Aesaya 30:29 - mzwDBL

²⁹ Korowii nɛra sie ɛɛ lɛo baa ɡo yela kɛŋɔ, baa dɛ di tɔpejena dɛɛ ɡo yela jwaana la. He baah ɛɛ sɔɔh heyaa kɛŋɔ nɛra aa hoh kalipere dɛɛ kaa Korowii Dea. Korowiirii do kɛ Israel tena Bwetal waa dɛ lɛɛ ba.

Aesaya 30:29 Referans Kwoze

Yela 42:4

N lii n saŋ la aa, dɛ n bambile chɔɡɔ, n ne nɛnlaa bwa fa yon la hen Korowii Dea, ásɛ n tɔ ba sie ba teŋɛ, ba sie lɛ ba ɡo yela, dɛɛ hɛɡre dɛɛ kpɛɛre.

Aesaya 26:4

Hé kpɔ he te dawɛ Korowii nɛɛ saŋ bɛlbwa. Onee Bwetal waa dɛ tɔ ya nɛɛ saŋ bɛlbwa.

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Matiu 26:30

Asɛ ba ɡo yel kpɛɛ Korowii dɛ ir le kaa Ɔlevere Bwejen la ta.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

Aesaya 26:1

Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta. Ya dɔ bwɛjen danjwɛkpeɡ aa baro name, Korowii ɡbabirii cheɡɛ ya habɔɔ, dɛɛ nyiŋi danjwɛɛ waa baro ta.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Yela 32:7

He bee n chwa baa sɔh, hɛɛ lɛɛ mɛɛ le sibeɡra ta. Mɛɛ ɡo yelaa kpɛɛre, lɛɛ haa lɛɛ mɛ la wa.

Yela 18:31

Ya Naa Korowii habɔɔ, bɛlbwa toole. O ɡboo ɛ Bwetal dɛ́ won tɔ ya nɛ.

Mmarare 32:31

He dɔma jemɔ kɛŋɔ he voɡa ta voɡa ɛɛ, a ta doe kɛŋɔ Korowii waa do kɛ Bwetal Israel tena aa dɛ tomɔ nɔ.

Mmarare 16:14

Hé ne he bii, ne he bonɔɔna ne toli, dɛ Lewi dea tena ne hɔɔhra, ne bilalbii, dɛ luhaahna baa lɔ he bwɛɛre la ta bwa pɛ, dɛ́ di lɛ he sie.

Mmarare 16:6

Nemenɛ bwɛɛ waa lea tɛ heyaa ŋɔ hɛ́ɛ tomɔ o ta la ɡbo ta. Belaa chɛ kɛŋɔ hɛ́ɛ kpoa, jɔmɔra wee aa baa jo la, ɡɛ korobie la ne tɔpere haa kpɔa dɛ le Ijipt harɛ ta la.

Lewi Dea Tena 23:32

O ɛ Ona Tɔpere tɛ heya, a chɛ kɛŋɔ nómɛlbwa vɔwɛ nyoa dɛ́ onɛ o ta. Ó pa mun le korobie la tɔpera anuanaarɛ wee aa jo la ta, dɛ́ ba o tɔpera fi ta jɔmɔra.”

Aesaya 17:10

Israel tena, he liire le he Lɛɛ Korowii nɛ. Onee Bwetal haa kpɔ he te marɔ wɛɛ tɔ heyaa ɡbemɡbe la, kɛ he soh o wa. He du dadɛɛɡa bodɛɛɡa, dɛ kwaa bela dɛɛ tomɛ harɛre voɡare.

Aesaya 30:28

O hweera do kɛŋɔ nee waa dɛ palɛ dɛ su tel baŋa ta la. O dɛ ɡboo harɛre nɛra kɛŋɔ baa dɛ ɡboo kwaa la ken, dɛ́ chɔɡ ba. Gɛ baa kpɔ kabaɡrare do jaaɡɔ nyoa dɛɛ beɡro la, ɡɛɛ wɛɛ ba harɛre nɛra beɡra le waa baa maɡla bil la ta.

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

Yela 42:5

Ɛrɛɛ n tea bini chɔɡ ken? Ɛrɛɛ n liire bwa chɔɡ ken nɔɔ? N kpɔ n hwɛɡa bwa do hen Korowii nɛ, dɛ berɛ kwaa dɛɛ kpɛɛre ja. Henee ɛ n Lɛɛ,