Aesaya 38:5 - mzwDBL

⁵ ó berɛ, dɛ́ ka ŋɔ Kooro Hɛsɛkea be kɛŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ kpɔ bene fi dɛ anuee ja he mkpa ta.

Aesaya 38:5 Referans Kwoze

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”

Yela 56:8

He na ɡɛ n bwara aa dɛ nyɛɡ, he ɡbabir jemɛ n suna maa dɛ di. A toole he tɔn bini ɡɛ naa?

Amanesoma Luk Aa Chwera Tɔn 1:13

Anee nyundua torome la ŋɔ o be ŋɔ, “Sekaria, dɛɛ berɛ ɔma! Korowii no he wesoŋa. He haah Ɛlesabɛt ɛɛ lolɛ bibaalee tɛɛ, ásɛ he pa o sɔn Jɔn.

Yela 147:3

O ɡelɔ nɛra ba bambile aa chɔɡa dɔ bolarawa, dɛ vɔrɔwe ba ŋwɛra.

Yela 116:15

Korowii nɛra ba wa aa toɡra o be la waa hiaoh, ba seo ɡelɔ o loo ɛɛ ku.

2 Kɔrent 7:6

Kɛ Korowii aa dɛ larawe tebinichɔɡ te bwara la nomanta, Taetos bala la ɡelɔ ya dɔ bɔlarawa.

2 Koranar 19:20

Ate, Emɔɔs bibaa Korowii keame Aesaya kpɔ kala tɛ Kooro Hɛsɛkea ŋɔ, “Waa Korowii Israel tena aa dɛ tomɔ aa dɛ bol laanee kɛŋɔ, o no Asiiria koojen Senakerib wesoŋa haa soŋo la,

Matiu 22:32

O ŋɔ, ‘Menee Korowii Abraham ne Aesek dɛ Jekɔb aa tomɔ la.’ Lala laa dɛɛ tomɛ Korowii, weeraa dɛɛ tomɔ.”

2 Koranar 18:2

dɛ Kooro Hɛsɛkea dɔ bene fifraanɛ dɛ anue. O soɡe Jerusalam di kora bene fifraanɛ dɛ anuanaarɛ. O nya sɔne Abija. Abija ɡe mɛɛ sɔne Sekaria.

1 Koranar 8:25

Name, n Naa Korowii Israel tena aa dɛ tomɛ, teŋɛ nyoa haa baɡɛ n mɛɛ Kooro Devid waa ɛ he bonɔɔ la ta, ɡɛ haa ŋɔa ŋɔ dɛ o bii do sie dɛɛ teŋɛ he waa ta, ɡɛ he Mmarare aa dɛ baɡle la aa, o naanar bini bɛlee dɛ́ so Israel tena kora ta he sie.

We-ɛɛla 27:24

dɛ ba ŋɔ n be ŋɔ, ‘Pɔɔl, bɛ ɔmɛ! Hɛɛ la Koojen Siisa bee. Nɛra la bwa he ne baa dɛ valɛ nɔ, Korowii noɔ tɛɛ. Wɛɛ lɛɛ baa.’ ”

Yela 39:12

N Naa Korowii, no n wesoŋa, no n wii dɛ́ cha mɛ, bɛ he deŋna laa kpɔ n be. N do kɛŋɔ hɔɔh harɛ nɔ ta he sie, kɛŋɔ ya naawa bwa fa aa ɛa la.

Job Tɔn 14:5

He tɔ sie jemɛ ɡɛ nɛn aa so ka tel, dɛ jemɛ korobie aa lɔ o soɡa la ta. He maɡa ɡɛ bil aa wola charɛ.

2 Koranar 18:13

Kooro Hɛsɛkea aa di kora bene fi dɛ anaarɛ ta la, Asiiria koojen Senakerib kpɔ o laa tena, dɛ ba yo Juda harɛ ta bwɛjena baa ma danjwɛkpeɡa bara, dɛ pɔ ba nɛ.

1 Koranar 15:4

Kɛ Korowii waa dɛ tomɔ koh Kooro Devid wa ɡɛ waa tomɔ nomanta, dɛ tɛo bibaa waa chiɡ o naa ta di kora Jerusalam, ásɛ Jerusalam won che.

2 Webena 34:3

Kooro Josia aa di kora bene anuatoro la, dɛ o ta ɛ bonɔmbi, asɛ o pa mun dɛɛ tomɛ Korowii o nabaa Kooro Devid aa tomɔ la. Bene fi dɛ anɛ ta la, o pa mun dɛɛ chɔɡ bela Juda harɛ ne Jerusalam tena aa dɛ tomɛ voɡa, ne voɡ Asera dajaŋa ne voɡare baa sɛah ne anɔ la bwa aa jaa.

Aesaya 38:4

Anee Korowii berɛ ŋɔ Aesaya be ŋɔ,

Yela 6:9

O no n suna wii, wɛɛ sɛh n bee.

Wejereme 3:3

kpoe dɔ o tɔpere, chaeh ɡe tɔpere do le, danjwɛɛ taɡa dɛ́ ɡo saŋ lole, o kwaara dɛ́ ma ɡe saŋ do le.

Aesaya 37:21

Ate, Emɔɔs bibaa Korowii keame Aesaya kpɔ kala tɛ Kooro Hɛsɛkea ŋɔ, “Waa Korowii Israel tena aa dɛ tomɔ aa dɛ bol laanee kɛŋɔ, o no Asiiria koojen Senakerib wesoŋa haa soŋo la,

Wiile 3:56

He no n waa maa kpɔa bil he sie. Bɛ deŋna tɔɔɡe, no n wii, dɛ́ ba cha mɛ.