Aesaya 19:13 - mzwDBL

¹³ Nomonome baa chɔ Soan nyoa berɛ ɡɛna, Mɛmfes nomonome ɡe wili. Banee fe chɛ kɛŋɔ ba tɔ Ijipt tena sie, dɛ berɛ ɡel ba nyoɡre.

Aesaya 19:13 Referans Kwoze

Ɛsekeɛl 30:13

Nemenɛ Korowii ŋɔ, “Mɛɛ chɔɡ voɡaa, ne anɔ la baa ɛa a do bwɛjen Mɛmfes bwaa. Kooro aa Ijipt harɛ taa do kpa, ásɛ n kpɔ ɔmee kohona ba ta nɛra nɛɛ harɛ la ta bwa.

Jeremia 2:16

Laa tena baa le Ijipt bwɛjena, Mɛmfes ne Tapanes ta dɛ fonɛ he nyuune la kpalkpal kɛ yoma.

Sekaria 10:4

Juda dea tena binii nɛn waa do kɛ bwe baa kpɔ pa dea mun ɛɛ ba lee, o bee daa baa kpɔ baŋre tɛnte ɛɛ ba lee, to baa kpɔ yo laa le o be, ásɛ koranar ne nomonome bwa ɡe le o be.

Jeremia 46:19

Ijipt tena, hé boa he laala nyoa bá lawɛ heyaa kaa bojaŋ harɛfale ta. Mɛmfes ɛɛ berɛ pua hɛŋle ɡbo harɛɛ, dɛ́ berɛ dimɡbia nomɛlbwa aa wola won so o ta.

Jeremia 46:14

“Bol waa nɔ Ijipt bwɛjen Miɡdol ne Mɛmfes, dɛ Tapanes nɛra be ŋɔ, ‘Hé nyin bɔra che dɛɛ kpa, dɛkalkɛ Babelɔn laa tena dɛ ba ba chɔɡ harɛre nɛra baa bar heyaa cheme.’

Aesaya 19:11

Nomonome baa chɔ Ijipt bwɛjen Soan nyoa la ɛ ɡɛna, nomonome baa jemɛ waa dɛɛ ja Ijipt kooro la aa on liidɛɛɡa tɛ. Aah, hɛɛ won ŋɔ Ijipt kooro be ŋɔ, “N ɛ wejereme kɛŋɔ saŋ la tena wejerema ne koranar la bini bɛl aa?”

1 Pita 2:7

He nɛra haa dɛ yaradao ɡe be la, wɛɛ ɛ Bwedɛɛɡe o wa aa hiaah tɛ heya. Asɛ nɛra baa wola on yaradae ɡe la, wɛɛ ɛ ɡɛ baa chwera Korowii Tɔn bini laanee ba be, kɛŋɔ, “Bwe la mamaala aa vɛoh dɛ liiru konsala laanee bera ba lawɛ dea kpoŋe la.”

Tɔn Pɔɔl Aa Chwerɛ Rom Tena 1:22

Ba dɛ yerɛ ba te wejerema, kɛ ɡɛna ɡee ban.

Ɛsekeɛl 30:16

Mɛɛ fuh Ijipt harɛɛ, ásɛ lokua chole bwɛjen Pɛloseɔm tena nɛ. Baa kuuɡi bwɛjen Tebes danjwɛɛre aa baroo la, ásɛ bwɛjen Mɛmfes tena ɛɛ na weweele saŋ bɛlbwa.

1 Samoɛl 14:38

Kooro Sɔɔl yerɛ nomonome baa chɔ laa tena nyoa la bwa dɛ ŋɔ, “Hé ba ya cheme dɛ́ na wechɔɡa yaa ɛa fini.

Nɛra Kura 24:17

N na Israel tena wa aa dɛ ba bala kerekere, kɛ taraken laa. N nyiŋa, kɛ a ta men bɛnɛ. Kooro bɛl ɛɛ le Israel tena binii ba kɛŋɔ wewee ken. Nomoa bɛl ɛɛ ir ba binii, dɛ́ kpoŋe koodaŋɡbala. Wɛɛ kpoo Moab sitɔɔlaa, dɛ́ chɔɡ Sɛt naanar baa ɛ naɡrenyin tena.

Jeremia 44:1

Korowii bol Israel tena baa lɔ Ijipt bwɛjena Miɡdol ne Tapanes ne Mɛmfes, dɛ banɔ la baa lɔ harɛ la weekaŋle harɛbɔr waa men Jeremia be.

Ɛsekeɛl 30:14

Mɛɛ chɔɡ Ijipt harɛ weekaŋle harɛbɔree o chɔ pɛɛ, dɛ́ fuh bwɛjen Soan waa lɔ weekaŋle nyunduabɔr ɡe, dɛ́ ba tɛr Tebes waa ɛ ba bwɛjen la tena ɡe deŋne.

Hosia 9:6

Dɛ wekpeɡa chiɡo asɛ ba lɔ peɡre aa, Ijipt tena ɛɛ boa ba nyoaa, ásɛ dɛ ba sewɔ aa, bá huɡ ba bwɛjen Mɛmfes. Jabalnadaŋɛre ɛɛ kpeɡuu tɔ ba kondɔɔh aa ɛ suuɡapoŋa la bwa ta, ásɛ sɔɔhne ne kpɔɡa moɡɛ tɔ bela ba deene fa aa cheɡa la.