Aesaya 37:3 - mzwDBL

³ Waa waa kpɔa tɛ ŋɔ ba ka ŋɔ Aesaya be laanee kɛŋɔ, “Wahala ne deŋnetɛra ne sihiih tɔperee fini. Ya do kɛŋɔ haah loltea aa lɔɔ o ɡwɛɡre waa wola won lolɛ la ken.

Aesaya 37:3 Referans Kwoze

Hosia 13:13

Ba nyu som kɛ baa dɔ bɔr dɛ́ so, kɛ dɛ ɡɛn dɛ vɛh waa la. Ba do kɛ bechala baa dɛ ba o lola waa wola bala nyin.

Aesaya 66:9

Mɛɛ pili haah lolee dɛ́ berɛ vɔmɔ bie aa? He bɛ lii kɛŋɔ saŋ telo kɛŋɔ ba lolɛ n bii aa, mɛɛ tɔ a ŋwɛnɛɛ.” Korowiirii bola.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

2 Koranar 19:3

Waa waa kpɔa tɛ ŋɔ bá ka ŋɔ Aesaya be laanee kɛŋɔ, “Wahala ne deŋnetɛra ne sihiih tɔperee fini. Ya do kɛŋɔ haah loltea aa lɔɔ o ɡwɛɡre waa wola won lolɛ la ken.

Aesaya 33:2

N Naa Korowii, na ya sum, he bee ya hwɛɡa bwa do. Nyiŋi ya nɛɛ he kpeɡri ne tɔpere bɛlbwa. Lɛ yaa dɛɛ le wenaale ta.

Yela 95:8

“He bɛ deŋnekpeɡ ɛ kɛŋɔ he naawa fa aa ɛ deŋnekpeɡ Mɛreba, dɛ vɛh o waa noe, dɛ jo o nɛɛ la, ɡɛ baa ɛa pua hɛŋle ɡbo harɛ ta Maasa la.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

2 Webena 15:4

Kɛ wenaale aa ba ba nɛɛ la, ba ɡaaɡe Korowii Israel tena aa dɛ tomɔ la bɔr, asɛ o ɡel ba nao.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.

Aesaya 22:5

Awola tɔpere la, Korowii, Koranar Bwa Kooro ɛɛ ɡeloo o ɛ ɡbɔɡa ne ɡaeh ne ɔmee tɔpere Chaahna Fɛlembɔjen la ta. Ba kuuɡi danjwɛɛ waa bar bwɛjen la ta awola, ba wii kaa le bwejena dor.

Hosia 5:15

Ásɛ n berɛ kaa n buɡ ta bela maa lole ka tel kɛŋɔ baa sɛh ba chɔɡre. Baa dɛɛ nyin n sie dɛ na, ásɛ a noo ba aa, bá ɡaaɡe n bɔr sibeɡra ne.”

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Aesaya 26:16

N Naa Korowii, he tɛr he nɛra deŋne baa na wahala, asɛ ba ba he be ba soŋe.

Aesaya 66:7

N bwɛjen waa do ɡoroŋ la do kɛŋɔ haah waa lolɛ bie waa wola weweele bɛlbwa nae.

Hosia 5:9

Israel harɛ ɛɛ chɔ pɛɛ, awola maa ba tɛr o nɛra deŋne la. Israel deene bwa bee mɛɛ bol waa aa ɛ kasinteŋ aa dɛ ba bala.

Aesaya 29:2

kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.