Aesaya 39:2 - mzwDBL

² Kooro Hɛsɛkea lɛ toroma la silɛɛ ne, asɛ dɛ kpɔ o kara mun kwaa aa lɔ dem, suuɡapoŋa ne suuɡaswɛm, ne konsɔɔhsoma ne nodɛɛɡa, dɛ o dɔmkwaa ne bela waa dɛ cheɡa bwa baɡ ba. Komɛlbwa toole dɛ do o dem kɛɛ harɛ la ta waa wola ban baɡlɛ.

Aesaya 39:2 Referans Kwoze

2 Webena 32:31

A balɔ kɛŋɔ Babelɔn harɛ ta nomonome tomɛ nɛra Kooro Hɛsɛkea be ŋɔ, bá ba pɛɛro ŋwɛnɛ waa cheɡɛ o ta, dɛ ɛ nyokpowe-ɛɛla la o harɛ la ta. Asɛ Korowii le o habɔɔ, dɛ daahno na kɛ wɛɛ di kasinteŋii kɛɛ.

2 Webena 32:25

Kɛ mbarafo nomanta, o siwi ta waa Korowii aa ɛa tɛo la sui, anomanta, Korowii baah di o ne Juda ne Jerusalam tena nɛ.

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Job Tɔn 31:25

dɛ n fe dɛ hɛɡre n kondɔɔh kohona wa, kɛɛ kwaa maa dɔa,

2 Kɔrent 12:7

Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.

Wejereme 7:20

Nɛn o wa aa toɡra beŋkpoŋ kwaraa toole harɛ nɔ ta, dɛɛ ɛ wa aa toɡra waa wola wechɔɡa ɛ.

Sɛɡla 4:23

He dɛ lii wa aa, dɛɛ nyiŋa kɛrɛdɛ, waa haa dɛ lii la, anee hɛɛ ɛ.

2 Webena 32:27

Kooro Hɛsɛkea dɔ kondɔɔh ne jirima taeh, asɛ dɛ ma deene dɛɛ cheɡ suuɡapoŋa ne suuɡaswɛm, ne bwedɛɛɡa a yoɡ aa kpeɡa ne konsɔɔhsoma, ne kwaa baa kpɔa dɛɛ tɔ ba te ɡbemɡbe laa ta, dɛ kondɛɛɡa bwa soo siwi a bini.

2 Webena 9:9

O kpɔ suuɡaswɛm a tɔɡre aa ɡwaa kilore kaɡboŋa anaarɛ, ne konsɔɔhsoma aa wara pirim, dɛ bwedɛɛɡa a yoɡ aa kpeɡa tɛ Kooro Solomɔn. Seeba kooro waa ɛ haah konsɔɔhsoma waa kpɔa ka tɛ Kooro Solomɔn kan aa doa la, nomɛlbwa ta a dɔŋa ne balɛ ɡɛ bwa.

2 Webena 9:1

Seeba kooro waa ɛ haah baa no Kooro Solomɔn sɔn lee waa lea kohona. Anomanta, o la Kooro Solomɔn be Jerusalam, dɛ kpɔ wobobeela a bini aa kpeɡa dɛ́ ba daahno dɛ na. Haŋkooro la kpɔ nɛra baa dɛ tomɔ dɛ warɛ ja o nɛ, ne nyoɡmare aa cheɡɛ konsɔɔhsoma ne suuɡaswɛm kohona, ne bwedɛɛɡa a yoɡ aa kpeɡa kohona, dɛ la Kooro Solomɔn be. Waa laŋa o ne o ka cheme la, o bɔɔ Kooro Solomɔn waa aa lɔ o nyu bini bwa.

2 Koranar 20:13

Kooro Hɛsɛkea lɛ toroma la, asɛ dɛ kpɔ o kara mun kwaa aa lɔ dem, suuɡapoŋa ne suuɡaswɛm, ne konsɔɔhsoma ne nodɛɛɡa, dɛ o dɔmkwaa ne bela waa dɛ cheɡa bwa baɡ ba. Komɛlbwa toole dɛ do o dem kɛɛ harɛ la ta waa wola ban baɡlɛ.

1 Koranar 10:25

Benanyoa bɛlbwa ba dɛ ba o be naa, koŋkɛɛla aa ɛ kwaa baa kpɔ suuɡapoŋa ne suuɡaswɛm ɛa, ne batakaani ne dɔmkwa ne konsɔɔhsoma ne jaɡre, dɛ keeɡoree ba kpɔ baa tɛo.

1 Koranar 10:15

Anɔ la waa dɔa dɛɛ le bonadiire ne kon-yoɡra ne Arab harɛ koranar dɛ nomonome baa chɔ harɛre nyoo be te ta jae.

1 Koranar 10:10

O kpɔ suuɡaswɛm a tɔɡre aa ɡwaa kilore kaɡboŋa anaarɛ, ne konsɔɔhsoma aa wara pirim, dɛ bwedɛɛɡa a yoɡ aa kpeɡa tɛ Kooro Solomɔn. Seeba kooro waa ɛ haah konsɔɔhsoma waa kpɔa ka tɛ Kooro Solomɔn kan aa doa la, nomɛlbwa ta a dɔŋa ne balɛ ɡɛ bwa.

1 Koranar 10:2

Seeba kooro la kpɔ nɛra baa dɛ tomɔ dɛ warɛ ja o nɛ, ne nyoɡmare aa cheɡɛ konsɔɔhsoma ne suuɡaswɛm kohona, ne bwedɛɛɡa a yoɡ aa kpeɡa kohona, dɛ la Kooro Solomɔn be. Waa laŋa o ne o ka cheme la, o bɔɔ Kooro Solomɔn waa aa lɔ o nyu bini bwa.

1 Jɔn 1:8

Dɛ ya ŋɔ wechɔɡa toole ya nɛ aa, ya dɛ neɡre ya nyuune. Dɛ yaa kasinteŋ bol.