Aesaya 16:6 - mzwDBL

⁶ Ya no ɡɛ Moab tena aa dɛ ɛ mbarafo, ɡɛ baa dɛ ɡɔɔ ba te dɛɛ baɡle ba te. Ba dɛ ɛ sikpeɡ dɛɛ maŋkura ba te, kɛ a ɛ wepuu.

Aesaya 16:6 Referans Kwoze

Emɔs 2:1

Korowii ŋɔ, “Moab tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba ta Edom kooro bui, ba huɡri o hoɡa, dɛ fuah a berɛ tɔɔ.

Jeremia 48:42

Baa chɔɡ Moab harɛ nɛra bwaa, dɛkalkɛ ba vɛh men Korowii.

Jeremia 48:26

Korowii ŋɔ, “Hé tɛ Moab tena sen bá nyɔ dɛɛ kohona, dɛkalkɛ ba ɛ men Korowii deŋnekpeɡ. Hé ɡel ba chɔ dɛɛ ɡbaɡre ba chwɛɛra ta, dɛ́ berɛ akwekwe nɛra.

Jeremia 50:36

Hé ka kpoo keame nyosonteŋna la. Ba ɡɛnɔ kohona! Hé ka kpoo ba banyoola. Ɔmee kohona chole ba nɛ.

Aesaya 44:25

Menee ɡela keame nyosonteŋna waa ɛ nyosone, dɛ ɡel voɡra waa ɛ ɡɛnewa, dɛ won beɡre harɛ nɔ ta wejerema wejema, a ɛ wesale.

Aesaya 28:18

Fɔo he ne seo aa fɔwa la ɛɛ chɔɡoo, nyopɛo he ne lalabwɛ aa dɔa la ɡe aa lee do kpa. Dɛ harɛchɔɡ peu baa ta aa, wɛɛ dɔ heyaa, dɛ́ lɔ heyaa bil harɛ.

Aesaya 28:15

He dɛ ta nyoa ŋɔ, “Ya ne seo fɔwɛ fɔo, ya ne lalabwɛɛ nyoa pɛ. Dɛ harɛchɔɡ peu dɛ ba naa, waa yaa dɔ, dɛkalkɛŋɔ ya kpɔ ya te do nyosone ne neɡra ta, kɛŋɔ aa tɔ ya nɛ dɛ́ lɛ yaa.”

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

Sɛɡla 21:24

Nomɛlbwa waa dɛ maŋkura o te la dɛ́ ɛ mbarafo. O ɛ bammuɡli nɛn o we-ɛɛla ɛɛ ɡwaa kohona.

Aesaya 25:11

Baa dɛɛ ta nɔɔra a binii, kɛŋɔ nɛn yon dɛɛ wa nee la. Korowii ɛɛ ba ba jenu baa dɛ ɛ la ne harɛɛ, hale ba takapɔ ɡɛ bɛlbwa kwaraa naa, aa won lɛɛ ba.

Aesaya 15:1

Waa aa chiɡ Moab harɛ ta Korowii bol baɡle Aesaya chaahna ta laanee nɔ, Moab harɛ ta bwɛjena Ar ne Kir chɔɡɔ. Jwaana beŋkpoŋii ba chɔɡa.

Aesaya 25:10

Korowii ɛɛ kpɔ nɔnee tɔ Saayɔn Bwejen la taa, kɛ Moab tena te, baa tiɡri ba nɛɛ kɛŋɔ baa tiɡri kpɔɡa dɛɛ koo nabena ta la.

Jeremia 48:14

Moab tena, ɛrɛɛ hɛɛ ba wona ŋɔ, ‘Ya ɛ banyoola, baala yaa kpeɡa dɛ won laa yoi kohona ɔ?’