Biblia Todo Logo
Bib sou entènèt

- Piblisite -




Aesaya 36:16 - mzwDBL

16 He bɛ Kooro Hɛsɛkea waa no. Asiiria koojen dɛ bol ŋɔ, hé le bwɛjen la bini ba o be, dɛ́ kpɔ he te ba do o lɔɡa. Wɛɛ ɡeloo he bini bɛlbwa dɔ o fiɡ ne o ɡrepo daa kooni nɔna di, dɛ́ nyɔ o kɔlɔŋ bini ne,

Gade chapit la Kopi




Aesaya 36:16
16 Referans Kwoze  

Awola tɔpere la, he bini bɛlbwa ɛɛ yerɛ o dɔŋee he so deŋnesɔɔhna ta, ásɛ he ɡrepo ne he fiɡ daa kooni bar heya.”


O ta aa soɡe le la, dɛ nɛra baa soɡe Juda ne Israel harɛ bwa ta ɡɛ saŋ lɔ bosɔɔhna ta. Le Dan dea harɛ waa lɔ weekaŋle nyundua, dɛ́ ba kaa Beɛseeba o ɡe aa lɔ weekaŋle harɛbɔr. Dɛ dea bɛlbwa nɛra dɔ bosɔɔhna, dɛ dɔ fiɡ ne ɡrepo daa kooni.


Bɛlbwa ɛɛ so deŋnesɔɔhna taa, asɛ daa kooni ne fiɡ daa kooni baro cheme, nomɛlbwa aa wola won ba aah ba kpa. Koranar Bwa Kooroo bola.


A waa n na kɛŋɔ a chɛ kɛ n soŋe yabala nɔ ásɛ ba tɔ sie n nɛɛ dɛ́ ba he be, dɛ́ ba lɛ koŋkɛɛla la haa ŋɔa hɛɛ tɛo la bwa cheɡ, ásɛ ya ne bala la, dɛ a bwa chemo, ásɛ a baɡle kɛ nyinaa hɛɛ nyin dɛ tɛ, lao laa.


He ne he haah ɡbo ɛɛ chɔ, kɛŋɔ haa dɛ nyɔ he dem nee ɡbo la.


He bɛ Kooro Hɛsɛkea waa no. Asiiria koojen dɛ bol ŋɔ, hé le bwɛjen la bini ba o be, dɛ́ kpɔ he te ba do o lɔɡa. Wɛɛ ɡeloo he bini bɛlbwa dɔ o fiɡ ne o ɡrepo daa kooni nɔna di, dɛ́ nyɔ o kɔlɔŋ bini ne.


Naaman ne o bonɔɔna la bwa berɔ ba Korowii keame Elaesa be, asɛ Naaman ka che o sie dɛ ŋɔ, “N nao kɛŋɔ Korowii bɛlbwa toole harɛ nɔ ta bobɛlbwa ka ja Israel harɛ ta. N dɔɔ, n poori lɛ koŋkɛɛla he bonɔɔ aa ba a ne ba tɛɛ nɔ.”


Kooro Solomɔn bere saŋ dɛ Juda ne Israel tena warɔ kɛŋɔ mpo nyoa hɛŋle ken. Kɛ dɛ bɛlbwa dɔɔ dɛɛ di dɛɛ nyɔ, ba sie ɛɛ lɛ.


Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.


Koŋkɛɛla he tolo aa ba a ne nɔ, n dɛ soŋe kɛ he lɛa dɛ́ kpɔ tɛ he bonɔɔna baa dɛ teŋɛ he nɛɛ la.


Belaa Jabes nomonome ŋɔ o be ŋɔ, “Tɛ yaa tɔpera anuanɛ ásɛ ya tomɛ nɛra Israel harɛ ta bwa, dɛ ya ta nomɛlbwa dɔe ó ba lɛ yaa aa, yáa kpɔ ya tenee do he lɔɡa.”


N poori, sɛh dɛ́ lɛ kwaa maa kpɔa dɛɛ tɛɛ nɔ. Korowii cha mɛ kohona dɛ sune n nɛɛ asɛ dɛ tɛ mɛ komɛlbwa.” Ba bolɔ la sie kɛrɛdɛ mɔɔ Esɔ ta ba lɛ.


Hé berɛ ɡel ó jemɛ kɛŋɔ o bonɔɔ Jekɔb ɡe lɔ habɔɔ dɛɛ ba. Dɛ ń tɔ sie, dɛ́ kpɔ koŋkɛɛla nɔ ba tɛɛ, ásɛ mɔɔ o tel he be. Ásɛ dɛ he nao waa, he ken ɛɛ kpɔɔ kɛɔ.”


Dɛ he nyiŋi fiɡ daa ta kɛrɛdɛ naa, he dɔ o nɔna dɛɛ di, ɡɛɛ dɛ bonɔɔ tomɛ o dɔɔ kɛrɛdɛ naa, wɛɛ dɔ sɔn.


dɛ ka tel kɛŋɔ maa kpɔ heyaa kaa bojaŋ harɛ waa do kɛŋɔ he kon nɔ ta. Harɛ daa kooni aa lole he dɔ sen le a ta, ne mea baa kpɔ ɛ paanoo, ne ɡrepo daa kooni.


Swiv nou:

Piblisite


Piblisite