Aesaya 28:28 - mzwDBL

²⁸ Namaa wɛɛ namɛ mea, dɛ́ kpɔ ɛ paanoo. Lɔe laa wɛɛ lɔa. Saŋ bɛlbwa laa o teŋɛ dɛɛ lɔ mea. Lɔe wɛɛ lɔa, ásɛ a bie le. Nama laa wɛɛ nama.

Aesaya 28:28 Referans Kwoze

1 Kɔrent 3:9

Korowiirii dɔ yaa, ya ne o pɛ dɛɛ ɛ toma. Asɛ he ɡe do kɛŋɔ o koo waa dɛ parɛ, ne o dea waa dɛ do.

Amanesoma Jɔn Aa Chwera Tɔn 12:24

Kasinteŋ, dɛ ba ta boyubii kpɔe du o pɔh aa, waa won ya. O ɡboo dɛ do le. Dɛ he duu te naa, o dɛ le dɛ ya kɛrɛdɛ.

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Emɔs 9:9

Mɛɛ bol waa ásɛ dɛ yiiɡi Israel tena harɛre nɛra bwa bini, kɛŋɔ baa dɛ ɡboo boyu beŋkpoŋ ɡba aa wola harɛ le la.

Aesaya 21:10

Aesaya ŋɔ, “N nɛra, ba ɛ heyaa kɛŋɔ baa lɔ mea ken, waa maa noa le Koranar Bwa Kooro, Israel tena aa dɛ tomɔ be laanee n bol la.”

Nɛra Kura 7:3

Ba kpɔ kwaa aa dɔ tɔre baa taɡa kɛŋɔ torɔɡore anumɛl, ne nabala baa fɔɡa fi dɛ anɛ ba tɛ Korowii. Nomoa bɛlbwa ba nabal beŋkpoŋ ne, asɛ ba bini banɛ bɛlbwa berɛ pɛ ba kwaa aa do kɛŋɔ torɔɡore la beŋkpoŋ ne, dɛ kpɔ ba tɛ Korowii o Tɛnte Dea la sie.

Aesaya 28:27

Waa kontɔɡ kpɔe dɛɛ lɔ konjeɡre kɛŋɔ jule. Daa waa maɡraa o kpɔ dɛɛ lɔa, ásɛ a bɛ peɡri.

Aesaya 28:29

Gɛ liire nɔ bwa, Koranar Bwa Kooro bee a le. Baɡla waa baɡle nɛra waa dɔ nyokpoa, o wejema ta jaɡa dɔe.

Jeremia 10:24

Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.