Aesaya 29:1 - mzwDBL

¹ Jerusalam tena hé bwɛɛlɛ! He bwɛjen Kooro Devid aa soɡe o ta la ɛɛ chɔɡoo. Bena bɛlbwaa he teŋɛ dɛɛ di he tɔpejena,

Aesaya 29:1 Referans Kwoze

2 Samoɛl 5:9

Kooro Devid aa kaa yo Jerusalam dɛ pɔ o nɛra nɛɛ la, o kaa so bela dɛ pa o sɔn Kooro Devid Bwɛjen. O ma danjwɛkpeɡ baro dɛ le deŋɡare la wee leebɔr pera harɛ waa baro la ta.

Hosia 9:4

Baa won kpɔ sen ɛ sarahare tɛ Korowii kpa, kwaa baa kpoo dɛ́ ɛ saraha dɛɛ tɛo la aa o sie lɛɛ ba. Ba kondikwaa baa dɛ ba a dii la bwa ɛɛ ɡeloo bá kah doŋa kɛŋɔ lwe mun kondikwa. Nomɛlbwa waa dia la kah doŋa. Ba ɡboo dɛ́ dia, a ta chɛ kɛŋɔ bá ba a ne Korowii Dea.

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Hosia 5:6

Ba kpɔ ba peera ne nae ɛ saraha dɛɛ nyin men Korowii bɔr aa, baa men na. N laa n te kpɔ ba nɛ.

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Hibru 10:1

Tɔe Mosis Mmara la tɔ wedɛɛɡa a fa aa lɔ sie dɛɛ ba bala la sie dɛ che tɛa. A fa ta wedɛɛɡa la tenten ɛɛ kɛŋɔ nɛn lileo aa wola o ɡbaɡba ɛɛ la. Anomanta, saraha Mmara la aa ɡela baa ɛ bena bɛlbwa la aa won ɡel nɛra baa dɛ ba a ne la ɛ nɛndɛɛɡa ka tonɛ.

Aesaya 31:9

Ba koojen ɛɛ ɔmɔɔ dɛ́ chwa, ásɛ ba nomonome baa chɔ laa nyoa la kpɔ ɔmee dɛ́ chwa ɡel ba laa fraŋkaa.” Korowiirii bola. O nii waa kpɔa dɛ fuh saraha kwaa la lɔ Jerusalam Saayɔn Bwejen ta.

Jeremia 7:21

N nɛra, he dɛ ba sarahare kwaa fuih yaa, he dɛ fuh ane bwa kon baa dɛ ɛ sarahare o ta, dɛɛ di ane ɡe, kɛ men Korowii dɛ bol he be ŋɔ, hɛɛ won dɛɛ di a bwa.

Aesaya 5:12

Hé dɛ di kondikonjena dɛɛ lɛ he sie aa, he dɛ lɔ janjela dɛɛ yiiɡi kwaa dɛɛ hoh kalipere. Kɛ Korowii we-ɛɛla te, haa sie a ta do, anɔ la waa dɛ ɛ, haa on duu.

Aesaya 29:9

Jerusalam tena nyoa ta kpoe yaa? He bwara ta yɔraa? He mwaalo ne, a ɡel he nyoŋe, he ta sen nyɔe kɛ dɛ ɡe dɛɛ, he dɛ yɛɛɡe, kɛ he ta seŋkpeɡa nyɔe.

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Lewi Dea Tena 23:4

Tɔpejena men Korowii aa lea cheɡ ŋɔ hé cheme dɛ́ɛ di laanee nɔ.