Aesaya 29:15 - mzwDBL

¹⁵ Nɛra baa swɛɛ siwi kpɔ ba waa dɛɛ sɔh Korowii la, ba bwɛɛlɛ! Ba dɛ ɛ ba waa biro ta dɛɛ lii ŋɔ, “Umee na mɛ nɔ? Umee dɛɛ ba jema ɔ?”

Aesaya 29:15 Referans Kwoze

Ɛsekeɛl 8:12

Korowii ŋɔ n be ŋɔ, “Nɛwɛnyini bie, he na waa Israel nomonome aa baa sɔh dɛɛ ɛ kenɛ? Ba lɔ dea ba voɡa aa suu bini dɛɛ toma. Waa baa dɛ bol laanee kɛŋɔ, ‘Korowii aa yaa na, o vɛh harɛ nɔ.’ ”

Aesaya 47:10

He kpɔ he te dawɛ he wechɔɡa ɛɛ ta, dɛ ŋɔ, ‘Nomɛlbwa aa men na.’ He wejema ne he liire wili dɛ ɡel he ŋɔ, ‘Menee men. Nomɛlbwa toole n habɔɔ kpa.’

Aesaya 30:1

Korowii berɔ ŋɔ, “Deŋnekpeɡ tena baa dɛ di kora Juda harɛ ta la, ba bwɛɛlɛ! Ba dɛ teŋɛ ba ɡbaɡba liire aa wola n be leɛ ta, dɛɛ fɔwɛ nyopɛo fɔo n Doma aa wola ba nɛɛ jae, dɛ ɛ wechɔɡa dɛɛ ja wechɔɡa ta.

Malakae 2:17

He ɡelɔ Korowii mee le he wobol ta. He dɛ pɛɛ ŋɔ “Ɛrɛɛ ya ɡel o mee leɔ?” He ŋɔ, “Korowii sie dɛ lɛ nɛra baa dɛ ɛ wechɔɡa nɛ, dɛ berɛ ŋɔ leperaa Korowii o waa aa dɔ kasinteŋ la dɔɔ?”

Sefania 1:12

A ɡɛ saŋ mɛɛ kpɔ kandeaa ɡaaɡe Jerusalam bwa, dɛ́ tɛr nɛra baa dɛ lii kɛŋɔ wobɛlbwa ta ban hiaeh, ba nyu bini do ba som la deŋne, dɛɛ lii ŋɔ, ‘Wobɛlbwa aa ɛ wedɛɛɡa kɛɛ anchɔɡa la, Korowii waane laa.’

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Jeremia 23:24

Nomɛlbwa aa won ka sɔh bobɛl maa wola on na. N toole nyundua ne harɛ ta bwa naa? Men Korowiirii bola.

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Yela 59:7

No chɛɡa ne waa aa dɛ le ba nyoo, ba nyondoŋa do kɛ keri ken, kɛ dɛ ɡee lii kɛŋɔ nomɛlbwa aa ba be no.

Job Tɔn 34:22

Bɔr bira toole, biro toole bobɛlbwa, dɛ́ tɔ wechɔɡ-ɛɛra nɛ ba kpɔ ba te sɔh Korowii.

2 Kɔrent 4:2

Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

Aesaya 57:12

He dɛ lii kɛŋɔ anɔ la haa dɛ ɛ la toɡrɔ, kɛ mɛɛ le he mun nee waa haa dɛ ɛ ta. He voɡa aa tɔnɔ bɛlbwaa dɔ tɛ heya.

Yela 73:11

Ba ŋɔ, “Ɛrɛɛ Korowii ɛɛ ba wona jemɛ ɔ? Nemenɛ Korowii ta a wejema dɔe.”

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

Amanesoma Jɔn Aa Chwera Tɔn 3:19

Ba bolchɔɡe pae munii kɛŋɔ nii waa dɛ chaah bɔr la ba harɛ nɔ ta, kɛ nɛwɛnyini berɔ dɛɛ nyin biro ɡwaa nii la, dɛkalkɛŋɔ ba wobɛlbwa ɛ wechɔɡa.

Aesaya 28:17

Kasinteŋii mɛɛ ba kpɔe berɛ ŋwɛn ba kpɔ dɛɛ maɡɛ kon, dɛ́ kpɔ waa aa toɡra berɛ kon demamaala aa kpɔa dɛɛ toɡre dea. Dompeu ne nee dɛɛ ba a palɛ nyosone haa kpɔa tɔ he te la kaa.

Yela 83:3

Ba sɔɔh dɛɛ vɔrɔwe he nɛra vɔrɔwa, ba dɛ vɔrɔwe nɛra haa kpɔ nɔn tɔ ba nɛɛ la vɔrɔwa.

Ɛsekeɛl 8:8

O ŋɔ n be ŋɔ, “Nɛwɛnyini bie, paɡri bɔɔ nɔ.” Maa paɡru la, n nao kɛŋɔ doonyoa bɛlee.

Hosia 5:2

Deŋnekpeɡ ne nɛŋkpoa tena kohona, mɛɛ tɛr he bwa deŋnee.

2 Samoɛl 11:27

Waa wiu tonɛ la, kooro ɡelɔ ba ka kpɔɔ ba o be dem o berɛ o haah, dɛ lolɛ bibaa tɛo. Kɛ Korowii sie ta waa kooro aa ɛa la ta lɛɛ.

2 Koranar 17:9

Waa aa ɡwaala kwaraa kɛŋɔ, Israel tena sɔɔh ɛ waa aa wola Korowii baa dɛ tomɔ tea toorɛ. Ba cheɡ voɡare ba bwɛjeɡre ne bwɛjena baa ma danjwɛɛre bara bwa ta.