Aesaya 33:6 - mzwDBL

⁶ Wɛɛ ɛo kɛŋɔ dea mumpar waa kpeɡa dɛ tɛ heyaa he saŋ, dɛ́ lɛ heya dɛ́ tɛ heya wejema ne waa mun noe kohona saŋ bɛlbwa. O ɔma taa hɛɛ ba cheɡa, dɛ́ dɔ ɡɛ waa nɔ bwa.

Aesaya 33:6 Referans Kwoze

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Sɛɡla 19:23

Korowii ɔmaa dɛɛ ba mkpa ne, anee ɡela nɛn liire ɛɛ chɔ bobeŋkpoŋ o bwara ɛɛ sɔɔhno.

1 Timoti 6:6

Nɛn haa dɛ tomɛ Korowii, he siwi ɛɛ su komɛlbwa Korowii aa tɛɛ la, he ɛ kondɔɔh tenten.

Wejereme 7:19

Wejema ɛɛ won ɡel nɛmbeŋkpoŋ di kpeɡri, dɛ́ ɡwaa koranar fi baa lɔ bwɛjen ta.

Sɛɡla 14:27

Korowii ɔma do kɛ bule waa dɛ tɛ mkpa, anee dɛɛ le nɛn seo ŋwɛnɛre ta.

Yela 28:8

Korowii kpɔ nɔn dɛɛ tɔ o nɛra nɛ, dɛɛ tɛɛ ba bokpeɡa, o do kɛ danjwɛkpeɡ, dɛɛ lɛ kooro waa leo cheɡ.

Aesaya 51:6

Hé ha sie nyiŋi nyundua, dɛ́ berɛ ba sie ne harɛ dɛ́ nyiŋi. Nyundua ɛɛ nyoɡroo kɛŋɔ ninchuu ken, ásɛ harɛ ɡe chɔɡ kɛŋɔ yakwara aa kɔɔhna ken, nɛra baa lɔ o ta serewe kɛŋɔ chwɛɛhne. Kɛ lɛɛ maa dɛ ba nɛra lɛɛ la ɛɛ do lee saŋ bɛlbwa dɛɛ la. N waa aa toɡra ɡe aa tonɛ bwa.

Wejereme 7:12

Wejema dɛ tɔ nɛn nɛ, kɛŋɔ suuɡa aa won nɛn lɛɛ la ken. Wejema dɔe kohona ɛɛ won ɡel naate la so sodɛɛɡa, dɛ́ dɔ mkpa.

Sɛɡla 28:2

Harɛ wechɔɡ-ɛɛra aa lɔ o ta la, o koranaree dɛɛ warɛ. Kɛ harɛ waa dɔ nomonome baa dɔ wejema la, dɛ do kpeɡri dɛ́ che kiŋkiŋ.

Sɛɡla 15:16

He dɛ ɔmɛ Korowii dɛ dɔ kwaa tama, bɔ kɛŋɔ haa dɔ kwaa kohona dɛɛ dɔ wa.

Yela 140:7

Nemenɛ Korowii, he kpeɡri dɛɛ che n habɔɔ, henee tɔ mɛ ɡbemɡbe laa ta,

Yela 45:4

Che kan haa doa ta ka yo, dɛ́ pɔ he dɔma nɛ, dɛ́ kpɔ kasinteŋ ne toɡra he wa aa toɡra, bol waa dɛɛ pa bole. He kpeɡri kohona ɛɛ ɡeloo hé pɔ he dɔma nɛ.

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.

Sɛɡla 29:4

Kooro waa dɛ di kasinteŋ la, o ɡelɔ harɛ la wobɛlbwa ɛɛ maɡre, kɛ onɔ la o sie aa dɛ lɛ kɛ baa yawɔ sen te dɛ paɡre harɛ.

2 Koranar 18:7

Anomanta, Korowii ja o nɛ, asɛ wobɛlbwa waa ɛa la do wer. O ɛ Asiiria koojen dɔm, dɛ laa o te kpɔ o lɔɡa, dɛ ŋɔ waa on tomɛ kpa.

Sɛɡla 14:26

Baa waa dɛ ɔmɛ Korowii bwara dɛ sɔɔhno. Wɛɛ kpɔ nɔnee tɔ o haah ne bii nɛ.

Aesaya 11:9

Nɛra aa ba dɔŋaa kpo kɛɛ dɛ chɔɡ komɛlbwa kpa, Korowii Bwejen waa do ɡoroŋ la ta. Nɛra ɛɛ jemɛ Korowii harɛ la bwa taa, kɛŋɔ mpo aa yɛɛra la ken.

Aesaya 26:1

Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta. Ya dɔ bwɛjen danjwɛkpeɡ aa baro name, Korowii ɡbabirii cheɡɛ ya habɔɔ, dɛɛ nyiŋi danjwɛɛ waa baro ta.

Aesaya 33:20

Hé nyiŋi Saayɔn, bwɛjen yaa dɛ di tɔpejena o ta la. Hɛɛ nao kɛŋɔ Jerusalam dɔ deŋnesɔɔhna ne soɡa, kɛŋɔ tɛnte dea waa cheɡɛ o buɡ ta, saŋ bɛlbwa, o daa baa kpaara do harɛ dɛ kpɔ baŋro la aa fome kpa bwa, ɡɛɛ o ɡboɡbie ɡe aa wola chaa.

Aesaya 45:17

Kɛ Israel tena te, Korowii ɛɛ lɛɛ baa saŋ bɛlbwa. Baa sihiih di, saŋ bɛlbwa bwa.

Aesaya 51:14

Banɔ la baa do ba dea la, aa biɡri bá lee ba. Baa dea baa kwiu bɔɔ biro tenten do bela la binii serewe, á ba ɛ kɛŋɔ kondikwaa waa ɛɛ noo baa.

Job Tɔn 4:6

He tomɛ Korowii, wechɔɡa bɛlbwa aa wola toole he nɛ, a chɛ kɛ hɛɛ yarada dɛ dɔ hwɛɡa.

Sɛɡla 2:5

a taa hɛɛ ba cheɡa dɛ́ jemɛ Korowii ɔma mun, dɛ́ berɛ jemɔ kɛrɛdɛ.

Sɛɡla 14:24

Wejereme kondɔɔh o wejema, asɛ ɡɛne ɡe we-ɛɛla ɡel baa jemɔ.

Aesaya 32:17

Deŋnesɔɔhnaa dɛɛ ba waa aa toɡra la ta lee, dɛ́ ɡel bɔr sɔɔh, ásɛ ɔmee aa lee do kpa bwa.

Aesaya 32:18

Korowii nɛra ɛɛ so deŋnesɔɔhna taa, wobɛlbwa aa wola ba nɛɛ ba ba deremi, ásɛ ba so kɛrɛdɛ ken.

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Habakuk 2:14

Gɛ nee aa su mpo ta la, ɡɛɛ nɛra baa lɔ harɛ nɔ ta ɛɛ ba Korowii kpeɡri ne o jirima kohona jema.