Aesaya 20:4 - mzwDBL

⁴ Gɛ tentenee Asiiria koojen ɛɛ ba Ijipt ne Itiopia tena waa kaa yoo ba, dɛ laɡ ba la ɛɛ ba bá valɛ dakpaŋ ne nakpapɛɛ ne. Nomonome ne bechale bwa ɛɛ valɛ mumɡbal sihiih nee.

Aesaya 20:4 Referans Kwoze

Aesaya 19:4

Mɛɛ kpɔ Ijipt tenaa do kooro nyubinikpeɡ te bɛl nɔn ta, o wa do ɔma, wɛɛ nyiŋi ba nɛ. Men Korowii, Koranar Bwa Kooroo bola.”

Jeremia 13:26

Anomanta, mɛɛ ɡbaa he bwara laalaa kaa nyundua, ásɛ nɛra na he ncho dii, sihiih kpo heya.

Jeremia 13:22

Kɛ he berɔ ŋɔ, “Ɛrɛɛ ɡɛ waa nɔ pu yaa nɔɔ?” He wechɔɡa kohona waa he bwara laala kɛɛ, a ɡel he bwara ɛɛ nyɛɡ kohona la.

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.

Maeka 1:11

Safir tena, hé valɛ ba kaa bojaŋ harɛ ta mumɡbal ne sihiih ne. Bwɛjen Saanan tena ɡe, hé bɛ lii ŋɔ hɛɛ le o taa. He baa no kɛŋɔ Bɛt Ɛsɛl tena dɛ wi aa, he jemɛ kɛŋɔ he ta sɔɔhbɔr ba be bela dɔe.

Ɛsekeɛl 30:18

N baa sɔɔh Ijipt harɛ kpeɡri nyoa aa, bɔr dɛ ba bira bwɛjen Tapanes, ásɛ Ijipt harɛ kpeɡri baa cheɡɛ a ta dɛɛ ɛ mbarafo la ba a jaɡa. Baama ɛɛ tɔ o bwaa, ásɛ ba lawɛ nɛra baa lɔ o bwɛjeɡre ta kaa.

Jeremia 46:26

Mɛɛ laɡ baa do nɛra baa dɛ nyin ba dɛ́ kpo nɔn ta. Banee, Babelɔn Kooro Nebukadnesa ne o laa tena. Kɛ a habɔɔ nɛra ɛɛ berɔ ba so Ijipt harɛ ta kɛ saŋ la ja. Men Korowiirii bola.”

Aesaya 47:3

Nɛra ɛɛ nae kɛŋɔ he cheɡɛ mumɡbal, baa na sihiih haa dia. Mɛɛ bɔe he wechɔɡa kemee, maa nomɛlbwa nɛɛ sune.”

Aesaya 3:17

Anomanta, Korowii ɛɛ ɡeloo Saayɔn haahna nyubaahna chuɡri ŋwɛra, ásɛ ba nyuune ɡba.

2 Samoɛl 10:4

Anomanta, Kooro Hanun lawɛ Kooro Devid toroma la dɛ fonɛ bɛlbwa tampona pera ta, dɛ teŋni ba laala baa doa la muŋkela bɔra ta, dɛ ɡel ba ba kaa.

Aesaya 47:2

Ka namɛ men nam ta, laa kon haa kpɔa bɔle sie la kpɔ, dɛ́ laa yal ɡbaa he hwie ta, dɛ́ jo neerare le a baŋ.

Jeremia 46:19

Ijipt tena, hé boa he laala nyoa bá lawɛ heyaa kaa bojaŋ harɛfale ta. Mɛmfes ɛɛ berɛ pua hɛŋle ɡbo harɛɛ, dɛ́ berɛ dimɡbia nomɛlbwa aa wola won so o ta.

Emɔs 9:7

Korowii ŋɔ, “Israel tena, n dɛ nyin he waa kɛŋɔ maa dɛ nyin Itiopia tena waa la. Gɛ maa lawɛ he Israel tena le Ijipt harɛ ta la, ɡɛɛ n lawɛ Filisti tena le ekwi harɛ Kret ta, dɛ lawɛ Siiria tena le Kir. Men Korowiirii bola.

Neehum 3:10

Kɛ ba wono ba yo he nɛra, dɛ laɡ ba kaa harɛfale bɛl ta. Ba lawɛ bechale dɛ kpɔ ba cha harɛ ba bini toɡri chɔ fɔɡbaahna. Ba lawɛ nomonjena dɛ bil daa ba nyuune ta, dɛ kpɔ jɔɡrɔre do sitɔɔla.

Sefania 2:12

Korowii ŋɔ wɛɛ kpoo Itiopia tena ɡe bwaa.

1 Webena 19:4

Anomanta, Kooro Hanun lawɛ Kooro Devid toroma la dɛ fonɛ bɛlbwa tampona pera ta, dɛ teŋni ba laala baa doa la muŋkela ta, dɛ ɡel ba bá kaa.

Aesaya 31:2

Kɛ onee wejereme, onee dɛ́ won ba bɔr chɔɡa ne. Waa nentane tae dɛɛ ta harɛ, dɛ berɛ dɛɛ kpɛla. Wɛɛ iruu che wechɔɡ-ɛɛra, ne banɔ la baa dɛ cha wechɔɡa la nɛ.

Aesaya 31:3

Nɛraa Ijipt tena, Korowii laa ban, asɛ ba jaɡre ɡe ɛ ola, a ta kwaa aa bea yaa wola an na ɛɛ. Dɛ Korowii baa ir o nɔn dɛ́ tɛr nɛra deŋne aa, nomɛlbwa waa dɛ cha nɛra ɛɛ keeruu, ásɛ nɛra baa dɛ cha ba la ɡe choɡli, ásɛ ba nɛmbele banɛ la bwa pɛ dɛ́ chɔɡ.