, dɛkalkɛ henee Korowii maa dɛ tomɛ, he ɛ n Lɛɛ, he nɛɛ mɛɛ hwɛɡɛ tɔpere bɛlbwa.


Nomɛlbwa toole dɛ kpɔ o te dawɛ he nɛ, he ɡel sihiih kpoo bwa, kɛ banɔ la baa vɛh he waa pɛɛpɛɛ la te, sihiih ɛɛ kpo baa.


“Hé ɡbabir na ɡɛ maa ɛa Ijipt harɛ ta, ne ɡɛ maa kpɔ heyaa kɛŋɔ kee yon kpɔ o bii o kena ta dɛ ba he ne n be.


Hé nyiŋi ɡɛ nɛnchɔɡa fa aa haoh dɛɛ chɛɡro, asɛ o lawɛ bambile la, ásɛ bɔhwaah bɛ heyaa lawɛ, he le habɔɔ.


Kɛ ane a bwa, nɛra ba wa aa toɡra la ɛɛ teŋɔɔ dɛ́ do ɡɛ dɛɛ la, dɛ́ teŋɛ dɔ bokpeɡa saŋ bɛlbwa.


N wio no Korowii, dɛ lawɛ bambile dɛɛ kpao, asɛ o na n sum, dɛ no n wii.


He lawɛ bambile dɛ koh n waa dɛ na wahala, kɛ dɛ ta lawɛ a bini.


N dɛ soŋe, ɡel kasinteŋ ne wedɛɛɡa ɛɛ tɔ n nɛ, he nɛɛ n kpɔ n te dawɛ.


Gɛ bonɔɔ yon dɛɛ nyiŋi o dɔɔ siwi ta, kɛɛ tolo yon dɛɛ nyiŋi o nomoa siwi ta la, ɡɛɛ yaa nyiŋi hen Korowii yaa dɛ tomɛ siwi ta, ka tel kɛŋɔ haa sune ya nɛ.


Mɛɛ tɛ n nɛra kpeɡrii, ásɛ baa tom mɛ dɛɛ no n wa. Men Korowiirii bola.”


Korowiirii sune ya nɛɛ dɛ tɛ yaa toma nɔ, anomanta, ya bwara aa yaa hwah.


Mɛɛ kpa Korowii waa waa bola la waa. O laa sie kpɔ Jekɔb naanar nɛɛ taraken, kɛ mɛɛ kpɔ n hwɛɡaa do Korowii nɛ.


Ba do kɛŋɔ daa baa dua Korowii Dea, aa dɛɡ Korowii yaa dɛ tomɔ Dea bela ken.


dɛ so kpa o Bie Yeesu waa dɛ ba nyundua lee dɛ ba la. Onee o chum seo ta la. Onee lɛ yaa le Korowii bandia waa dɛ ba bala la ta.


Belaa Samsen soŋe Korowii ŋɔ, “Nemenɛ Korowii, n dɛ soŋe, dɛɛ lii n wa. N Naa Korowii, n poori, ɡel n bokpeɡa berɛ ba kerabeŋkpoŋ ja, ásɛ n ɛ we-ɛɛle beŋkpoŋ dɛ́ kpɔ tɔ n wel Filisti tena baa foromi n sibie nɔ nɛ.”


N Naa Korowii, a wer kɛ ya kpɛɛre, dɛ́ ɡo yela kpɛɛ hen Nemenɛ Korowii sɔn,


Umee le pua hɛŋle ɡbo harɛ ta dɛɛ ba dɛ kpɔ o te dawɛ o sɛno nɛɛ nɔɔ? N iro che daa waa dɛ nɔnɛ lɔɡa, dɛ lawɛ ir bela baa lolɛ la.


Hweera kwaa nɔ bɛl do kɛŋɔ nyujente, bɛl do kɛŋɔ nabal, bɛl siebɔr do kɛŋɔ nɛn, bɛl ɡe do kɛŋɔ kee aa paɡri o kena dɛɛ ir la ken.


Anee ba tɛ haah la kee kena anɛ o kpɔ dɛ ir kaa pua hɛŋle ɡbo harɛ, bela baa ɛa tɛo dɛ nyiŋu bene atoro ne fah la, ásɛ kontuuɡi damanta la bɛ won ɛo wobɛlbwa.


Korowii dɛ nyiŋ ba kɛŋɔ kee yon dɛɛ baɡle o bii ira, dɛ́ ir kpɔ kena tɔ a nɛɛ a bɛ ba le la, ɡɛɛ o ɛ Israel tena.


Korowii ŋɔ, “Harɛre nɛra, hé hel dɛ́ no n be! Harɛre nɛra, hé nyin bokpeɡfala, dɛ́ ba bol he wa! Ya bwa cheme kɔɔto ásɛ bɛlbwa bol o wa.


Dɔɔ bɛlbwa toole ba nao o do kɛ hen Korowii, kɛɛ dɛ no wejena haa ɛa tɛ nɛra baa dɔ hwɛɡa he nɛ.


Moab harɛ dɛ ba chɔɡa, ásɛ o dɔma lɔ ba tɔ o bwɛɛre ta. Baa kpoo o bonɔndɛɛɡa bwaa, men Koranar Bwa Kooro maa ɛ kooro laanee bola.


Gel ba kpɔ bune kaɡre ba bwɛɛre doonyoo a do kpeɡri. Bɛ ɡel wechɔɡa bɛlbwa ba ba nɛ.’


n ta kpeɡri fini kɛŋɔ ɡɛ saŋ Mosis aa tom mɛ la. N ta kpeɡri dɛ́ won la laa kɛŋɔ wubwa la ken.


N Naa Korowii, cha kooro ó pɔ o dɔma nɛ! Dɛ ya wio noe naa, no ya be!


Korowii Waa Ɛ Koranar Bwa Kooro, no n wesoŋa, Korowii Jekɔb aa dɛ tomɛ, no n be!


Anee kɛŋɔ, ɡɛ kee aa dɛ ɡah nyundua, harɛkon won bwetal ta kpɔe, ɡbera won nee sie kpɔe, asɛ baa ne haah yon dɛɛ nyin dɔŋa la.


Waa Nemenɛ Korowii, Israel Nɛŋɡoroŋ aa bol nɛra la bee nɔ. “Hé berɛ ba n be, dɛ́ kpɔ he hwɛɡa dawɛ n nɛ, ásɛ n lɛ heya, dɛ́ kpɔ nɔn tɔ he nɛ. Kɛ he vɛoh, he ta balɛ.


Swiv nou:

Piblisite


Piblisite