Aesaya 15:1 - mzwDBL

¹ Waa aa chiɡ Moab harɛ ta Korowii bol baɡle Aesaya chaahna ta laanee nɔ, Moab harɛ ta bwɛjena Ar ne Kir chɔɡɔ. Jwaana beŋkpoŋii ba chɔɡa.

Aesaya 15:1 Referans Kwoze

Aesaya 11:14

Baa pɛo dɛ́ lɔ ka tɔ Filisti tena baa lɔ wee cholibɔr nɛɛ dɛ́ yoo ba, dɛ́ ka kah banɔ la baa lɔ wee leebɔr la ɡe laala kɛ laa ta kwa, dɛ́ kpɔ nɔn dawɛ Edom ne Moab tena nɛ, Amɔn tena berɛ ba bechale dɛɛ tom ba.

Nɛra Kura 21:28

Kooro Sihon laa tena le Hɛsbɔn kɛ nii ken, kɛŋɔ ninlao dɛ le Kooro Sihon bwɛjen ta, dɛ ba chɔɡ Moab harɛ bwɛjen Ar, dɛ ka chɔɡ nɛra baa lɔ Aanɔn Moo deŋɡarere ta.

Aesaya 25:10

Korowii ɛɛ kpɔ nɔnee tɔ Saayɔn Bwejen la taa, kɛ Moab tena te, baa tiɡri ba nɛɛ kɛŋɔ baa tiɡri kpɔɡa dɛɛ koo nabena ta la.

Aesaya 16:11

N dɛ hime Moab wa, n tea bini chɔɡ kohona Kir Haresɛt wa.

Aesaya 16:7

Moab tena ɛɛ wi ba harɛ waa, ba bwa ɛɛ wiu. Ba bwa ɛɛ lii konsoma ba fa aa dɛ di bwɛjen Kir Haresɛt la waa, dɛ́ pɛ dɛɛ wi.

Aesaya 14:28

A bena Kooro Ahas aa chɔ o banɔn ta, waa aa le Korowii be ba laanee.

Jeremia 9:26

Banee Ijipt ne Juda ne Edom ne Amɔn ne Moab tena, dɛ nɛra baa lɔ pua hɛŋle ɡbo harɛ ta, dɛ do bojaŋ harɛre ta la. Dɛkalkɛ a ɡɛ harɛre nɔ nɛra ne Israel tena ta n waa kpɔe do ba bambile bini.”

Aesaya 13:1

Babelɔn waa Korowii aa kpɔa baɡle Emɔɔs bie Aesaya chaahna ta laanee nɔ.

2 Koranar 3:25

Ba chɔɡ ba bwɛjena, asɛ Israel tena baa chwaa dɛɛ kaa la, bɛlbwa kpɔ vamtor bwe ta harɛdɛɛɡe la ta, ka tel kɛŋɔ waa sua, asɛ nenapale bɛlbwa nyu teŋe, dɛ teŋni daa aa dɛ nɔnɛ ɡe bwa ta. Ba bwɛjen baa dɛ yerɔ Kir Haresɛt ɡboo baa ka, kɛ baala baa kpoŋe vamtore baa bar bwɛjen la dɛ yoo ba.

Mmarare 2:18

‘Fini hé ir, dɛ́ valɛ ka ɡarɛ Ar waa lɔ Moab jwɛh ta la,

Mmarare 2:9

Bela ɡe la, Korowii ŋɔ n be ŋɔ, ‘He bɛ Moab tena baa ɛ Lɔt naanar nɔ baah muɡli he ba yo. N kpɔ bwɛjen Ar tɛɛ ba ŋɔ ó ɛ ba kon baa di o kpeɡri. Anomanta, maa heyaa ba harɛ nɔ peraa tɛ hé di o kpeɡri.’ ”

Aesaya 25:12

Wɛɛ chɔɡ Moab harɛ bwɛɛre danjwɛkpeɡa ne anjaŋa bwaa, dɛ́ kuuɡa a bwa a chɔ harɛ.

Mmarare 2:19

kɛ dɛ he tel Amɔn tena harɛ ta naa, he bɛ ba baah muɡli dɛ́ ba puu ba yo, dɛkalkɛŋɔ maa ɡel he dɔ ba harɛ la pera ó ɛ he kon bwa. N kpɔɔ tɛ Lɔt naanar kɛ ó ɛ ba harɛ.’

Aesaya 16:6

Ya no ɡɛ Moab tena aa dɛ ɛ mbarafo, ɡɛ baa dɛ ɡɔɔ ba te dɛɛ baɡle ba te. Ba dɛ ɛ sikpeɡ dɛɛ maŋkura ba te, kɛ a ɛ wepuu.