Aesaya 23:1 - mzwDBL

¹ Waa aa chiɡ Taaya Korowii bol baɡle Aesaya chaahna ta laanee nɔ. Nɛra haa dɛ ɛ toma stiimaere aa le Taases la, hé wi! Taaya paɡrɔ. Deene kɛɛ stiimae chebɔr toole kpa. Saepros harɛ taa ɡɛ waa nɔ le ba he be.

Aesaya 23:1 Referans Kwoze

Mumpar 10:4

Javan naanaree, Elaisa ne Speen ne Saepros dɛ Roods tena.

Jeremia 47:4

Filisti tena bwa chɔɡa tɔpere la telo, ba dɔma dɛ ba ba kpoo banɔ la bwa baa kaa, ásɛ nomɛlbwa aa won cha Taaya ne Sidon kpa. Men Korowiirii dɛ́ chɔɡ Filisti tena, ne nɛra ba fa aa soɡe Kret ekwi harɛ ta bwa.

Jeremia 25:22

ne koranar baa lɔ bwɛjena Taaya ne Sidon bwa, ne harɛre aa lɔ ba lɔɡa dɛ do mpo la baŋ bwa,

Aesaya 2:16

Hale stiimaere bonadiire aa dɛ so a bini, ne stiimajena andɛɛɡa bwa ɛɛ chɔɡoo.

Jeremia 2:10

Hé ɡale kaa wee cholibɔr Saepros mpo nyoa harɛ ta ka na. Hé tomɛ nomɛl ó la Keda harɛ wee leebɔr ɡe ka nyiŋi. Hɛɛ nao kɛŋɔ waa aa do ken nɔ dɔŋa ta chiɡe ka.

Aesaya 23:12

Korowii berɔ ŋɔ, “Bwɛjen Sidon haa wera kɛŋɔ bitolo waa wola baa jemɛ, taraken he chɔɡɔ! Silɛɛ aa lɔ he ta la bwa toole kpa. Ir dɛ́ kaa Saepros harɛ ta, hale bela ɡba haa ona dɔe ba.”

1 Koranar 22:48

Kooro Jehosafat kwaa stiimaere asɛ dɛ fee kpɔ la Ofir harɛ ta kaa di suuɡaswɛm bona. Kɛ a kaa paɡre Eseɔn Gɛba a ta wone tel Ofir.

1 Koranar 10:22

Dɛ kooro dɔ stiimaere baa kpɔa dɛɛ di bona mpo ta a ja Kooro Hiram kwaa baa kpɔa dɛɛ ɛ toma la ta. Bene atoro bɛlbwa a dɛ ba suuɡaswɛm ne suuɡapoŋa ne bala nyena, dɛ ɡbɛɛne bwa soo siwi ne.

Daneɛl 11:30

Rom tena ɛɛ kpɔ stiimaeree le mpo nyoa wee cholibɔr harɛre taa, dɛ́ ba yoo, ásɛ o bambile chɔɡ. Wɛɛ berɔ kpɔ bandia dɛɛ nyin dɛ́ chɔɡ Korowii fɔo waa do ɡoroŋ la. Wɛɛ dɛɛ teŋɛ nɛra baa wola fɔo la ta teŋɛ la nɛɛ.

Ɛsekeɛl 26:1

Bene fi dɛ beŋkpoŋ, korobiloɡle tɔpere waa tɔ sie baa lawɛ yaa laa ta kaa bojaŋ harɛfale ta la, Korowii bol waa men Ɛsekeɛl be ŋɔ,

Jeremia 25:15

Korowii Israel tena aa dɛ tomɔ la ŋɔ, “Jeremia, lɛ numol nɔ, sen aa lɔ o bini do kɛŋɔ n bandia danana ne, mɛɛ ba kpɔe tɛ nɛra bá nyɔ dɛ́ tɛr ba deŋne. Kpɔ kaa harɛre nɛra maa tomɛ ba be la be, dɛ́ ɡel bá nyɔ.

Aesaya 60:9

A ɛ stiimaere aa le bojaŋa dɛ kpɔ n nɛra dɛɛ ba dem. Ba cheɡɛ suuɡapoŋa ne suuɡaswɛm dɛɛ ba, dɛ kpɔ jirima dɛɛ ba ba tɛ men Korowii Israel tena aa dɛ tomɔ, Israel Nɛŋɡoroŋ waa ɡela harɛre nɛra kpɔ duure dɛɛ tɛ o nɛra la.”

Aesaya 24:10

Bwɛjen la chɔɡɔ dɛ chɔ pɛɛ, ba karɛ dem bɛlbwa doonyoa ɡbera tɔ ba ɡbaɡba nɛ.

Aesaya 15:8

Moab harɛ jwɛhre bobɛlbwaa baa wi, ba wii tel bela bwɛɛre Eɡlaim ne Beɛ Elim.

Yela 48:7

kɛŋɔ peuchɔɡe aa taa le wee leebɔr dɛ lɔ stiimaere dɛɛ kaa la.

2 Webena 9:21

Dɛ kooro dɔ stiimaere baa kpɔa dɛɛ di bona mpo ta a ja Kooro Hiram kwaa baa kpɔa dɛɛ ɛ toma la ta. Bene atoro bɛlbwa a dɛ ba suuɡaswɛm ne suuɡapoŋa ne bala nyena, dɛ ɡbɛɛne bwa soo siwi ne.

1 Koranar 5:1

Dɛ Taaya Kooro Hiram chamenatee Kooro Devid, anomanta, waa noa kɛŋɔ ba cheɡ Solomɔn kora o so o mɛɛ Kooro Devid buɡ ta la, o tomɛ o nomonome ba ba na Kooro Solomɔn.

Josua 19:29

Ba jwɛh la berɔ berɛ dɛ kaa bwɛjena Rama ne Taaya baa ma danjwɛkpeɡ bara, dɛ teŋe ba kaa Hosa, dɛ ka jaɡɛ mpo ta Aksib harɛ ta,

Nɛra Kura 24:24

Stiimaere ɛɛ kpɔ nɛraa le Saepros harɛ taa ba, dɛ́ ba lɔ tɔ Asiiria tena ne Iba tena nɛ. Saepros tena ɡe kwara ɛɛ heo.”

Amanesoma Luk Aa Chwera Tɔn 10:13

Korasen tena, hé bwɛɛlɛ! Bɛtsaeda tena ɡe, hé bwɛɛlɛ! Dɛ nomɛl fe ɛ ɡɛ nyokpowaa nɔ maa ɛa he siwi ta nɔ bwɛjena Taaya ne Sidon aa, ba fe charɛ ba liire le ba wechɔɡa ta biɡri. Ba fe ta lweyale tɔe dɛ so sibeɡra ta naa?

Aesaya 23:6

He nɛra haa soɡe mpo nyoa la, hé wi dɛ́ ir kaa Taases.

Ɛsekeɛl 26:2

“Nɛwɛnyini bie, bwɛjen Taaya tena dɛ do silɛɛ lɔŋɔre ŋɔ, chwaasere, bwɛjen Jerusalam chɔɡɔ! Belaa bonadiire bwa ɛɛ la, waa chɔɡa nɔ, yaa do werii name.

Ɛsekeɛl 27:6

Dajenaa ba kpɔ le Basan harɛ ba ɛ he ŋwandaa, dɛ kpɔ dakpeɡa ane ɡe le Saepros, ne bala nyena, dɛ ba kwaa he bini, he do wer.

Ɛsekeɛl 27:30

Baa dooɡe lɔŋɔree dɛ́ wi kohona tɛɛ, dɛ́ kpɔ teera do ba nyuune ta dɛɛ ɡbili tɔɔ ta.

Jona 1:3

Anee Jona vɛh Korowii toma waa dɛ tomɔ Niniwe la, dɛ chwa dɛɛ kaa Taases. Anomanta, o la Jopa, bela stiimaere aa dɛ chuɡe, asɛ dɛ ka dɔ bɛl waa dɛ kaa Taases. O bɔ o suuɡa dɛ jo dɛ fe ɛɛ kaa Taases ásɛ Korowii bɛ on na.