Aesaya 26:13 - mzwDBL

¹³ Korowii yaa dɛ tomɛ, nɛra banee fa dɛ nyiŋi ya nɛ, kɛ he ɡboo ya kpɔ jirima dɛɛ tɛ.

Aesaya 26:13 Referans Kwoze

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

Aesaya 63:7

Mɛɛ bol Korowii nyina aa wola jaɡa dɔe la waa. Mɛɛ kpɛɛro waa bwa waa ɛa tɛ yaa la wa. O nyina aa wola jaɡa dɔe ne tedoma waa dɔa nomanta, o swee andɛɛɡa tɛ ya Israel tena.

Aesaya 2:8

Voɡa ɡboo ba harɛ la ta bwa. Kwaa ba ɡbabir aa ɛa laanee baa tomɛ. Ba dɛ ɡuŋi kwaa ba ɡbaɡba aa kpɔ nɔɔra ɛa.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

Emɔs 6:10

Nɛra baa serewa la lole bɛl ɛɛ bao, dɛ́ ba pa lala la le dem bela, dɛ́ bɔɔ nomɛlbwa waa ka dem bela ŋɔ, “Nomɛl ta lɔ he be bonɔ kɛɛ?” Ásɛ taa bɛl chaŋe ŋɔ “Ɔɔhɔh!” Ásɛ lole la ŋɔ, “Hel! Ya nyiŋi kɛrɛdɛ dɛ bɛ Korowii sɔn yerɛ.”

Aesaya 51:22

Nemenɛ Korowii haa dɛ tomɔ wɛɛ che he habɔɔ la ŋɔ, “Hé na, n lɛ n danana nee numol haa nyɔ o bini sen dɛɛ la le he nɔn ta. Haa anee nyɔ kpa bwa.

Aesaya 12:4

Awola tɔpere la, hɛɛ ɡo yelee ŋɔ, “Hé yerɛ Korowii sɔn, hé jaamo. Hé ɡel harɛre nɛra bwa jemɛ ɡɛ waa ɛa, ásɛ dɛ berɛ baɡ ba ɡɛ o sɔn aa kana.

Aesaya 10:11

maa won ɛ Jerusalam harɛ ne o voɡare ɡe ɡɛ maa ɛ Samaria harɛ ne o voɡare la kɛɛ?’ ”

2 Webena 12:8

Kooro Sisak ɛɛ pɔ ba nɛɛ bá do o lɔɡa, ásɛ ba na ɡɛ n toma aa korɛ harɛre koranar toma ta.”

Josua 23:7

Hé laa he te kpɔ harɛre nɛra baa kaa he ne ba so nɔ nɛ, he bɛ ba voɡare sɔna dɛɛ yerɛ kɛɛ dɛɛ ŋwɛɛra. He bɛ an tomɛ, he bɛ an ɡuŋi ɡe.

1 Kɔrent 4:7

Umee ŋɔ he be ŋɔ he ɡwaa bane ɔ? Wobɛlbwa haa jema la, Korowiirii tɛɛ. Bɛ nyoa dɛɛ ta a do kɛŋɔ Korowii laa kpɔ waa haa jema la kɛɛ.

Amanesoma Jɔn Aa Chwera Tɔn 8:32

dɛ won jemɛ kasinteŋ la, asɛ kasinteŋ la ɡel he dɔ he te.”

Aesaya 26:8

Ya sie dawɛ he nɛɛ yaa teŋɛ he Mmarare ta, he ɡbosoo ya bambile lawɛ.

Aesaya 64:5

He dɛ lɛ banɔ la baa kpɔ silɛɛ ɛ waa aa toɡra, ne ɡɛ haa dɛ nyin kɛŋɔ baa ɛ. He bandia kohona habɔɔ, ya ta teŋɔ dɛɛ ɛ wechɔɡa le saŋ la bwa.

Maeka 4:5

Harɛre nɛra ɛɛ dɛɛ tomɛ ba voɡaree, kɛ ya te, Korowii yaa dɛ tomɔ waa taa yaa ba teŋa saŋ bɛlbwa dɛɛ la.