Aesaya 3:26 - mzwDBL

²⁶ Bwɛjen Saayɔn doonyoo ɛɛ chɔ pɛɛ, ásɛ bwɛjen la do kɛŋɔ haah tea bini aa chɔɡa, o so harɛ dɛɛ wi la.

Aesaya 3:26 Referans Kwoze

Wiile 2:10

Jerusalam banjeni helɔ dɛ so harɛ jeiih ken, ba ɛ teera do ba nyuune ta dɛ kpɔ lweyale tɔ, a baɡle kɛ ba dɛ di suna. Bitoli ɡe ɡure nyuune su harɛ.

Jeremia 14:2

“Juda harɛ nɛra dɛ wi, o bwɛjena nɛra bwara ɛɛ nyɛɡ, ba chɔ harɛ di suna dɛɛ ɡbaɡre, harɛ la chɔɡa wa, asɛ Jerusalam tena wi dɛɛ nyin chae.

Wiile 1:4

Ŋwɛnɛre nɛra aa kpɔ a ta kaa tomɛ Korowii Dea ɛo surumm kɛŋɔ nɛra aa dɛ wi ba nɛn bɛl waa sewa ken, dɛkalkɛ nomɛlbwa aa a ta kpɔ dɛ́ ba di tɔpejena baa lea cheɡ la kpa. Bitoli baa dɛ ɡo yela bwara dɛ nyɛɡ bela, asɛ ba sɔfore ɡe ɛɛ wi. Bwɛjen Saayɔn doonyoo chɔ pɛɛ, wenaale kohona do o ta.

Job Tɔn 2:13

Ba ne o soɡe harɛpɛɛ, chɔɔ ne jwaana, tɔpera anuanɛ. Bɛlbwa ta waa o be bolɛ, dɛkalkɛ dɛ ba na ɡɛ o bwara aa dɛ nyɛɡ.

Amanesoma Luk Aa Chwera Tɔn 19:44

Baa wuruu jo he bwɛɛ nɔ ta, dɛ́ paɡre he deene dɛ́ kpoo heya. Baa kuuɡi he deene bwaa buruburu ken, bwe beŋkpoŋ kwara aa wola ka dɛ́ dawɛ o dɔŋ ta kpa. Anɔ bwa ɛɛ ɛo, dɛkalkɛŋɔ he lɛɛ tɔpere aa tela la, he ta sie doe.”

Ɛsekeɛl 26:16

Koranar baa lɔ mpo nyoa la bwa ɛɛ ir ba kookane taa, dɛ́ foo ba koolaala ne ba laala baa sɔh kwaa dawɛ a taa bil. Baa dɛɛ ɔmɔɔ kohona he wa, dɛ́ so harɛ bochela ne.’

Job Tɔn 2:8

Asɛ Job ka so tɔɔ ta a baɡle kɛ o loo kuu, dɛ kpɔ kaŋli dɛɛ paa ŋwɛra la.

Aesaya 47:1

Korowii ŋɔ, “Babelɔn, bwɛjen baa wola yoi dɛ pɔ he nɛ, he do kɛŋɔ bitolo waa wola baa jemɛ. Tu he kookara ta, dɛ́ ba so harɛ. Taraken baa hen ɡbɛɡbɛ kpa, he berɛ yom.

Matiu 11:17

‘Ɛrɛɛ ya ɡo silɛɛ yela, he sie ta lɛɛ he sa, ya berɛ ta wiile ɡe, he loo ta kui he wi nɔɔ?’

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Aesaya 14:31

Hé do lɔŋɔre dɛɛ wii, he banɔ la haa lɔ bwɛjena bini la! Filisti tena, hé ɡel he bambile teŋe! Yoyoora tenten le weekaŋle nyunduabɔr dɛɛ ba, kɛŋɔ ninchuu ken, dɛ bwa pɛ dɛɛ ba ba yo heya.

Aesaya 29:2

kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.

Aesaya 33:9

Harɛ la chɔɡɔ, o chɔɔ pɛɛ. Sihiih kpo Lɛbanɔn kɔne, a daa serewe. Sarɔn fɛlembɔdɛɛɡe berɛ pua hɛŋle ɡbo harɛ, Basan harɛ ne Kaamɛl Bwejen ta, daa papooni dɛ chure.

Jeremia 15:8

Mɛɛ ɡeloo luhaahna warɛ harɛ la ta, dɛ́ ɡwaa mpo nyoa hɛŋle. Mɛɛ ɡeloo he dɔm ba chɔɡ bonɔɔna ne ba nyare webaŋkpelaa, ásɛ dɛ kpɔ bambiteŋa ne ɔmee kohona ba ta he nɛ.

Wiile 1:1

Na ɡɛ bwɛjen Jerusalam aa chɔ pɛɛ, dɛ nɛra fa su o ta ɡa! Na ɡɛ waa bera do kɛ luhaah, o waa do sum, dɛ o fa lɛ sɔn harɛre nɛra bini taeh! Bwɛjen o fa aa do kɛ haŋkooro la, o berɛ yom taraken.

Wiile 2:8

Korowii siwi beɡrɔ kɛŋɔ Saayɔn danjwɛɛ kuuɡi. O maɡɔ cheɡ kɛŋɔ ó chɔɡo kwaraa. Danjwɛɛre la do kɛŋɔ nɛra aa dɛ wi ken, a ta bokpeɡa bɛlbwa dɔe kpa.

Ɛsekeɛl 12:20

Bwɛjena nɛra aa su a ta bwa ɛɛ chɔɡoo, harɛ la chɔ pɛɛ, ásɛ ba jemɛ kɛŋɔ menee Korowii.’ ”

Maeka 1:9

Baa do Samaria tena bolaa baa wola won chah, Juda tena ɡe dɛ ba a dɔŋa nae. A tel bwɛjen Jerusalam doonyojen tenten bela n nɛra aa soɡa.”

Aesaya 32:14

Koodem ne bwɛjen nɛra fa aa su a ta la ɛɛ chɔ pɛɛ. Deremi ne dekpeɡa aa tɔ ba nɛɛ la bwa ɛɛ choɡluu, dɛ́ berɛ dimɡbia saŋ bɛlbwa, ásɛ kpɔɡ bini keeɡore ne peera, kpɔ bela ɛ a dibɔr.