Dɛ ba bɔɔre ŋɔ, ‘Ɛrɛɛ he bambile chɔɡ hɛɛ hime kohona naa’, ŋɔ ba be ŋɔ, ‘Waa a taa lɔ sie dɛɛ ba bala waa. Ɔmee ɛɛ lawɛ nomɛlbwa kohonaa ba bwara ɛɛ sa, ba bambile chɔɡ, ba bwara yɔr.’ A dɛ ba bala. Aa bao ɡe. Men Nemenɛ Korowiirii bola.”
O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.
Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.
N ɡelɔ a nɛra bwa ɡwɛɡre, ba bwara yɔr ba di sihiih. Ba ɛo kɛŋɔ kpɔɡa aa lɔ koo ta, kɛɛ kpɔɡa aa lɔ lɔɡ doa, asɛ wee leebɔr peu chɔɡe yon ta a sewɛ la ken.
Babelɔn laa tena ɡel yoi dɛ ka so ba dekpeɡa bini. Ba bokpeɡa tonɔ ba do kɛŋɔ haahna ken. Ba kuuɡi bune baa kpɔa dɛɛ kaɡre ba doonyojena bwa, dɛ kpaa nii do ba deene ta.
Nɛwɛnyini bie, wi dɛɛ dooɡe lɔŋɔre, dɛkalkɛ n nɛra ne Israel koranar waa wɛɛ ba. Wɛɛ kpoo ba ne n nɛra kar bwaa. Kpɔ nɔɔra lɔ bambile á baɡle kɛŋɔ he hwɛɡa tonɔ.
Bɔkwa waa pu bwɛɛ o fa aa do kɛŋɔ nyujentena sobɔr laɔ? Niniwe tena fa aa lɔ ba bwɛɛ kɛŋɔ nyujente ombal ne onnee, dɛ so bela dɛɛ dɛ́ɛ a bii, a ne a biirii ba dɛɛ ka, aa wola komɛlbwa ɔmɛ.
