Biblia Todo Logo
Bib sou entènèt

- Piblisite -




Aesaya 35:2 - mzwDBL

2 Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

Gade chapit la Kopi




Aesaya 35:2
57 Referans Kwoze  

Baa che Lɛbanɔn kɔr dadɛɛɡa ne ba dajaŋa bwa soo siwii dɛ́ ba kwaa n Dea maa lɔ o bini nɔ ne n bwɛjen la á do wer.


A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”


Dɛ Korowii ta nɛn tomaa, ɛrɛɛ wɛɛ ba ɛɛ dɛ bol o waa laɔ? Anee kɛŋɔ Korowii Tɔn aa ŋɔa la. O bolɔ ŋɔ, “Hé na ɡɛ toroma baa kpoŋe Amanesoma dɛɛ valɛ la, hé no ba bala wa aa, he bambile ɛɛ sɔɔh heyaa taeh!”


Gɛ nee aa su mpo ta la, ɡɛɛ nɛra baa lɔ harɛ nɔ ta ɛɛ ba Korowii kpeɡri ne o jirima kohona jema.


Ásɛ Korowii ba baɡle o jirima nɛwɛnyina bwa na. Korowiirii bola.”


A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.


Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.


N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.


O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.


Haa wee nyin kɛ tɔɔ peraa, o chaah tɛɛ kpa. Haa korobie ɡee nyin kɛ o chaah tɛɛ jwaana ɡe. Men Korowiirii dɛɛ ba he nɛɛ chaahna saŋ bɛlbwa, n jirima do he nɛ.


Harɛ la chɔɡɔ, o chɔɔ pɛɛ. Sihiih kpo Lɛbanɔn kɔne, a daa serewe. Sarɔn fɛlembɔdɛɛɡe berɛ pua hɛŋle ɡbo harɛ, Basan harɛ ne Kaamɛl Bwejen ta, daa papooni dɛ chure.


He sɔn ɡɔɔrɔ kɛŋɔ Kaamɛl Bwejen. He nyumpona jaŋne dɛ bir dɛɛ nyɛɡle, hale kooro kwaraa pɛla dɛ lawɛ.


Hé kpɛɛ o sɔn waa dɔ jirima saŋ bɛlbwa dɛɛ la. Hé ɡel o jirima su harɛ nɔ ta bwa. Aamen.


Gel boyu perɛ harɛ nɔ ta, ásɛ mea ɡe bu deŋɡarere bwa dor. Gel a ɛ kɛrɛdɛ kɛŋɔ anɔ la aa lɔ Lɛbanɔn harɛ bwejena dor, ásɛ nɛra ɡe su bwɛjena la ta, kɛŋɔ kpɔɡa aa lɔ koo ta ken.


Korowii do kɛ kandea dɛɛ chaah dɛ le bwɛjen Saayɔn waa wera kohona ta.


Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.


Dɛ berɛ chaɡle bobɛl ɡe ŋɔ, “He nɛra haa wola Juu tena ɛɛ, hé pu Israel tena hɛɡre.”


Yeesu jirimaa Aesaya na asɛ dɛ bol o waa ɡɛ la.


Israel tena ɛɛ doo kɛŋɔ banyoola, ásɛ ba sie lɛ kɛŋɔ nɛra aa nyɔ sen ba sie ɛɛ lɛ la. Ba bii ɛɛ nao ba sie lɛ, ásɛ ba hɛɡre waa Korowii aa ɛa wa.


He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.


Kwaa aa lɔ nyundua, hé do lɔŋɔre silɛɛ ne, kwaa aa lɔ harɛ ta ɡe, hé hɛɡre! Bwejena ɡe ɡo silɛɛ yela. Korowii ɛɛ larawe o nɛra bwaraa, wɛɛ dɔ tedomaa tɛ wahala tena ɡe.


Mɛɛ ɡeloo peleme ne akaasia ne mɛtel ne ɔleve daa le pua hɛŋle ɡbo harɛ ta. Mɛɛ ɡeloo kɔr bini daa le harɛ waa wola were tɛ komɛlbwa ta,


Gɛɛ aa ba doe dɛ ka tel kɛŋɔ, Korowii Doma aa ba so ya nɛɛ mɔɔ pua hɛŋle ɡbo harɛ la berɛ harɛpare ondɛɛɡe, o ta kwaa do wer, ásɛ o berɛ do kɛŋɔ kɔr ken.


Asɛ a bini bɛlbwa ɛɛ ŋɔ o dɔŋ be ŋɔ, “Koranar Bwa Kooro do ɡoroŋ, o do ɡoroŋ kɛrɛdɛ. O jirima su harɛ nɔ bwa ta.”


Kwaa aa lɔ nyundua dɛ baɡle kɛ o waa toɡrɔ, asɛ harɛ nɔ ta nɛra bwa ɛɛ na o jirima.


Henee ta weekaŋle nyunduabɔr, ne weekaŋle harɛbɔr. Tabɔ ne Hɛmɔn Bwejena ɡo yela dɛɛ kpɛɛre kɛŋɔ nɛra aa dɛ ɡo yela ken.


Ásɛ kɔr bini daa ɡe ɛɛ hɛɡre ɡɛ, saŋ Korowii aa ba di kora harɛ nɔ ta la. Wɛɛ ba bol harɛ nɔ ta nɛra waa dɛ́ pa bole.


Nɛra baa lɔ Leda ne Sarɔn bwa na baa la dɛ charɛ ba liire, dɛ teŋɛ Yeesu nɛ.


ásɛ tɔɔ perɔ chɔɔ ɡe aa, he na Korowii jirima chaahna, dɛkalkɛ o noɔ kɛŋɔ haa dɛ naɡre o wa. Ya ɡee bamewa hɛɛ naɡre ya waɔ?”


Dɛ Gad tena soɡe Gelead ne Basan harɛre ta ne bwɛɛre aa bara bwa, dɛ kondɛɛra dibɔra aa chɔa dɛ kaa dɛ do Sarɔn bwa.


N do kɛŋɔ kpɔɡa fee aa lɔ Sarɔn harɛ waa chɔa kaa ta, dɛ do kɛŋɔ kpɔɡa fee aa lɔ nenabɔɔ bini.


Tɔpere bɛl ɛɛ bao Jekɔb naanar baa ɛ Israel tena la dɔ lune dɛ́ le kɛŋɔ daa ken, dɛ́ moɡɛ dɛ́ fe, ásɛ dɛ nɔnɛ perɛ harɛ ta bobɛlbwa.


Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.


Jerusalam tena, he teeh kaa bwejena dor, dɛ́ ka bol amanesoma la! Hé bola takpeɡ ne, he bɛ ɔmɛ, hé ŋɔ Juda harɛ bwɛɛre nɛra be ŋɔ, “Korowii haa dɛ tomɔ la dɛ ba.”


He banɔ la haa dɛ nyin Jerusalam waa la, he ne ó pɛ lɛ sie. Nɛra haa wia tɛo bwa ɡe hɛɡre.


Dɛ he na ɡɛ waa nɔ a chiɡ aa, he sie ɛɛ lɛo, a tɛɛ kpeɡri, ásɛ he jemɛ kɛŋɔ n dɛ cha nɛra baa dɛ no n deŋna wa, dɛɛ baɡle n bandia nɛra baa ɛɛ mɛ dɔm nɛ.”


Mɛɛ ɛo kɛŋɔ bwaala waa nɛ harɛ waa hola ta, dɛ́ tɛ Israel tena, ásɛ ba do kɛŋɔ kpɔɡa fee ken. Dɛ so kɛŋɔ daa lune aa kaa harɛ bini ken, kɛŋɔ peleme daa aa lɔ Lɛbanɔn harɛ ta ken.


ne Alamɛlɛk ne Amad dɛ Misal. O wee cholibɔr jwɛh la kaa tel Sehɔ Lebnat ne Kaamɛl Bwejen ta.


Sitrai waa le Sarɔn, ɡee chɔ kooro nae nɛra aa kpɔa dɛɛ la a ne dibɔra Sarɔn nyoa. Asɛ Adlai bibaa Safat ɡe chɔ kooro nae baa kpɔa dɛɛ la dibɔra fɛlembɔjena bini nyoa.


Swiv nou:

Piblisite


Piblisite