Biblia Todo Logo
Bib sou entènèt

- Piblisite -




Aesaya 30:1 - mzwDBL

1 Korowii berɔ ŋɔ, “Deŋnekpeɡ tena baa dɛ di kora Juda harɛ ta la, ba bwɛɛlɛ! Ba dɛ teŋɛ ba ɡbaɡba liire aa wola n be leɛ ta, dɛɛ fɔwɛ nyopɛo fɔo n Doma aa wola ba nɛɛ jae, dɛ ɛ wechɔɡa dɛɛ ja wechɔɡa ta.

Gade chapit la Kopi




Aesaya 30:1
48 Referans Kwoze  

Saŋ bɛlbwaa n paɡri n nɔɔra kɛŋɔ ń lɛ n nɛra ba deŋne aa kpeɡa, dɛɛ ɛ waa baa dɛ nyin.


Aesaya ŋɔ, Nɛra haa lɔ nyundua ne harɛ, hɛ́ɛ no waa Korowii aa bola! “N dɛɛ n bii dɛ nyiŋ ba ba kpeɡ, kɛ ba kpaŋe n nɛ.


Bá bwɛɛlɛ! Ba vɛɛh mɛ dɛ berɛ habɔɔ kpo mɛ. Waa dawɛ ba nɛ, ba ɛ deŋnekpeɡ n nɛ. N pɛla lole kɛŋɔ n fee lɛɛ ba, kɛ ba teŋe nyosone dawɛ n nɛ.


He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.


Ba ɛ deŋnekpeɡ o nɛɛ dɛ ɡel Korowii Domadɛɛɡe tea bini chɔɡ. Anomanta, Korowii berɛ ba dɔm dɛ yoo ba.


Nɛra baa swɛɛ siwi kpɔ ba waa dɛɛ sɔh Korowii la, ba bwɛɛlɛ! Ba dɛ ɛ ba waa biro ta dɛɛ lii ŋɔ, “Umee na mɛ nɔ? Umee dɛɛ ba jema ɔ?”


Nɛnchɔɡa ne nɛra baa neɡre nɛra dɛɛ do wechɔɡa ta la ɡe ɛɛ kao saɡɛ wechɔɡa ɛɛ ta dɛɛ la, dɛɛ neɡre nɛra, ásɛ nɛra ɛɛ neɡre ba ɡe.


Mɛɛ ɡeloo he do kpeɡri kɛ bwe ken, dɛ́ do kpeɡri ɡwaa bwe waa kpeɡa te bɛlbwa, bɛ ban ɔmɛ. A lole kɛŋɔ ba ɛ deŋnekpeɡ tena.”


Korowii berɔ ŋɔ, “Nɛwɛnyini bie, n dɛ tomɛ n nɛra Israel tena be. Nɛra ba deŋne aa kpeɡa, ba ne ba naawa vɛɛh mɛ le saŋ la ba le fini.


Kɛ he nɛra nɔ te, he ɡɛnɔ dɛ ɛ bambikpeɡ nɛra. He berɛ habɔɔ kpo mɛ dɛ ɡel n toma ɛɛ.


Ba ɛ nɛra baa dɛ lɛ ɡaeh ne nyosonteŋna. Ba ɛ nɛra baa vɛh Korowii waa noe.


Gel n so he Dea bela saŋ bɛlbwa dɛɛ la, laɡ mɛ sɔh he lɔɡa, kɛŋɔ jal yon lawɛ o bii do o kena lɔɡre la.


Haa dɛ no ntam nɔ bini waa nɔ, nomɛlbwa bɛ o liire ba ɛ kɛŋɔ o na som dɛɛ ɛ deŋnekpeɡ, dɛ́ kpɔ o ɡbaɡba ŋwɛnɛ aa maɡre tɛo. Anee dɛ́ ɡel Israel tena bwa dɔ deŋnetɛra.


Le ɡɛ saŋ maa jemɛ heyaa bwaa he le ɛ Korowii lwɛmkpeɡ.


Ba cheɡɔ bar Jerusalam kɛŋɔ baala aa dɛ daah koo, dɛkalkɛ o nɛra ɛɛ mɛ deŋnekpeɡ. Men Korowiirii bola.’


Ba bɛlbwa ɛɛ doo kɛŋɔ bɔr dɛ peu dɛ ta aa, he chwa ka jo, dɛ́ berɛ do kɛ bɔr dɛ bwaala peu dɛ ba naa, he chwa ka sɔh. Ásɛ pua hɛŋle ɡbo harɛ ta ɡe neerare aa chɔ o ta, do kɛŋɔ bwetal waa dɔ chunchule, dɛ che bela daa a wola toole.


“Bɛ vɔrɔwa bwa nɛra aa bol a waa he be la ta no, dɛ bɛ waa baa dɛ ɔma la dɛɛ ɔmɛ.


Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,


Bɔkwa waa he ta do he kpaŋa nɔ ta nɔɔ? Deŋnetɛra besoo he ta ɛɛ nyin jaɔ? He bwadabii bwa dɛ we heya, he sie ta harɛ chole.


Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”


Hé bwɛɛlɛ, he banɔ la haa cheɡɛ nyosone ŋwɛnɛ ta, dɛ tɛɡre wechɔɡa dɛɛ teŋɛ he nɛ, he banɔ la haa kpɔ he bokpeɡa dɛɛ ɛ nyubinikpeɡ kɛŋɔ baa do nao ɡboɡbii dɛɛ tɛr la.


Aa ɛo kɛŋɔ sɛɡla baa ŋɔa, mpa waa wola jaŋɛ nɛn chɔ o ta dɛ́ tɛɡre o te, bombo waa wola kanɛ dɛ́ telu ken.


He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”


Nɛra ŋɔ he be ŋɔ hé la voɡra baa dɛ bol waa woroworo ne ajɔsaara be dɛ́ ka jemɛ waane bini naa, dɛ a dɔ mun aa? Bɔkwa waa chɛ kɛŋɔ yá ka bɔɔ lala dɛ́ jemɛ weera waa bini nɔ? Korowii yaa dɛ tomɔ laa chɛ kɛŋɔ yá kpɔ ya waa dɛɛ bil o sie naa?


Hé lii ɡɛ saŋ haa ɛ Korowii o baah di pua hɛŋle ɡbo harɛ ta, dɛ ɛo deŋnekpeɡ dɛ le ɡɛ saŋ haa le Ijipt harɛ ta dɛ ba tel bonɔ la.


Taraken, he iro kɛŋɔ wechɔɡ-ɛɛra dɛ chiɡ he naawa naa ta, dɛɛ ba ɡela Korowii baah di kohona Israel tena nɛ.


He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.


Belaa Korowii kpɔ o kpeɡri kah mɛ ŋɔ n bɛ ŋwɛnɛ Juda tena aa dɛ kpɔ ta teŋɛ. O ŋɔ,


Waa Korowii aa dɛ bol laanee. “Nomɛlbwa waa kpɔ o te dawɛ nɛwɛnyini nɛ, dɛɛ hwɛɡɛ o bokpeɡa ta dɛ berɛ habɔɔ kpo men Korowii la, o bwɛɛlɛ.


ń bol Juda Kooro Sedekia be ŋɔ, “Ijipt laa tena lɔ ŋwɛnɛ ta dɛɛ ba bá cha heya, kɛ baa berɔɔ kaa ba harɛ ta.


N berɔ bol ba be ja ŋɔ, “Korowii ŋɔ he Juda tena haa kaa la be ŋɔ he bɛ Ijipt harɛ ta kaa. Anomanta, n dɛ kah heyaa fini ŋɔ,


Ate, Korowii ŋɔ n be ŋɔ, “Nɛwɛnyini bie, baala nɔɔ dɔ liichɔɡa dɛɛ do nɛra baa ɛ wechɔɡa bwɛjen nɔ ta la.


Kpɔ sɛɡla bol waa chaɡle Israel deŋnekpeɡ tena la be ŋɔ, men Nemenɛ Korowii ŋɔ, ‘Hé ɛ nee do vii bini, dɛ́ kpɔ chɔŋɛ nii ta.


Israel tena aa ba tenee kpɔ dawɛ Ijipt tena nɛɛ ŋɔ bá cha ba kpa. Baa na waa aa ba Ijipt harɛ laanee, dɛ na kɛ aa were kɛŋɔ ba kpɔ ba te dawɛ Ijipt tena nɛ. Ásɛ Israel tena jemɛ kɛŋɔ menee Nemenɛ Korowii.”


Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.


Josua ne Israel tena ta Korowii bɔɔrɛ no kɛŋɔ ba sɛh ba ne ba fɔwɛ ba fɔo la.


Na, dɛ Ijipt Kooro nɛɛ he kpɔ he te dawɛ aa, aa doo kɛŋɔ haa kpɔ pul ɛ daŋɡbala, ásɛ o ku dɛ́ tɔɡɛ he nɔn. Gɛɛ Ijipt kooro do tɛ nɛra baa kpɔ ba te dawɛ o nɛɛ bwa.”


Haa won kpɔ he te maɡɛ Asiiria koojen nomonome la bini bechala kwara, kɛ he dɛ hwɛɡɛ Ijipt kooro nɛɛ kɛ ó ba tɛɛ kwaa aa do kɛŋɔ torɔɡore, ne laa tena baa dɛ so jaɡre ta.


Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.


Banɔ la baa la Ijipt harɛ ta dɛ́ kaa nyin kɛŋɔ ba cha ba la, bá bwɛɛlɛ! Ba kpɔ hwɛɡa do torɔɡore aa wara, baa vɔwa pɛl jaɡre dɛɛ che a bini, ne bokpeɡa tena baa so jaɡre ta nɛ, dɛ laa sie kpɔ Korowii Israel Nɛŋɡoroŋ la nɛ. Baa o bɔr nyin ó cha ba.


Tɔnɔ besoo Ijipt harɛ ta laŋa dɛ́ ka nyɔ Nael Moo nee ɛɛ ba lee tɛ heya ɔ? Bɔkwaa dɔ Asiiria harɛ ɡe ta laŋa dɛ́ ka nyɔ Yufretis Moo neɔ?


Ba dɔma ɛɛ ba yoo ba laa ba bwɛjena taa, ásɛ dɛ kuuɡi bune baa kpɔa kaɡre ba doonyoo, á ɡel waa baa dɛ vɔrɔwe bwa ba a jaɡa.


Swiv nou:

Piblisite


Piblisite