Aesaya 20:3 - mzwDBL

³ Ate, Korowii ŋɔ, “Gɛ n bonɔɔ Aesaya aa dɛ valɛ dakpaŋ ne nakpapɛɛ bene atoro nɔ, a ɛ we-ɛɛla dɛ baɡle waa aa dɛ ba Ijipt harɛ ne Itiopia harɛ chiɡa.

Aesaya 20:3 Referans Kwoze

Aesaya 8:18

N ne bechale Korowii aa tɛ mɛ laanee la. Nemenɛ Korowii waa soɡe Saayɔn Bwejen ta la ɡelɔ ya che tɛ waa aa dɛ ba ɛɛ Israel tena bini.

Aesaya 43:3

Menee Korowii haa dɛ tom mɛ, he Israel Nɛŋɡoroŋ maa dɛ lɛ heyaa la. N kpɔ Ijipt tena charɛ he nyu, dɛ kpɔ Itiopia ne Seba tena cheɡ he buɡ ta dɛ lɛ heya.

Aesaya 37:9

Belaa Asiiria koojen no kɛŋɔ, Ijipt Kooro Tirhaka waa le Itiopia ne o laa tena dɛ ba ba yoo. Anomanta, o chwerɛ tɔn, dɛ kpɔ tomɛ toroma Juda Kooro Hɛsɛkea be ŋɔ,

Nɛra Kura 14:34

Bene fifraanaarɛɛ hɛɛ ba he deŋnetɛra kembɔr dɔe, benanyoa bɛlbwa cheɡɔ tɛ tɔpera fifraanaarɛ la tɔpebeŋkpoŋ haa kpɔa ka sɔh nyiŋi harɛ la. Ásɛ he na kɛŋɔ men Korowii, dɛ n ŋɔ mɛɛ tɛr he deŋne yaa, dɛ a ɛ sibeɡra.’

Ɛsekeɛl 4:3

Kpɔ buni loɡ cheɡ he ne berekese la haa ɛ bwɛjen la dawɛ o ta la baah ta, dɛ́ kpɔ sie chaɡɛ bwɛjen la, á do kɛŋɔ he tɔ bwɛjen la do, á baɡle waane tɛ Israel tena dɛ́ kah ba.

Ɛsekeɛl 12:6

Bɔr aa dɛɛ jo la, dawɛ he laala la vam ta ba siwi ta, ásɛ dɛ le kaa. Kpɔ kon tɔ sie, dɛ bɛ harɛ haa dɛ kaa o ta la na. Gɛ haa ɛ laanee dɛ́ baɡle Israel tena wa.”

Ɛsekeɛl 30:6

Anomanta, Korowii ŋɔ, “Ijipt chamene tena baa dɛ chao la bwa ɛɛ serewoo. O laa tena baa do kpeɡri wɛɛ ɛ mbarafo ba waa la bwa ɛɛ serewoo. Baa kpoo ba bwa laa taa le Miɡdol dɛ ba Aswan. Men Nemenɛ Korowiirii bola.

Sekaria 3:8

Sɔfonomoa Josua, he ne he bala sɔfore baa ja he nɛɛ la, hé no. He cheɡɔɔ tɛ wedɛɛɡa aa dɛ ba bala kerekere. N dɛ ba n bonɔɔ baa dɛ yerɔ Daa Kpale ne.

Aesaya 19:4

Mɛɛ kpɔ Ijipt tenaa do kooro nyubinikpeɡ te bɛl nɔn ta, o wa do ɔma, wɛɛ nyiŋi ba nɛ. Men Korowii, Koranar Bwa Kooroo bola.”

Jeremia 13:1

Korowii berɔ bol men Jeremia be ŋɔ, “Ka yawɛ yapondɛɛɡe dɛ́ ɛo kiriso vɔwɛ he chara. Bɛ ɡel nee leɡo.”

Ɛsekeɛl 4:1

Korowii berɔ ŋɔ men Ɛsekeɛl be ŋɔ, “Nɛwɛnyini bie, nyin berekese dɛ́ kpɔ bil he sie, ásɛ dɛ ɛ bwɛjen Jerusalam dawɛ o ta.

Ɛsekeɛl 30:4

Laa tena dɛ ba ba yo Ijipt tena, Itiopia tena loo ɛɛ kuu. Baa ba kpoo Ijipt tena la, baa pa ba kondɔɔh kaa, dɛ́ chɔɡ harɛ la ó berɛ dimɡbia.

Sefania 2:12

Korowii ŋɔ wɛɛ kpoo Itiopia tena ɡe bwaa.