Aesaya 33:9 - mzwDBL

⁹ Harɛ la chɔɡɔ, o chɔɔ pɛɛ. Sihiih kpo Lɛbanɔn kɔne, a daa serewe. Sarɔn fɛlembɔdɛɛɡe berɛ pua hɛŋle ɡbo harɛ, Basan harɛ ne Kaamɛl Bwejen ta, daa papooni dɛ chure.

Aesaya 33:9 Referans Kwoze

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

Neehum 1:4

O dɛ bol wa mpo hweeh, dɛ́ ɡel neerare bwa hweeh. Basan harɛdɛɛɡe ne Kaamɛl Bwejen bwa dɛ hol, asɛ Lɛbanɔn daa fee bwa ɡe ɛɛ serewe.

Aesaya 65:10

Sarɔn ɛɛ ɛ peera dibɔree, ásɛ Akɔ Fɛlembɔjen ɛ bela nae aa dɛ onɛ, dɛ́ tɛ n nɛra baa dɛ nyin mɛ bambile bwa ne.

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Jeremia 50:19

Kɛ mɛɛ berɔɔ lawɛ Israel tena ba ba harɛ ta, ásɛ ba baa di kondikwaa aa lɔ Kaamɛl Bwejen ne Basan harɛ ta. Baa di kondikwaa ɡɛ bwa baa dɛ nyin Efrem ne Gelead deŋɡarere ta.

Aesaya 37:24

He tomɛ he toroma ba ɛ mbarafo baɡ mɛ ŋɔ, he wono kpɔ torɔɡore teeh kaa bwejena aa lɔ Lɛbanɔn dor. He ŋɔ belaa he teŋni peleme daa aa jaŋa kohona, ne dadɛɛɡa bwa soo siwi, dɛ jo kaa kɔr la baah tenten.

Aesaya 24:1

Hé no! Korowii dɛ ba harɛ nɔ chɔɡa o chɔ pɛɛpɛɛ. Wɛɛ lɔ nɛra baa lɔ o taa peɡre, dɛ́ chɔɡ komɛlbwa o ta.

Aesaya 14:8

Lɛbanɔn harɛ peleme daa, ne anɔ la aa jaa kwaraa sie lɛ wechɔɡ-ɛɛ la kora la ɡui wa, dɛɛ ŋɔ, ‘Taraken baa ba he ne harɛ nɔ, nomɛlbwa toole dɛ́ teŋe yaa kpa.’

Aesaya 3:26

Bwɛjen Saayɔn doonyoo ɛɛ chɔ pɛɛ, ásɛ bwɛjen la do kɛŋɔ haah tea bini aa chɔɡa, o so harɛ dɛɛ wi la.

Aesaya 2:13

Wɛɛ chɔɡ Lɛbanɔn peleme dajaŋa ne Basan dajena ɡe bwaa,

Yelsom 2:1

N do kɛŋɔ kpɔɡa fee aa lɔ Sarɔn harɛ waa chɔa kaa ta, dɛ do kɛŋɔ kpɔɡa fee aa lɔ nenabɔɔ bini.

Mmarare 3:4

A ɡɛ saŋ la ya lɛ o bwɛjena bwa. Dɛ a lɔ bwɛjena fifraanumɛl, bɛlbwa toole yaa wola ba be lɛɛ, Aaɡob harɛ Kooro Ɔɡ aa dɛ di kora o ta Basan harɛ bwa.

We-ɛɛla 9:35

Nɛra baa lɔ Leda ne Sarɔn bwa na baa la dɛ charɛ ba liire, dɛ teŋɛ Yeesu nɛ.

Aesaya 10:34

Wɛɛ teŋ baa ta, kɛŋɔ baa kpɔ kpanfɛ teŋni kɔr baah daa dɛɛ ta la ken. Ba kpeɡri kɛŋɔ Lɛbanɔn daa kwara naa, wɛɛ teŋ baa ta.

Aesaya 29:2

kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.

Hosia 4:3

A ɡɛ nomanta, harɛ la holɔ dɛ chɔɡ, ásɛ kwaa aa lɔ o ta bwa serewe. Kpɔɡ bini ola ne jumbii dɛ mpo bini pɛŋa bwa dɛ serewe.”

Job Tɔn 15:33

Baa ɛo kɛŋɔ ɡrepo daa o nɔna aa wola beɛ dɛ lee, kɛɛ ɔleve daa o fee bwa aa leera.

Emɔs 1:2

Emɔs ŋɔ, “Korowii baah diu o kɔr le Saayɔn Bwejen ta, o taa kpeɡri kɛŋɔ bwaala aa dɛ kɔɡre ken, o le Jerusalam dɛɛ ba. Kondɛɛra dibɔra bwa holɔ, Kaamɛl Bwejen doa kpɔɡa bwa serewe.”