Aesaya 14:19 - mzwDBL

¹⁹ Kɛ he te, ba kpɔe viɡri kɛŋɔ baa teŋe daa ta ken, ba ta hen huɡe. Nɛra baa ka laa ta la lalaa tɔ he nɛ, ba kpɔ he ne ba bwa ta bwebɔɔ bini dɛ tiɡri he nɛ.

Aesaya 14:19 Referans Kwoze

Jeremia 41:9

Kɔlɔŋ la Ismael aa pa Gedalia ne nɛra waa kpoo ba ka ta o bini la, o ɛ Kooro Asa kɔlɔŋ waa kwiu ɡɛ saŋ Israel Kooro Baasa aa baa yoo laa. Nɛra waa kpoo ba la su kɔlɔŋ la.

Jeremia 41:7

Baa dena jo bwɛjen la bini la, Ismael ne baala baa ja o nɛɛ la kpoo ba bini fifraanuanɛ, dɛ paa ba ta kɔlɔŋ bɛl bini.

Ɛsekeɛl 32:23

Asiiria harɛ ta nɛra ŋwama lɔ lalabwɛɛ bela, asɛ o laa tena chɔ baro harɛ bini bela. Banɔ la ba fa aa kpɔ ɔmee kohona ta harɛre ta nɛra nɛɛ la, ba kpoo ba keri ne.

Jeremia 22:19

Gɛ keeɡo sewɔ, ba yon tuuɡu le ka ta bwɛɛ dahare la, ɡɛɛ baa ba Kooro Jehoiakim tuuɡa le, dɛ́ kpɔɔ ka ta Jerusalam doonyojena baŋ.

Jeremia 16:6

Suuɡa tena ne nyaara bwaa dɛɛ ba serewa he harɛ nɔ ta. Nomɛlbwa aa ban huɡe kɛɛ dɛ́ wii ba. Bɛlbwa aa konee kpɔ mɔn o te kɛɛ dɛ́ fonɛ o nyu, á baɡle kɛ o dɛ di suna.

2 Koranar 9:25

Kooro Jehu ŋɔ o bonɔɔ bɛl waa dɛ chao baa yerɔ Bidka be ŋɔ, “Laa Kooro Joram kpɔ ta Jesreel te Nabɔt koo nɔ ta. Lii ɡɛ saŋ n ne he fa aa soɡe torɔɡo ta, dɛ teŋɛ o mɛɛ Kooro Ahab nɛɛ la, Korowii bol o waa nɔ bil.

1 Koranar 21:24

He lole bɛlbwa waa sewɛ bwɛjen la ta la, nyootenaa dɛ́ di o ol. Bɛlbwa ɡe waa ka sewɛ kpɔɡ bini la, jumbii di o ol.”

1 Koranar 21:19

Ŋɔ o be ŋɔ men Korowii ŋɔ, ‘Ahab, he kpo nɛn dɛ berɛ kpɔ o kwaa di aa? Bela nyootena aa kpɛle Nabɔt chal la, bela tentenee aa ba he ɡe chal kpɛla.’ ”

Aesaya 5:25

Anɔ bwa ɡelɔ Korowii baah di o nɛra nɛ, o ir nɔn dɛ́ tɛr ba deŋne. Bwejena ɛɛ jiɡruu, ásɛ nɛra baa serewe la lala chɔ fɔɡbaahna kɛŋɔ haahra ken. Anɔ bwa habɔɔ o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 13:15

Nomɛlbwa baa lawɔ la, baa yaɡɔɔ kere nee kpo.

Aesaya 14:18

Koranar baa serewa la bɛlbwa chɔ o ɡbaɡba lalbɔɔ bini, ba ɛ ba ŋwama la a do wer.

Aesaya 34:3

Baa ban huɡe, baa paa baa ta, ásɛ ba sɔɔh tɔ bɔr bwa koŋkoŋkoŋ ken, ba chale ɛɛ palɛ bwejena dor bobɛlbwa.

Jeremia 51:4

Baa do laa tena la bolaa, ásɛ ba serewe chɔ bwɛjena la fɔɡbaahna.

Ɛsekeɛl 32:27

Ba ta ba te nomonhuɡa huɡe ɡɛ ba yon dɛɛ huɡe saŋ la banyoola dɛ kpɔ ba nyuune dɛɛ dawɛ ba keri ta lalabwɛ, dɛ kpɔ ba dɔmkwaa dɛɛ dawɛ ba nɛɛ la. Banyoola nɔ fa aa soɡe le dɛ do kpeɡri la, ba kpɔ ɔmee kohona ta nɛra nɛ.