Aesaya 14:4 - mzwDBL

⁴ hɛɛ kpɔ yelee sɛɡle Babelɔn kooro dɛ ŋɔ, “Hé na ɡɛ nyubinikpeɡ te la aa bera sɔɔh! Hé na ɡɛ o bandia aa ba a jaɡa!

Aesaya 14:4 Referans Kwoze

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 18:16

dɛɛ wi ŋɔ, “Akwe! Akwe! Waa pu bwɛjen la o nɛra fa aa dɛ do yapondɛɛɡa a sie aa swɛɛra, dɛ do ɡimeɡime ne answɛɛma peihpeih, dɛɛ do baŋa kwa, ne deŋna kwa, ne nɔnloɡa baa kpɔ suuɡaswɛm dɛ bwedɛɛɡa bwa soo siwi ɛa la,

Wepila 17:6

N na haah la kɛ waa dɛɛra. Korowii nɛra ba wa aa toɡra dɛ teŋɛ Yeesu nɛɛ ba koh a waa kpoo ba la chalee o nyɔ dɛ dɛɛ. Maa nao la, n nyoa kpoo taeh.

Habakuk 2:17

Gɛ haa teŋe Lɛbanɔn harɛ ta daa la, ɡɛɛ Korowii ɛɛ ba he ɡe chɔɡa. Gɛ haa kpo kpɔɡ bini ola la, ɡɛɛ hɛɛ ba a waa nae. He kpoo nɛra dɛ fuɡe ba chal ta harɛ la ta, he chɔɡ harɛre ne bwɛjena ne a nɛra bwa.

Daneɛl 2:38

He nɔn taa o kpɔ nɛra, ne kpɔɡ bini ola, dɛ jumbii aa dɛ ɡah do. Henee dɛɛ nyiŋi a nɛ, bobɛlbwa aa lole. Henee kon la nyu baa kpɔ suuɡaswɛm tenten ɛo la.

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Wiile 4:1

Na ɡɛ ya suuɡaswɛm sie aa chɔɡa, suuɡaswɛm tenten o fa aa dɛ nyɛɡle kohona la, o ta berɛ do ɡɛ kpa. Korowii Dea bwedɛɛɡa a yoɡ aa kpeɡa, peɡrɔ dɛ chɔ fɔɡbaahna.

Jeremia 24:9

Mɛɛ kpɔ wenaale kohonaa ba ta ba nɛ, ásɛ harɛre nɛra bwa ɔmɛ kohona. Nɛra ɛɛ dɛɛ mam baa dɛɛ muɡli ba baah, dɛɛ taah ba bobɛlbwa maa lɔ ba peɡre bwa.

Aesaya 51:23

Mɛɛ kpɔɔ do nɛra baa dɛ fiiɡi heyaa la nɔn ta. Banee yon ŋɔ, ‘Hé chɔ harɛ, ásɛ ya valɛ he nyaŋ ta.’ He chɔ harɛ ba kpɔ he nyaŋ berɛ ŋwɛnɛ dɛɛ tiɡri he nɛ.”

Aesaya 47:5

Korowii ŋɔ, “Babelɔn haa do kɛŋɔ bitolo, so harɛ biro ta jeiih ken. Baa hen harɛ nɔ ta bwa bwɛɛre haŋkooroo yerɛ kpa!

Aesaya 14:17

Onee chɔɡ bwɛjena dɛ ɡel bela bwa berɛ pua hɛŋle ɡbo harɛ, waa wola nɛra baa laɡ ba laa ta kpɔe ta la aa?’

Aesaya 14:6

Banee kpɔ bwaawee dɛ do nɛra ba ta ba lɔɔra ɡelɛ bwa, harɛre nɛra baa pɔ ba nɛɛ la, ba ta ba fiiɡa ɡelɛ bwa.

Aesaya 13:19

Babelɔn kora wer ɡwaa bwɛɛre bwa kora, bela tena kpɔɔ dɛɛ ta nyoa. Kɛ men Korowii, mɛɛ chɔɡ kora laanee kɛŋɔ maa ɛ Sodom ne Gomoora la.

2 Webena 36:18

Babelɔn Kooro ɡelɔ ba pa laala aa lɔ Korowii Dea, ne anɔ la a yoɡ aa kpeɡa, dɛ do deene baa dɛ cheɡ laala a yoɡ aa kpeɡa a bini Korowii Dea, dɛ anɔ la aa lɔ kooro ne o nomonome be bwa, kɛŋɔ laa ta kwaa kaa Babelɔn harɛ.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Aesaya 13:1

Babelɔn waa Korowii aa kpɔa baɡle Emɔɔs bie Aesaya chaahna ta laanee nɔ.

Aesaya 14:5

Korowii kuuɡi wechɔɡ-ɛɛra daŋɡbale, o ɡelɔ koranar kpeɡri sɔɔh.

Aesaya 16:4

Hé ɡel ya Moab tena baa doŋi yaa ya ba marɛ nɔ dɔ sobɔr he harɛ ta. Hé tɔ yaa ɡbemɡbe, he bɛ ɡel ya dɔma dɔ yaa.” Wahala ɛɛ tonɔɔ, nɛŋkpoa ba a jaɡa, ásɛ nɛra baa dɛ vuuɡi harɛ la bwa ɡe le o ta.

Aesaya 51:13

Kɛ he soh men Korowii maa ta heyaa dɛ paɡri nyundua kɛŋɔ yal, dɛ pa harɛ mun la wa. Ɛrɛwaa tɔpere bɛlbwa hɛɛ ɔmɛ nɛra baa dɛ fiiɡi heya, dɛɛ nyin bá chɔɡ heyaa kohona nɔɔ? Leperaa ba bandia ɛɛ tel ɔ?

Aesaya 54:14

Waa aa toɡra taa aa ba cheɡa he won che kɛrɛdɛ, he ne nyubinikpeɡ tena baah ɛɛ do jaŋnee, komɛlbwa toole he ɔmɛ.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Jeremia 48:17

Bwɛɛre haa soɡa baro bwa nɛra hé wi tɛo, hé nɛra haa na o jirima bwa ŋɔ, ‘Hé na ɡɛ kooro faahna waa kpeɡa dɛ dɔ jirima la aa kua.’