Aesaya 30:32 - mzwDBL

³² Korowii aa ir o daŋɡbala dɛ́ kpɔ dɛɛ tɛr ba deŋne la, lɔe bɛlbwa waa lɔ ba la, dɛ Israel tena ɡe dɛ yiiɡi kwaa kɛŋɔ loŋa ken, dɛɛ lɔ janjela dɛɛ ɡo yela. Korowii ɡbaɡbaa dɛɛ ba ba yoi.

Aesaya 30:32 Referans Kwoze

Aesaya 11:15

Korowii ɛɛ ɡeloo Ijipt mpo kpale la hweeh kwaraa, ásɛ dɛ berɛ ir nɔn pa Yufretis Moo la ta, peuwɔb bɛl ta kpɔ o ta, ásɛ o peɡri nenabɔɔne anuanɛ, nɛra won do naŋɡawa dɛ́ jo dɛɛ le o baŋ.

Aesaya 19:16

Awola tɔpere, Ijipt tena ɛɛ ɛo kɛŋɔ haahna ken. Baa ɔmɔɔ ba bwara chel Koranar Bwa Kooro nɔn waa ɡɔɔra dɛ́ kpɔ tɛr ba deŋne la wa.

Aesaya 2:19

Nɛra ɛɛ ɔmɔɔ kohona, dɛ́ chwa ka jo bwebɔɔne, dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Hibru 12:26

Waa bol waa ɡɛ saŋ la, harɛ jiɡro. Kɛ taraken te, o baɡɛ nyoa ŋɔ, “Mɛɛ ba jiɡri harɛɛ kerabeŋkpoŋ ja. Harɛ ɡbo laa mɛɛ ba jiɡra. Mɛɛ jiɡri nyundua ɡee ja.”

Ɛsekeɛl 32:10

Mɛɛ ɡeloo harɛre ta nɛra bwara yɔr he wa maa ba tɛr n kere le ba nɛɛ dɛ́ kpɔ aah ba la, ɔmee ɛɛ chole ba koranar nɛɛ. He chɔɡa tɔpere wee la, bɛlbwa ɛɛ ɔmɔɔ o bwara ɛɛ sa, a do kɛŋɔ o dɛ ba sewa.’ ”

Aesaya 30:29

Korowii nɛra sie ɛɛ lɛo baa ɡo yela kɛŋɔ, baa dɛ di tɔpejena dɛɛ ɡo yela jwaana la. He baah ɛɛ sɔɔh heyaa kɛŋɔ nɛra aa hoh kalipere dɛɛ kaa Korowii Dea. Korowiirii do kɛ Israel tena Bwetal waa dɛ lɛɛ ba.

Aesaya 24:8

Kwaa baa dɛ yiiɡa kɛŋɔ loŋa a sii do som helɔ, janjela baa dɛ hɛlɛ a ne dɛɛ lɛ sie la ɡe hel. Haa nɛra baa dɛ hɛlɛ la ɡbɔɡa no bobɛlbwa.

Job Tɔn 16:12

N fa soɡe deŋnesɔɔhna ta, Korowii den ba hamɛ n baŋa dɛ taɡ mɛ ta harɛ. O kpɔ mɛ dɛɛ hweli hɛm tae.

1 Samoɛl 10:5

A habɔɔ, hɛɛ ka tel Korowii deŋɡare waa lɔ Gebea la taa, belaa Filisti tena baŋre ba tɛnte deene dɛ so. Haa dɛɛ jo bwɛɛ la doonyojen bini la, hɛɛ cheme Korowii keamere baa le saraha bɔr deŋɡare la ta dɛ teŋɛ dɔŋa nɛɛ dɛɛ ba, dɛɛ lɔ janjela ne ɡboŋri, dɛɛ hoh kalipere. Baa bol Korowii waa.

Mumpar 31:27

Ɛrɛɛ he neɡ mɛ dɛ sɔh dɛ chwa he ta men amaneɛ ba bɔe nɔɔ? He ɡelɔ n deŋne no aa, n fe kpɔ janjela ne kwaa baa dɛ yiiɡa kɛŋɔ loŋa ba tae ŋwɛnɛ silɛɛ ne.

1 Samoɛl 18:6

Devid aa kpo Goliat asɛ laa tena la berɛ dɛɛ kaa dem la, haahna le Israel bwɛɛre bwa ta ba cheme Kooro Sɔɔl. Ba yiiɡi loŋa, dɛ lɔ janjela silɛɛ ne dɛɛ sa.

Aesaya 10:24

A ɡɛ nomanta, Korowii, Koranar Bwa Kooro dɛ bol ŋɔ, “N nɛra haa lɔ Saayɔn, hale dɛ Asiiria tena kpɔ daa dɛɛ lɔɔ heyaa ɡɛ Ijipt tena fa aa ɛ heyaa la aa, hé bɛ ban ɔmɛ.

Aesaya 24:1

Hé no! Korowii dɛ ba harɛ nɔ chɔɡa o chɔ pɛɛpɛɛ. Wɛɛ lɔ nɛra baa lɔ o taa peɡre, dɛ́ chɔɡ komɛlbwa o ta.

Jeremia 31:4

Israel tena, mɛɛ berɔ lawɛ heyaa ir, ásɛ he berɛ kwaa che kɛrɛdɛ. Hɛɛ berɔ kpɔ he janjelaree le, he ne nɛra ba sie aa lɛa kaa sa.

Ɛsekeɛl 28:13

Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

2 Webena 32:8

Nɛwɛnyini kpeɡrii ba dɔ, kɛ ya te, Korowii yaa dɛ tomɔ laanee dɛ́ cha yaa, dɛ́ yo tɛ yaa.” Ate, nɛra la dɔ hwɛɡa dɛ le waa Juda Kooro Hɛsɛkea aa bola la ta.

Aesaya 10:26

Koranar Bwa Kooro ɛɛ lɔɔ baa chweema nee, ɡɛ waa ɛ Midian tena dɛ kpoo ba Oreb bwe ta la. Wɛɛ ir o daŋɡbalaa pa nee ta, ɡɛ waa ɛ Ijipt tena ba ka nee ta la.

Aesaya 31:4

Waa Korowii aa bol men Aesaya be laanee nɔ. “Gɛ nyujente onjen yon lawɛ ol dɛ́ kpoo dɛɛ ŋoo, ásɛ ba yerɛ peteɡra warɛ ŋɔ, bá doŋu, waa wola aahra baa dɛ aahro la ɔmɛ, waa wola ba ɡbɔɡa chaŋe la, ɡɛ tentenee men Koranar Bwa Kooro ɛɛ ba bala bá ɛ Saayɔn Bwejen ta, dɛ́ ba yo Jerusalam dɔma nomɛlbwa aa wola won kah mɛ.