Aesaya 10:9 - mzwDBL

⁹ Gɛ maa chɔɡ bwɛjena Kaakɛmes ne Kalno ne Aapad ne Hamat dɛ Damaskɔs la, ɡɛɛ n chɔɡ Samaria ɡe.

Aesaya 10:9 Referans Kwoze

2 Webena 35:20

Kooro Josia aa ɛ anɔ bwa, dɛ kwaa Korowii Dea tonɛ la, Ijipt Kooro Neko kpɔ o laa tena dɛ́ ka yo laa Kaakɛmes waa lɔ Yufretis Moo nyoa. Kooro Josia kpɔ o laa tena ka chem ba, dɛ yoo ba.

2 Koranar 16:9

Asiiria koojen Tiɡlat Pilesa aa sɛh waa la ta la, o kpɔ o laa tena ba Siiria dɛ ba yo bwɛjen Damaskɔs tena. Dɛ larawe bela tena ka so bwɛɛ bɛl baa dɛ yerɔ Kir, dɛ kpo Kooro Resin.

Jeremia 46:2

Ijipt harɛ waa tɔ sie. Waa nɔ kaalɔ dɛɛ tɛ Ijipt Kooro Neko ne o laa tena. Onee Babelɔn Kooro Nebukadnesa yo dɛ pɔ o nɛ bwɛjen Kaakɛmes, o bɛne Yufretis Moo nyoa, ɡɛ saŋ Juda Kooro Josia bibaa Jehoiakim aa di kora bene anaarɛ ta.

Mumpar 10:10

Bwɛjena waa tɔ sie di o kora a ta laanee, Babelɔn ne Ɛrɛk ne Akad dɛ Kalne aa lɔ Sina harɛ ta.

Jeremia 49:23

Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

Aesaya 37:13

Leperaa bwɛjena Hamat ne Aapad ne Sefavaim dɛ Hena kɛɛ Iva koranar dɔɔ?”

Aesaya 36:19

Leperaa bwɛjena Hamat ne Aapad voɡa dɔɔ? Sefavaim tena voɡare sɛ? A wono lɛ Samaria tena aa?

Aesaya 17:3

Bwɛjen baa ma danjwɛkpeɡ baro toole Israel harɛ ta kpa. Bwɛjen Damaskɔs ɡe aa koobwɛɛ ɛ kpa. Siiria tena ɛɛ ba ka tamaa ba jirima tonɛ, ɡɛ Israel tena jirima aa tona la.” Koranar Bwa Kooroo bola.

Aesaya 7:8

Damaskɔs laa Siiria harɛ bwɛjen aa? Kooro Resin ɡee Damaskɔs nyu te. Onee umeo? Bonɔ bene fifraanumɛl dɛ anue dɛ Israel harɛ paɡrɔ, waa bwɛbirii tel kpa.

2 Koranar 17:24

Asiiria koojen kpɔ nɛra le Babelɔn harɛ bwɛjena ane baa dɛ yera Kuta ne Ava ne Hamat dɛ Sefavaim, dɛ kpɔ ba ka so Samaria bwɛjena ta, Israel tena baa laɡ ba laa ta kaa la buɡ ta. Ba kpɔ bela berɛ ba bwɛjena dɛ so bela.

2 Samoɛl 8:9

Hamat Kooro Tou aa baa no kɛŋɔ Kooro Devid yo Kooro Hadadesa dɛ pɔ o ne o laa tena bwa nɛɛ la,

Nɛra Kura 34:8

dɛ́ le Hɔr Bwejen ta kaa Lebo Hamat. Ásɛ jwɛh la chɔ kaa Sedad.

2 Koranar 18:34

Leperaa bwɛjena Hamat ne Aapad tena voɡa dɔɔ? Sefavaim ne Hena dɛ Iva tena ɡe voɡare sɛ? A wono lɛ Samaria tena aa?

2 Webena 32:14

Harɛre nɔ voɡ besoo n naawa aa chɔɡa wona lɛ a nɛra le n be nɔ? Ɛrɛɛ voɡ haa dɛ tomɔ ɛɛ ba wona lɛ heyaa le n nɔn ta nɔ?

Aesaya 10:8

O dɛ maŋkura o te ŋɔ, ‘N laa sitɔɔla bwa ɛ koranar!

Aesaya 17:1

Waa aa chiɡ bwɛjen Damaskɔs Korowii bol baɡle Aesaya chaahna ta laanee nɔ. “Damaskɔs aa bwɛjen ɛɛ ba kpa, wɛɛ ba chɔɡoo dɛ́ berɛ dimɡbia chɔ.

Aesaya 37:11

A lole kɛŋɔ he no ɡɛ Asiiria koojen bɛlbwa aa ɛ harɛre nɔ bwa, dɛ chɔɡa kwaraa. He te ɛɛ won le a nyoa aa?

Ɛsekeɛl 47:16

ne bwɛjena Bɛrɔta ne Sibraim aa lɔ bwɛjena Damaskɔs ne Hamat jwɛh ta, dɛ́ kpoŋe kaa bwɛjen Hasa Hatikon, o ɡe aa lɔ Hauran jwɛh ta.

Habakuk 1:10

Ba siwi aa koranar tɔɡɛ, dɛɛ ɛ nomonome sisawa. Bwɛjena baa ma danjwɛɛre bara ɛ wesoma waa ba be. Ba cheɡɛ teera do danjwɛɛre baa maa bar bwɛjena mune, dɛ che a ta teeh ka yoo ba dɛ́ pɔ ba nɛ.

Aesaya 33:8

Ba ŋwɛnɛjena bwa chɔ pɛɛ, nɛra aa a ta kpɔ kpa. Ba chɔɡ fɔo la, dɛ to ntama. Nomɛlbwa toole baa duuru.