Aesaya 27:9 - mzwDBL

⁹ Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

Aesaya 27:9 Referans Kwoze

Tɔn Pɔɔl Aa Chwerɛ Rom Tena 11:27

Fɔo n ne báa fɔwɛ laanee kɛŋɔ mɛɛ lee baa ba wechɔɡa taa.”

Aesaya 48:10

N do heyaa weweele ta, dɛ daah heyaa na, kɛŋɔ ba yon do suuɡapoŋ nii ta dɛ mwɛɛlo la. Kɛ n nao kɛŋɔ haa siwi su.

Daneɛl 11:35

Baa kpoo ba bini wejerema la banee, ásɛ a che a ta Korowii laa doŋa kpɔ ba nɛɛ dɛ́ lɛɛ ba, ka tel waa bwa jaɡa saŋ waa lea cheɡ ŋɔ wɛɛ bao la.

Aesaya 17:8

Baa kwaa ba ɡbaɡba aa maa dɛ kpɔ saraha kwaa dɛɛ tɛ voɡa a ta laanee nyiŋi kpa. Baa voɡhaah Asera dajaŋa ba ɡbaɡba aa paaɡa, ne bela baa maa dɛɛ fuh daawiile a sɔɔh aa soma la ta hwɛɡɛ kpa.

Hibru 12:6

dɛkalkɛŋɔ nɛn Korowii aa dɛ nyin la, o deŋnee wɛɛ tɛr, dɛɛ toɡre nɛn waa lɛo kɛ o bie.”

1 Kɔrent 11:32

Ya Dɔɔ aa dɛ nyiŋi ya waa bini taraken nɔ, o dɛ tɛr ya deŋne ásɛ ya ɡel wechɔɡa ɛɛ, ásɛ ya bɛ nɛra baa dɔ harɛ nɔ ta liire wɛɛ ba ban bolchɔɡe pae la nɛɛ ja.

Sekaria 13:2

Mɛɛ le voɡa aa lɔ harɛ la ta la nee awola, baa wola a sɔnaa lii kpa. Mɛɛ le keame nyosonteŋna la nee, ásɛ dɛ ɡel ba pɛla le voɡa toma ta.

Hosia 14:8

Israel tena aa voɡaa tomɛ kpa. Mɛɛ no ba wesoŋaa ásɛ dɛ nyiŋi ba nɛ. N do kɛŋɔ daa waa wola chure ken, n chunchule ɛɛ tɔ ba nɛɛ, ba wer doe bwa le n be.”

Ɛsekeɛl 20:38

Mɛɛ lawɛ deŋnekpeɡ tena baa lɔ he bini nɔɔ le bela baa soɡa taraken nɔ. Maa ɡel ba naa tire Israel harɛ. Ásɛ he jemɛ kɛŋɔ menee Korowii.’ ”

Ɛsekeɛl 11:18

Baa berɔ ba, dɛ́ ba laa voɡdoŋa maa kia bwa kpɔ le harɛ la ta.

Aesaya 4:4

Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta.

Aesaya 1:29

“Sihiih ɛɛ kpo heyaa daa haa dua dɛɛ toma la waa. Hɛɛ di nchoo bela haa du kwaa dɛɛ tomɛ voɡa a baah ta la waa.

Sɛɡla 20:30

Deŋnetɛra kohona won wechɔɡa laa dɛ́ kpɔ nɛn bambile ta.

Yela 119:71

A wer kɛ maa dɔ deŋnetɛra, dɛkalkɛ a ɡelɔ n won hweli he waa la.

Yela 119:67

Mɔɔ he tɛr n deŋne la, dɛ wechɔɡaa n ɛ, kɛ taraken te n dɛ teŋɛ waa haa do mɛ la ta.

2 Webena 36:19

O ɡelɔ ba fuh Korowii Dea la, dɛ kuuɡi danjwɛɛ waa bar Jerusalam la, dɛ fuh kooderemi bwa ne komɛlbwa a yoɡ aa kpeɡa bwa.

2 Webena 34:4

Kooro Josia ɡelɔ ba chɔɡ voɡ Baalre kwaa baa kpoo kwaa a ta dɛɛ ɛ sarahare, dɛ paɡre kwaa baa dɛ fuh daawiile a ta a bɛna la, dɛ kuuɡi Asera voɡare ne voɡare bwa soo siwi burbur ken, dɛ paa ka ta nɛra baa ɛ sarahare a ta mɔɔ dɛ serewe la ŋwama ta.

2 Webena 14:5

O chɔɡ bela baa dɛ tomɛ voɡa, ne kwaa baa dɛ fuh daawiile a sɔɔh aa soma a ta bwa Juda harɛ bwɛjen bɛlbwa ta, asɛ deŋnesɔɔhna do harɛ la ta o bere saŋ.

2 Koranar 25:9

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa,

Kaala 34:13

Hé paɡre bela baa kpoo kwaa dɛɛ tɛ ba voɡare, ne bwea baa paaɡa dɛɛ duura dɛ voɡhaah Asera dajaŋa la.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Mmarare 12:3

Hé kuuɡi bela baa kpoo kwaa dɛɛ tɛ ba voɡare, dɛ́ paɡre bwea baa paaɡa dɛɛ duura la. Dɛ́ berɛ fuh ba voɡhaah Asera dajaŋa, dɛ́ huɡri voɡa baa ɛa cheɡ dɛɛ toma la, dɛ́ chɔɡ a bwa le bela a waa bwa le kwara.

2 Koranar 10:26

dɛ kpɔ bwe baa pao ɛ voɡ dɛɛ tomɔ la le dea la bini dɛ fuuh.

Ɛsekeɛl 6:4

Wɛɛ paɡre kwaa haa dɛ ɛ saraha a ta ne kwaa haa dɛ fuh daawiile a ta bwaa, ásɛ dɛ kpoo nɛra la ba voɡare la sie.

2 Koranar 23:14

Kooro Josia ɡelɔ ba paɡre bwea baa paaɡa dɛɛ duura, dɛ kuuɡi voɡ Asera dajaŋa ta, dɛ pa nɛra hoɡa bil a buɡ ta.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Aesaya 40:2

Hé bol bansɔɔh waa baɡle Jerusalam tena dɛ́ ŋɔ, ba weweele baa naa kohona teŋo, ba bɔ ba wechɔɡa kem tonɛ. Ba dɔ ba wechɔɡa bwa deŋnetɛra kohona, dɛ le men Korowii be.”

Maeka 5:11

Mɛɛ chɔɡ he harɛ bwɛjenaa, dɛ́ kuuɡi he dekpeɡa ɡe bwa.