Aesaya 32:9 - mzwDBL

⁹ Haahna haa lɔ bosɔɔhna ta, hé no n be! Bitoli haa soɡa kɛrɛdɛ, hé cheɡ deŋne dɛ́ no n wa!

Aesaya 32:9 Referans Kwoze

Matiu 13:9

Yeesu aa bol a ɡɛ waa nɔ tonɛ la, anee o ŋɔ, “Nomɛlbwa waa dɛ nyin dɛ́ no la, ó no.”

Aesaya 28:23

Hé cheɡ deŋne dɛ́ no n be! Hé no waa maa dɛ bol nɔ kɛrɛdɛ.

Aesaya 3:16

Korowii ŋɔ, “Saayɔn haahna dɛ ɡɔɔ ba te, dɛ valɛ dɛ laa ba baŋa pa, dɛ kpɔ sie dɛɛ nyin baala. Ba dɛ valɛ tolvala naɡale bori ne, asɛ naloɡa baa kpɔa do ba nakpale la ɛɛ do ɡbɔɡa.”

Sefania 2:15

Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

Wiile 4:5

Nɛra ba fa aa dɔ kondikondɛɛɡa dɛɛ di la, lɔr kpo ba ba serewe chɔ fɔɡbaahna. Banɔ la baa dɛ di yɛɛ ɡe kam kompuɡreri puldoa dɛɛ di.

Sitɔɔla 9:7

Jotam aa no waa nɔ la, o teeh Geresim Bwejen dɛ ka che o doa, dɛ kpɔ takpeɡ sɛɡ ba ŋɔ, “Sɛkem tena, hé no n be ásɛ Korowii ɡe no he wa.

Mmarare 28:56

Gɛɛ haah waa jemɛ waa dɛ do pwɛre, dɛ dɔ o te, waa wola valɛ saɡasaɡa la ɡe ɛɛ ba ɛɛ.

Yela 123:4

Dɔɔhna mamɛ yaa biɡri, mbarafo tena nyiŋi yaa vah.

Jeremia 9:20

Belaa Jeremia ŋɔ, “Haahna, hé cheɡ deŋne Korowii be, dɛ́ɛ no waa waa dɛ bol. Hé chaɡle he bihaahna ɡɛ baa dɛ wi, ne he daamanar ɡɛ baa dɛ taa wiile.

Jeremia 9:19

Hɛ́ɛ no wii ɡbɔɡa aa dɛ le Saayɔn. Ba ŋɔ, ‘Akwe, ya chɔɡɔ! Sihiih kpo yaa kɛrɛdɛ. A chɛ kɛŋɔ yá le ya harɛ nɔ ta, ya soŋnibɔra bwa paɡrɔ.’ ”