Aesaya 17:11 - mzwDBL

¹¹ He fe wono ɡel a le awola tenten haa dua la, dɛ moɡɛ dɛ fe aa, haa komɛlbwa a ta chaa. Wahala ne weweele aa wola tonɛ ɡboo hɛɛ ba dɔe.

Aesaya 17:11 Referans Kwoze

Hosia 8:7

Ba du peu dɛ ɡel mea, anomanta, kawulewulee baa ba koma. Mea aa wola bie dɔe ta kondikwaa dɔe. Dɛ a dɔ bie kwaraa naa, nɛŋhɔɔhraa dɛɛ ba a dii.

Job Tɔn 4:8

N ɡbabir nao kɛŋɔ nɛra baa dɛ vɔrɔwe wechɔɡa vɔrɔwa, ne banɔ la baa dɛ nyin waa la, anee baa dɔ.

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

Hosia 9:16

Israel tena do kɛŋɔ daa o lune bwa aa hola waa wola nɔnɛ. Ba loɡle bii dɛɛ nyin ba kohona kwaraa naa, mɛɛ kpoo baa.”

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Yela 90:6

a dɛ kpeɡ dɛ́ fe, jɔmɔra ne tela dɛ a holɔ dɛ́ sewɛ.

Lewi Dea Tena 26:20

He koeh bwa dɛ ba pɛɛ ɛɛ, dɛkalkɛ kondikwaa bɛlbwa ɛɛ chɔɡ he harɛ la taa, ásɛ daa ɡe aa nɔnɛ.

Mmarare 28:39

Hɛɛ parɛ daa baa kpɔ a nɔna dɛɛ ɛ sen koonii, kɛ haa a nɔnaa dɔ chaa, haa a senee dɔ nyɔ dɛkalkɛŋɔ dudule ɛɛ chɔɡaa.

Aesaya 17:5

Wɛɛ ɛo kɛŋɔ koo baa komɛ o mea dɛ paa kaa la ken. Wɛɛ ɛo kɛŋɔ koo baa kuuh mea Refaim Fɛlembɔjen bini, o chɔ pɛɛ.

Joel 1:17

Harɛ holɔ anomanta, kondwee bwa pɔɔh. Deene baa dɛ cheɡ kondikwaa a bini bwa kuuɡo, dɛkalkɛ mea toole bá kpɔ do a bini.