Aesaya 2:22 - mzwDBL

²² He bɛ hwɛɡa kpɔ do nɛwɛnyini nɛɛ kpa. Waa sewaa? Bɔkwaa nɛwɛnyini ɡeɔ?

Aesaya 2:22 Referans Kwoze

Jeremia 17:5

Waa Korowii aa dɛ bol laanee. “Nomɛlbwa waa kpɔ o te dawɛ nɛwɛnyini nɛ, dɛɛ hwɛɡɛ o bokpeɡa ta dɛ berɛ habɔɔ kpo men Korowii la, o bwɛɛlɛ.

Yela 146:3

Bɛ he te kpɔ dawɛ koranar kɛɛ sitɔɔ bɛlbwa nɛ, nɛwɛnyini bɛlbwa aa won lɛɛ.

Jems 4:14

kɛ dɛ he ɡe aa jemɛ ɡɛ tɔɔ aa dɛ ba he pera la! Gɛ kɔɔla yon ta, kɛ aa biɡri dɛ yon kaa la, ɡɛɛ he mkpa do.

Yela 8:4

nɛwɛnyini ɡee bɔkwa, asɛ hɛɛ lii o waɔ? Nɛwɛnyini ɡee bɔkwa, hɛɛ dawɛ o waɔ?

Aesaya 40:15

Harɛ nɔ ta nɛra do tamaa kɛŋɔ bokiti bini nee aa kora le kerabeŋkpoŋ ken Korowii be. Ba do kɛŋɔ tutuɡ aa dawɛ kon baa kpɔa dɛɛ kari kwaa tɔɡre ta ken. O dɛ kari ekwie harɛre a do fɛɡre o siwi ta kɛŋɔ tutuɡ ken.

Yela 62:9

Nɛwɛnyina bwa do kɛŋɔ nyoa peu ken, nyaara ne kondɔɔhna bwa kɛrɛdɛ. Dɛ ba kpɔ ba dawɛ kon baa kpɔa dɛɛ kari kwaa ta naa, ba fɛɡre dɛ ɡwaa nyoa peu ɡba.

Mumpar 7:22

Nɛwɛnyina ne ola ne kwaa aa dɛ tuuɡi tea ta, ne anɔ la aa dɛ huuh, ne jumbii bwaa o chɔɡ kwara. Nemenɛ Nowa ne banla baa dɔ bɔr ja o nɛɛ dɛ jo daka la bini laanee baa ka.

Mumpar 2:7

Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.

Job Tɔn 27:3

n ta aa lɔ mkpa bini, Korowii ta ɡel mɛɛ hwee nɔ,

Aesaya 40:17

Harɛre nɛra ta komɛlbwa ɛɛ Korowii be. Ba do kɛ kwaane aa wola siwi su o be ken.

Aesaya 51:12

Korowii ŋɔ, “Menee dɛɛ larawe he bwara. Nɛwɛnyina ɡee bɔkwa, hɛɛ ɔm baɔ? Ba dɛ serewe, ba do kɛŋɔ kpɔɡa.

Malakae 3:15

Kɛ taraken nɔ, ya dɛ yerɛ nɛra baa dɛ ɛ jenu bosɔɔhna tena. Kasinteŋ, waa wechɔɡ-ɛɛra aa dɛ ɛ la, a dɛ do wer dɛɛ chiɡ ba kɛrɛdɛ, hale banɔ la baa dɛ tɔŋle Korowii dɛ vɛh o waa la aa deŋnetɛra bɛlbwa dɔ.’ ”