Aesaya 33:15 - mzwDBL

¹⁵ Nɛra ba wa aa toɡraa dɛɛ bol kasinteŋ, baa wola ba kpeɡri ta cheɡɛ hamɛ nɛra dɛɛ dɔ kwa. Nɛra ba sie aa wola lɛ kɛ ba yaɡ ba sen, dɛ laa ba te dɛɛ kpɔ nɛŋkpoa waa ta, dɛɛ lawɛ ba te kɛŋɔ baa wechɔɡaa ɛ la.

Aesaya 33:15 Referans Kwoze

Yela 119:37

Bɛ ɡel n pɛla do kwaa aa wola tɔnɔ dɔe ta. Tɛ mɛ mkpa ɡɛ he waa la aa baɡla la.

1 Jɔn 3:7

N bidɛɛɡa, he bɛ ɡel nomɛlbwa neɡre heya. Nomɛlbwa waa dɛ ɛ wedɛɛɡa aa su Korowii siwi la ɛ nɛndɛɛɡe ɡɛ Yeesu Kristo aa ɛ nɛndɛɛɡe la.

Jems 5:4

Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Amanesoma Luk Aa Chwera Tɔn 19:8

Sakeos iro che dɛ ŋɔ Yeesu be ŋɔ, “Nomoa! N dɛ soŋe, no. Mɛɛ bɔne n laala bini bɔre anɛɛ, dɛ́ kpɔ beŋkpoŋ kɛ nyaara. Dɛ n kpɔ apoo ŋwɛnɛ ta dɛ lɛ nomɛl kwaane aa, mɛɛ bɔ kwaa la bele anaarɛɛ tɛ naate.”

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Malakae 2:6

Waa aa ɛ kasinteŋii ba baɡle, ba ta nyosone teŋe bwa. N ne ba soɡe deŋnesɔɔhna ta. Waa aa toɡra ɡbo laa ba ɛ, kɛ a cheɡɛ ba nɛɛ nɛra ɡalɡa ɡe charɛ ba liire le ba wechɔɡa ta.

Yela 106:3

Nɛra baa dɛ teŋɛ o Mmarare ta, ba waa toɡre saŋ bɛlbwa la, ba na som.

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

Matiu 26:15

dɛ ka pɛɛ ba ŋɔ, “Dɛ n ba Yeesu ne ba tɛ heyaa aa, aŋwɛnɛɛ hɛɛ ba n tɛɛ yɔ?” Anee Sɔfonomonome la kure suuɡapoŋa fifraatoro do o nɔn ta.

1 Samoɛl 12:3

N cheɡɛ bonɔ fini, dɛ n ɛ nomɛl wechɔɡe bɛl aa, bɛlbwa bol Korowii ne nɛn waa leo cheɡ o ɛ kooro nɔ sie. N lɛ nomɛl keeɡo kɛɛ nao o be naa? N faah nomɛl kɛɛ dɛ fiiɡi nomɛl aa? Umee n ɡel o yaɡ mɛ sen ɔ? Dɛ n ɛ anɔ bini bɛlbwa naa, mɛɛ bɔ naate a kemee.”

Nɛra Kura 16:15

Belaa Mosis baah di ba nɛɛ kohona dɛ ŋɔ Korowii be ŋɔ, “N Naa Korowii, n poori, bɛ ba saraha kwaa baa kpɔ ba tɛɛ lɛ! N ta komɛlbwa waa ɛ konjeɡa kɛŋɔ keeɡo kwaraa ba be lɛɛ, a ba ɛ kɛŋɔ n ɛ ba bini bɛl wechɔɡa.”

Aesaya 58:8

Anee dɛɛ ba ɡela n sie lɛ he nɛ, ásɛ he chaah kɛŋɔ wechɛn ken, ásɛ he weela bwa kaa warane, he wedɛɛɡa tɔ he sie, ásɛ n jirima tɔ he nɛ.

Sɛɡla 10:9

Nɛn o wa aa dɔ kasinteŋ la, o wobɛlbwa dɛ́ do wer, nɛn o wa aa wola sie chɔ te, ba dɛ nao.

Sɛɡla 15:27

Nɛn waa dɛ nyin kafo la kpɔ waa dɛɛ ba o ne dem tena nɛ, kɛ nɛn waa kia kɛ ba yawɔ sen la ɛɛ so lee.

Aesaya 58:6

Nyoa vɔwa maa dɛ nyin laanee kɛŋɔ, hé foo nɛra baa wola wobɛlbwa ɛɛ ba do ba dea la ta. Hé lɛ nɛra baa dɛ fiɡ ba ásɛ ba dɔ ba te.

Ɛsekeɛl 22:13

Mɛɛ lɔ kpaŋa bandia nee dɛ kooɡa ta ba nɛ, ŋwɛɛ ne nɛŋkpoa la wa.

Job Tɔn 31:7

dɛ n bɛɡɔ le o ŋwɛnɛ la ta, dɛ n siwi ɡelɔ n bambile lawɛ wechɔɡa kɛɛ dɛ n ɛ wechɔɡa dɛ kah doŋa aa,

Yela 15:5

ne nɛn waa dɛ kemɛ suuɡa, waa wola a nee lɛ, ne nɛn waa wola sɛɛh baa yawɔ sen, dɛ di dansewea dawɛ nɛn waa wola wechɔɡa ɛɛ nɛ. Nɛn waa dɛ ɛ a ɡɛ waa nɔ bwa la, o wobɛlbwa ɛɛ do werii tɛo.

Sɛɡla 1:10

N bie, dɛ wechɔɡ-ɛɛra dɛ doe hé ɛ wechɔɡa aa, bɛ sɛh.

Sɛɡla 1:15

N bie, he ne nɛra baa do ɡɛ la bɛ valɛ, laa he te kpɔ ba nɛ,