Aesaya 26:15 - mzwDBL

¹⁵ N Naa Korowii, he ɡelɔ ya harɛ do kan. He tuuh o jwɛhre kaa sie o do kan. He ɛ ɡɛ dɛ dɔ jirima nɛra be.

Aesaya 26:15 Referans Kwoze

Aesaya 9:3

N Naa Korowii, he ɡelɔ ba harɛ la nɛra ya, he tɛɛ ba silɛɛ kohona. Ba dɛ hɛɡre he sie kɛŋɔ nɛra koo kondikwaa yon ɛ kohona baa koma dɛɛ hɛɡre la. Ba berɔ dɛɛ hɛɡre kɛŋɔ nɛra aa kaa yo laa, dɛ pa ba dɔma laala dɛɛ bɔne la.

Amanesoma Jɔn Aa Chwera Tɔn 17:1

Yeesu aa bol waa nɔ tonɛ la, o ha sie dɛ nyiŋi nyundua asɛ dɛ jam Korowii ŋɔ, “N Mɛɛ, tɔpere la telo. Tɛ men maa ɛ he Bie jirima ásɛ n ɡe won kpɔ jirima tɛɛ.

Amanesoma Jɔn Aa Chwera Tɔn 15:8

Dɛ he wono dɛɛ ɛ n Mɛɛ tetoowaa kɛŋɔ kpale waa dɛ nɔnɛ kɛrɛdɛ naa, wɛɛ dɔ jirimaa. Anee dɛ baɡle kɛ n habɔteŋraa heyaa kpela.

Ɛsekeɛl 36:24

Mɛɛ lawɛ heyaa dɛ́ boa he nyoa le harɛre la ta, dɛ́ ba he ne he ɡbaɡba harɛ ta.

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.

Jeremia 32:37

‘N dɛ ba nɛra maa cheɡɛ n bandia kohona ta dɛ lɔ ba peɡre harɛre bwa ta la nyoa boara, mɛɛ berɔ ba ba bwa ne bonɔ, dɛ́ ɡel ba so deŋnesɔɔhna ta.

Jeremia 30:19

Nɛra baa soɡe bela ɛɛ ɡo kpɛɛra yelaa, dɛ́ do lɔŋɔre dɛɛ hɛɡre. Mɛɛ swee ba andɛɛɡaa, dɛ́ ɡel ba mun ya, ásɛ dɛ dɔ duure.

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.

Aesaya 44:23

Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.

Aesaya 33:17

Hɛɛ na kooro ne o wer ne kan waa doa, ne o harɛpaɡ waa chɔa dɛ kaa bojaŋ.

Nehemia 9:23

He tɛɛ ba bii ba warɛ kɛŋɔ weweela ken, dɛ ɡel ba yo nɛra dɛ pɔ ba nɛ, dɛ so harɛ haa baɡɛ ba naawa ŋɔ hɛɛ kpɔɔ tɛɛ ba la ta.

Mmarare 10:22

He naawa ba fa aa kaa Ijipt harɛ ta la, dɛ ba lɔ nɛra fifraanuanɛ ɡbo. Kɛ taraken Korowii ɡelɔ he mun ya he warɛ kɛŋɔ weweela ken.”

Nɛra Kura 23:10

Umee dɛ́ won kure Israel tena ɔ? Dɛ he bɔne ba bini bɔre anaarɛ kwaraa naa, umee dɛ́ won jemɛ ba nyoa ɔ? N dɛ nyin n sewɛ kɛ nɛra ba wa aa toɡra, ɡel n seo do kɛ ban!”

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Aesaya 10:22

Israel tena, dɛ he warɔ kɛŋɔ mpo nyoa hɛŋle kwaraa naa, he tamaa dɛɛ ba kae dɛ́ berɛ ba. Chɔɡa chɔ le dɛɛ kpa heya. Gɛ Korowii aa cheɡ heyaa la, he chɛ ɡɛ.

Aesaya 6:12

Mɛɛ doŋi nɛra laanee kaa bojaŋ, dɛ́ ɡel harɛ la bwa chɔ pɛɛ.

2 Koranar 23:27

Korowii ŋɔ, “Mɛɛ le Juda harɛ nɛra ɡe nee, ɡɛ maa le Israel harɛ nɛra ne la. Dɛ́ vɛh bwɛjen Jerusalam tena maa lee ba cheɡ tɛ n te, ne Dea nɔ maa ŋɔa baa tom mɛ o bini nɔ ta.”

2 Koranar 17:23

dɛ ka tel kɛŋɔ Korowii aa doŋ ba le o sie, ɡɛ waa cheɡɛ o keamere nɛɛ dɛ bol la. Anomanta, ba lawɛ Israel tena laa ta kaa bojaŋ Asiiria harɛ, ba ta ka bela ba le fini.

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

1 Koranar 8:46

Dɛ ba ɛ wechɔɡa dɛ jo he nɛ, a lole kɛŋɔ nomɛlbwa toole waa wola wechɔɡa ɛ, asɛ he baah di ba nɛ, dɛ ɡel ba dɔma pɔ ba nɛ, dɛ laɡ ba kaa bojaŋ kɛɛ boboraa yoo,

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Mmarare 28:25

Ásɛ he dɔma berɛ pɔ he nɛ. Hɛɛ kpɔ ŋwɛnɛ beŋkpoŋii ŋɔ he ka yoo ba, kɛ bɛlbwa ɛɛ berɔɔ nyin bɔr kpɔ dɛ́ chwa peɡre jo harɛ nɔ ta bwa.

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Job Tɔn 12:23

O won ɡela harɛ bɛl do kpeɡri dɛ́ chɔɡ bɛl ɡe, dɛ́ berɛ ɡel ba warɛ ó lɔ ba peɡre.

Aesaya 40:5

Ásɛ Korowii ba baɡle o jirima nɛwɛnyina bwa na. Korowiirii bola.”