Aesaya 4:5 - mzwDBL

⁵ Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,

Aesaya 4:5 Referans Kwoze

Nehemia 9:12

He cheɡɛ bam waa do jaŋne kaa nyundua tɔ ba sie webaŋa, jwaana ɡe, he kpɔ nii waa tɛra kaa nyundua tɔ ba sie wɛɛ chaah ba won vala.

Yela 78:14

O cheɡɛ bam waa do jaŋne kaa nyundua ta, dɛ tɔ ba sie webaŋa, asɛ jwaana bwa ɡe, o kpɔ nii waa tɛra kaa nyundua tɔ ba sie wɛɛ chaah ba ba won vala.

Aesaya 60:1

Jerusalam, ir dɛ́ chaah kɛŋɔ wee! Korowii jirima dɛ chaah he nɛ!

Aesaya 46:13

N dɛ ba n waa aa toɡra ne. A toole bojaŋ, aa biɡri kwaraa. Mɛɛ lɛ Jerusalam tenaa, dɛ́ ɡel ba dɔ n jirima.”

Aesaya 33:20

Hé nyiŋi Saayɔn, bwɛjen yaa dɛ di tɔpejena o ta la. Hɛɛ nao kɛŋɔ Jerusalam dɔ deŋnesɔɔhna ne soɡa, kɛŋɔ tɛnte dea waa cheɡɛ o buɡ ta, saŋ bɛlbwa, o daa baa kpaara do harɛ dɛ kpɔ baŋro la aa fome kpa bwa, ɡɛɛ o ɡboɡbie ɡe aa wola chaa.

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Yela 89:7

Nyundua toroma bwa chemaa, hen Korowiirii do ɔma kohona, a bwa dɛ ɔmɛ, dɛ kpɔ duure dɛɛ tɛɛ.

Kaala 14:24

Aa baa ka tama bɔr chaah la, Korowii cheɡɛ bam waa do jaŋne kaa nyundua la ne nii waa tɛra kaa nyundua la ta dɛ nyiŋi Ijipt laa tena dɛ chɔɡ ba liire.

Aesaya 37:35

Mɛɛ tɔ bwɛɛ nɔ ɡbemɡbee dɛ́ lɛo, n jirima ne nyoa maa baɡɛ n bonɔɔ Devid nomanta!”

Aesaya 32:18

Korowii nɛra ɛɛ so deŋnesɔɔhna taa, wobɛlbwa aa wola ba nɛɛ ba ba deremi, ásɛ ba so kɛrɛdɛ ken.

Yela 111:1

Hé kpɛɛ Korowii! Mɛɛ jam Korowii n bambile bwa nee, o nɛnlaa baa chema bini.

Kaala 26:7

Kpɔ booh pona sɔh pateesanre dɛ́ kpɔ bɔle n Tɛnte Dea, a bwa ɛ pateesanre fi dɛ beŋkpoŋ.

Kaala 26:1

Korowii berɔ ŋɔ Mosis be ŋɔ, “Kpɔ jisepondɛɛɡe ne jiseburum ne jisekɔl dɛ jiseswɛm sɔh pateesanre fi, dɛ́ ɡel nɛn waa dɔ kwaa sɔeh wejema ɛ Kerobim dawɛ a ta, dɛ́ kpɔ kwaa Tɛnte Dea waa ɛ n dobɔr tɛ mɛ.

Matiu 18:20

dɛkalkɛ bela nɛra banɛ kɛɛ batoro aa kpɔ nyopɛo cheme n sɔn ta la, dɛ n ja ba nɛ.”

Kaala 24:16

asɛ Korowii jirima tɔ o bwa. Tɔpera anumɛl dɛ bam la ta bɔle bwe la bwa ɡɛ, asɛ tɔpenuanɛ wee ta la, Korowii bol waa le bam la ta dɛ yerɛ Mosis.

Yela 105:39

Korowii ɡelɔ bam bɛl waa do jaŋne kaa nyundua tɔ Israel tena sie, dɛɛ baɡ ba ŋwɛnɛ, asɛ nii waa tɛra kaa nyundua ɡe tɔ ba sie jwaana, dɛɛ chaah ba ba vala bini.

Aesaya 60:2

Na, biro tenten dɛ ba harɛ nɔ ta nɛra nɛɛ tɔe, kɛ he te, Korowii jirima ɛɛ chaah he nɛɛ.