Aesaya 11:11 - mzwDBL

¹¹ Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 11:11 Referans Kwoze

Maeka 7:12

Awola tɔpere la, nɛra ɛɛ le Asiiria ne Ijipt bwɛjena taa ba, hale dɛ́ kpoŋe le Ijipt kaa Yufretis Moo wee leebɔr, dɛ́ berɛ le Ijipt kaa weekaŋle harɛ bɔr, dɛ́ le mpore ta harɛjaɡa ba kaa bwejena dor.

Tɔn Pɔɔl Aa Chwerɛ Rom Tena 11:26

Anomanta, Korowii ɛɛ lɛ Israel tena bwaa ba ɛ o bii, kɛŋɔ Korowii Tɔn aa baɡla la. O baɡlɔ ŋɔ, “Nɛwɛnyina Lɛɛ la ɛɛ le Saayɔnee ba, dɛ́ ba le Israel tena waa aa ɡela baa wola Korowii waa ta teŋɛ bwa la ta.

Aesaya 10:20

Gɛ saŋ la, Israel tena baa kaa la aa hwɛɡaa dɔ Asiiria koojen waa lɔ ba harɛ la nɛɛ kpa. Korowii Israel Nɛŋɡoroŋ la nɛɛ baa ba ba kpɔ ba te dawɛ kasinteŋ ne.

Hosia 11:11

Baa kpɔ bochelaa dɛ́ ba kɛŋɔ Ijipt harɛ ta jumbii ken, kɛŋɔ Asiiria harɛ ta kwehre ken. Mɛɛ kpɔ baa ba so ba deremi ta ja. Men Korowiirii bola.”

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Aesaya 42:4

Waa koh, waa ɡwɛɡre ɡe, dɛ́ ka tel kɛŋɔ harɛ nɔ nɛra bwa aa ba jemɛ kasinteŋ ŋwɛnɛre la. Nɛra baa lɔ bojaŋ harɛre ta ɛɛ dɔ hwɛɡa o webaɡla taa.”

Aesaya 24:15

He banɔ la haa lɔ wee leebɔr pera ɡe, hé tɛ Korowii sɔn. Ekwie harɛre aa lɔ mpo ta bwa nɛra, hé kpɛɛ Korowii Israel tena aa dɛ tomɔ la.

Aesaya 10:9

Gɛ maa chɔɡ bwɛjena Kaakɛmes ne Kalno ne Aapad ne Hamat dɛ Damaskɔs la, ɡɛɛ n chɔɡ Samaria ɡe.

Mumpar 11:2

Ba iro dɛ ɡaaɡe wee leebɔr dɛ ka le Babelɔn tena deŋɡarere harɛ waa chɔa kaa ta, dɛ ka so bela.

Mumpar 10:22

Sɛm bibaala waa lol ba laanee, Elam ne Assur ne Aafaksad ne Lud dɛ Aram.

Mumpar 10:10

Bwɛjena waa tɔ sie di o kora a ta laanee, Babelɔn ne Ɛrɛk ne Akad dɛ Kalne aa lɔ Sina harɛ ta.

2 Kɔrent 3:16

Kɛ, saŋ bɛlbwa nɛwɛnyini aa charɛ o liire dɛ́ berɛ ba Yeesu be la, yachaahne la ɛɛ leo.

Tɔn Pɔɔl Aa Chwerɛ Rom Tena 11:15

Aa cheɡɛ Israel tena ne Korowii baah chɔɡa ta asɛ nɛwɛnyina kabora ne Korowii baah kwaa nɔ, dɛ Korowii berɔ lɛ Israel tena dɛ kpɔ ba ɛ o bii aa, bɔkwa nee aa ba bala ɔ? Aa ba silɛɛ nee kohona, kɛŋɔ lala bwa aa ir seo ta.

Sekaria 9:2

ne Hamat o ne Damaskɔs aa do jwɛh, ne bwɛjena Taaya ne Sidon tena baa dɔ wejema la jao.

Sekaria 5:11

O chaŋe ŋɔ, “Ba dɛ kaa o ne Babelɔn harɛ ta, dɛ́ ka ma dea dɛ́ kpɔ cheɡ o bini. Ba ma dea la tonaa, baa kpɔɔ cheɡ o bini dɛɛ tomɔ.”

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Hosia 1:11

Juda ne Israel tena ɛɛ berɔ pɛ, ásɛ dɛ le nɛmbeŋkpoŋ ó ɛ ba sitɔɔ. Ba harɛ la ɛɛ do werii ba dɔ ba te, awola ɛɛ ɛ tɔpejenii tɛ Jesreel tena.

Daneɛl 11:18

A habɔɔ la, wɛɛ berɔ kpɔ sie chaɡɛ mpo nyoa harɛre nɛra nɛ. Wɛɛ yoo baa, dɛ́ pɔ ba ɡalɡa nɛ, kɛ laa nomoa bɛl ɛɛ le harɛfale bɛl taa, dɛ́ ba pɔ o nɛɛ dɛ́ sɔɔh o nyoa, ásɛ maŋkurae waa dɛ maŋkura o te la ɡure o nyu ta.

Daneɛl 8:2

Wepila la ta la, n nao kɛŋɔ maa lɔ bwɛjen Susa baa ma danjwɛjen baro, o do Elam harɛ ta. Dɛ n cheɡɛ Ulai Moo nyoa,

Ɛsekeɛl 30:14

Mɛɛ chɔɡ Ijipt harɛ weekaŋle harɛbɔree o chɔ pɛɛ, dɛ́ fuh bwɛjen Soan waa lɔ weekaŋle nyunduabɔr ɡe, dɛ́ ba tɛr Tebes waa ɛ ba bwɛjen la tena ɡe deŋne.

Ɛsekeɛl 27:6

Dajenaa ba kpɔ le Basan harɛ ba ɛ he ŋwandaa, dɛ kpɔ dakpeɡa ane ɡe le Saepros, ne bala nyena, dɛ ba kwaa he bini, he do wer.

Jeremia 49:23

Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

Jeremia 44:1

Korowii bol Israel tena baa lɔ Ijipt bwɛjena Miɡdol ne Tapanes ne Mɛmfes, dɛ banɔ la baa lɔ harɛ la weekaŋle harɛbɔr waa men Jeremia be.

Jeremia 31:10

Korowii ŋɔ, “Harɛre nɛra, hé no, hɛ́ɛ bol n waa la mpo nyoa bojaŋ harɛre ta. N lɔ n nɛra Israel tena peɡre, kɛ mɛɛ berɔ boa ba nyoa, ásɛ dɛ nyiŋi ba nɛɛ kɛŋɔ peteɡre aa dɛ nyiŋi peera la ken.

Jeremia 25:25

ne Simri ne Elam dɛ Midia koranar bwa,

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 42:12

Bojaŋ harɛre nɛra, hé kpɔ jirima tɛo, dɛ́ kpɛɛro.

Aesaya 42:10

Nɛra haa lɔ harɛ ta bwa, hé ɡo yelfale kpɛɛ Korowii. Nɛra haa dɛ ɛ toma mpo ta, ne kwaa aa lɔ o ta bwa, ne harɛ jaɡa nɛra bwa, hé ɡo kpɛɛra yel tɛo!

Aesaya 11:16

Ŋwɛnɛjen ɛɛ chɔɔ tɛ o nɛra baa kaa, dɛ́ le Asiiria harɛ la ta, ɡɛ ŋwɛnɛ fa aa chɔa tɛ Israel tena ɡɛ saŋ baa le Ijipt harɛ ta dɛɛ kaa la.

Yela 68:22

Korowii ŋɔ, “Mɛɛ le he dɔma ne Basan harɛɛ ba, mɛɛ le ba ne mpo vile binii,

Mumpar 14:1

A kaa ba kɛŋɔ koranar banaarɛ banee lole. Ba sɔnaa nɔ. Amrafɛl waa ɛ Babelɔn kooro ne Areɔk waa ɛ Elasar kooro, ne Kedolaoma waa ɛ Elam kooro dɛ Tidal waa ɛ Goiim kooro.

Ɛsta 10:1

A berɔ ba kɛŋɔ Kooro Sɛksɛs dɛ lɛ nɛra baa lɔ o harɛre ta bwa toɔ, hale dɛ kpoŋe kaa o harɛre aa lɔ mpo nyoa bwa.

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Aesaya 19:21

Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta.

Aesaya 19:22

Korowii ɛɛ tɛr Ijipt tena deŋnee mɔɔ dɛ lɛɛ ba. Baa ba o bee ásɛ o no ba wesoŋa dɛ́ chaah ba.

Aesaya 37:31

Nɛra baa ka, dɛ́ le Juda dea la ɛɛ doo kɛŋɔ, daa waa ta lune kaa bini, dɛ won nɔna la ken.

Ɛsekeɛl 29:14

dɛ́ ɡel ba ba so Ijipt harɛ weekaŋle harɛbɔr, ba naawa harɛ ba fa aa soɡe o ta la ta. Ba harɛ la kora aa kpeɡrii do kpa.

Ɛsekeɛl 32:24

Elam harɛ ta nɛra chɔ bela, o laa tena baa kpoo ba laa ta la ŋwama chɔ baro. Banɔ la ba fa aa kpɔ ɔmee kohona ta harɛre nɛra nɛɛ ba ta men Korowii tomɛ dɛ sewɛ kaa lalabwɛɛ la. Ba ne banɔ la baa chɔ harɛ bini la di sihiih.

Ɛsekeɛl 38:8

Bene ane habɔɔ la, mɛɛ ɡeloo o nyin dɔmkwa, dɛ́ ka bar Israel harɛ ba fa aa yoo o chɔ pɛɛ la. O nɛraa ba boa ba nyoa le harɛre ta, ba ba so deŋnesɔɔhna ta la.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Mumpar 2:13

O kpal nɛɛte la sɔne Gehɔn Moo. O palɔ dɛ ɡoli kpɔ Kus harɛ ta.

Mmarare 9:29

Kɛ dɛ ba ɛ he nɛra, he kapɛrɛ diile haa kpɔ he kpeɡri waa kana ne he bokpeɡa dɛ lee ba tɛ he te.’ ”

2 Koranar 17:24

Asiiria koojen kpɔ nɛra le Babelɔn harɛ bwɛjena ane baa dɛ yera Kuta ne Ava ne Hamat dɛ Sefavaim, dɛ kpɔ ba ka so Samaria bwɛjena ta, Israel tena baa laɡ ba laa ta kaa la buɡ ta. Ba kpɔ bela berɛ ba bwɛjena dɛ so bela.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Aesaya 22:6

Elam laa tena kpoŋe hɛma ne a tori dɛ che kwaa aa do kɛ torɔɡore bini, bane ɡe so jaɡre ta. Kir laa tena ɡe kpɔ kwaa baa kpɔa dɛɛ tɔ ba te ɡbemɡbe laa ta le.

Aesaya 49:12

Baa le bojaŋaa ba, bane ɛɛ le weekaŋle nyunduabɔree, bane ɡe le wee cholibɔr dɛ́ ba, ásɛ bane ɡe le Aswan dɛ́ ba.”

Hosia 11:10

Dɛ n kɔr n nɛra dɔma nɛɛ kɛŋɔ nyujente aa, baa teŋɛ n nɛɛ. Baa le wee cholibɔree dɛ́ ba n be warane.

Sekaria 8:7

Mɛɛ lɛ n nɛra baa laɡ ba kaa wee leebɔr ne wee cholibɔr harɛre ta laanee.