Aesaya 30:21 - mzwDBL

²¹ He kono kpɔ diɡ oo, ɡal oo, hɛɛ no taa bɛl he habɔɔ, o ŋɔ, “Ŋwɛnɛ laanee la, hé kpɔ o ta.”

Aesaya 30:21 Referans Kwoze

Yela 32:8

Korowii ŋɔ, “Mɛɛ baɡle ŋwɛnɛ aa chɛ kɛ he kpɔ o ta, mɛɛ bol waa baɡle, dɛ́ kpɔ n nɔn tɔ he nɛ.

Aesaya 58:11

Dɛ he ɛ ɡɛ naa, anee dɛ́ ɡel men Korowii baɡle heya ŋwɛnɛ saŋ bɛlbwa dɛɛ la, dɛ́ berɛ tɛ heya kondɛɛɡa pua hɛŋle ɡbo harɛ ta he di, dɛ́ do kpeɡri. Dɛ́ berɛ ɡel he do kɛŋɔ bodɛɛɡe haa du daa sɔn do o ta saŋ bɛlbwa ken, kɛɛ bule waa wola hweeh bwa la.

Mmarare 5:32

Asɛ Mosis ŋɔ ba be ŋɔ, “Hé nyiŋi kɛrɛdɛ dɛɛ ɛ waa Korowii yaa dɛ tomɔ aa dɛ bol he be nɔ. He bɛ sie laa kpɔ a ta.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Aesaya 48:17

Waa Korowii, waa ɛ he Lɛɛ, Israel Nɛŋɡoroŋ la aa dɛ bolee nɔ, “Menee Korowii haa dɛ tom mɛ la, menee dɛɛ chaɡle heyaa anɔ la aa wera tɛ heya, dɛ berɛ dɛɛ chaɡle heyaa ŋwɛnɛ aa chɛ kɛŋɔ hé kpɔ o ta.

Josua 1:7

Che kiŋkiŋ, dɔ bambile kohona. Gel he sie chɔ harɛ hɛɛ teŋɛ mmarare la bwa n bonɔɔ Mosis aa kpɔa tɛɛ la ta. Bɛ sie laa kpɔ a ta dɛ́ dɔ kɛrɛdɛ bela bwa haa kaa.

Sɛɡla 4:27

Laa he te kpɔ wechɔɡa ta, dɛ́ ɡel he ŋwɛnɛ toɡre. Bɛ ŋwɛnɛdɛɛɡe la ta le.

Aesaya 29:24

Nɛra baa ɡɛna ɛɛ hweli waa dɛ́ no a mun, banɔ la baa dɛ naɡre waa la ɡe sɛh baa baɡ ba wa.”

2 Koranar 22:2

O ɛ waa aa too Korowii tea, o teŋɛ waa o nabaa Kooro Devid aa ɛa ta. O teŋɛ Korowii waa ta kɛrɛdɛ.

Josua 23:6

Anomanta, hé nyiŋi kɛrɛdɛ dɛ́ɛ teŋɛ waa Mosis aa chwera do Korowii Mmara tɔn la bini la, dɛ bɛ ba koni.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

1 Jɔn 2:20

He te dɔ Korowii Domadɛɛɡe la he nɛɛ dɛ le Korowii Biɡoroŋ la be, dɛ jemɛ o kasinteŋ waa la bwa.

1 Samoɛl 12:23

Korowii ɛɛ la ane bojaŋ kɛŋɔ n ɛo wechɔɡa dɛ́ vɛh kɛ mɛɛ soŋo tɛ heya. Mɛɛ baɡle heyaa waa aa wera ne anɔ la aa toɡraa.