Aesaya 24:13 - mzwDBL

¹³ Gɛɛ aa ba ɛɛ harɛre nɛra bwa nɛ. Aa ɛo kɛŋɔ baa chaa ɔleve ne ɡrepore nɔna, a ka beŋkpoŋa saɡre baa kuuhna la.

Aesaya 24:13 Referans Kwoze

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Wepila 3:4

He ta dɔ nɛra tama baa wola ɡelɛ a do kɛŋɔ wechɔɡa doŋa do ba nɛ. Mɛɛ tɛɛ ba yapoŋaa bá tɔ, n ne ba valɛ, dɛkalkɛŋɔ ba chɛ ɡɛ.

Matiu 24:22

Kɛ dɛ Korowii fe ta tɔpera la ane teŋe ta aa, nomɛlbwa fe aa o nyuu dɔ. Anomanta, ɡɛ aa ɛ ásɛ Korowii nɛra waa chal ba dɛ lɛɛ ba la dɔ ba nyu la, o teŋe tɔpechɔɡa la ane ta.

Maeka 2:12

Israel tena, mɛɛ boa he bwa nyoa, kasinteŋ, mɛɛ boa he nɛra haa kaa la bwa nyoaa. Mɛɛ boa he nyoa kɛŋɔ peera yon pɛ do leɡ ta, kɛɛ kondɛɛra yon warɛ do dibɔr la. Gɛ tentenee mɛɛ ba ɡela nɛra su harɛ la ta kohona.”

Ɛsekeɛl 7:16

Banɔ la baa dɔ ba nyu dɛ chwa la ɛɛ ka so bwejena doree, dɛɛ wi kɛŋɔ fɛlembɔjena bini kwehre ken, bɛlbwa wechɔɡa waa ɛa wa.

Jeremia 44:28

Ba bini banɔ la baa dɔ bɔr le Ijipt harɛ ta kaa Juda la ɛɛ do tamaa kenii. Ásɛ Juda tena bwa baa kaa dɛ ba so Ijipt harɛ ta la jemɛ bɛl la o wa aa dɔ kasinteŋ, n waa la kɛɛ ba waa baa dɛ teŋɛ a ta la.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Lewi Dea Tena 19:9

He dɛ komɛ he koo kondikwaa aa, he bɛ anɔ la aa lɔ koo nyoa tenten la komɛ. Hɛ́ɛ berɛ anɔ la aa leera la ɡe pa dɛɛ ja.

Aesaya 27:12

Awola tɔpere la, Korowii ɛɛ boa o nɛra nyoa le Yufretis Moo, dɛ kaa Ijipt harɛ jwɛh ta, dɛ lɔɔ ba kɛŋɔ mea ken, dɛ́ tɔɔ Israel tena beŋkpoŋa beŋkpoŋa pɛ.

Maeka 7:1

N waa sum kohona! N do kɛŋɔ nɛn waa ɡaaɡa dɛɛ nyin daa nɔna lɔmɔɡa saŋ, waa wola daa bɛlbwa nɔn waa ka o ta kɛɛ ɡrepo nɔna o daa ta nae dɛ́ di. Ba tɔɔ ɡrepo nɔna, ne fiɡ daa nɔna aa soma la bwa.

Aesaya 17:4

Korowii ŋɔ, “Awola tɔpere la, Israel jirima waa dɔa la ɛɛ tonɔɔ, ásɛ nyaa chiɡ o kondɔɔh naa ta.