Aesaya 10:33 - mzwDBL

³³ Hé no! Korowii, Koranar Bwa Kooro ɛɛ ba ba ne harɛɛ, kɛŋɔ baa choo daa dɛɛ ta la ken. Dajaŋa la, wɛɛ teŋaa ɡo, dajena ɡe bwa choɡli.

Aesaya 10:33 Referans Kwoze

Emɔs 2:9

Israel tena siwi taa n chɔɡ Amɔre tena kwaraa, dɛ ba kpekpeɡo ba bwara do kpeɡri, kɛŋɔ peleme daa ne dajena ken, asɛ n chɔɡ a nɔna ne a lune.

Aesaya 37:38

Awola bɛl, o ka dɛ tu voɡa o voɡ Nesrɔk dea, asɛ o bibaala banɛ, Adramɛlɛk ne Saresa ka kpoo kere ne, dɛ chwa kaa Ararat harɛ ta. Asɛ o bibaa Esaahadon chiɡ o naa ta, dɛ di kora.

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

2 Webena 32:21

Asɛ Korowii tomɛ nyundua torome bɛl o ba kpoo Asiiria laa tena ne ba laa sitɔɔla, dɛ nomonome baa lɔ bela baa soɡa bwa. Anomanta, Koojen Senakerib kpɔ sihiih berɛ ba kaa Asiiria harɛ ta. Waa laŋa la, o kaa jo o voɡ dea, asɛ o bibaala bane ka kpoo keri ne.

Aesaya 5:15

Anomanta, sihiih ɛɛ kpo mbarafo tenaa, dɛ́ ba nomɛlbwa ne harɛ.

Aesaya 33:3

He kɔr harɛre nɛra laa ta naa, ba dɛ chwa, he iro che ɡe aa, nɛra dɛ peɡre.

Jeremia 22:7

Mɛɛ ɡeloo laa tena ba yoo, bɛlbwa kpoŋe o dɔmkwa. Baa teŋni o peleme daa aa wera laanee ta, dɛ́ paa do nii ta.

Ɛsekeɛl 31:3

He do kɛŋɔ peleme daa waa lɔ Lɛbanɔn harɛ ta, o kpala ne papooni do wer dɛ tɔ kɔr. O pamɔ kaa nyundua dɛ do jaŋne dɛ kaa baama ta.

Neehum 1:12

Anomanta, kenii Korowii ɛɛ bol o nɛra Juda tena be, “A lole kɛŋɔ Asiiria tena kpeɡri, dɛ warɛ dɛ dɔ nɛra bá ba cha ba, kɛ mɛɛ chɔɡ baa le harɛ nɔ ta bá he kwaraa. Juda tena, menee ɡela he fa na wahala, kɛ maa berɛ ɡel he na ɡɛ kpa.

Aesaya 18:5

Kwaa koma aa wola tele mɔɔ kwaa fee chure asɛ daa nɔna la ɛɛ swɛɛ la, Korowii ɛɛ teŋni kpala nɔna aa saɡre a ta laanee bil, ásɛ dɛ kpɔ kere kuu a kpala la le a ta.

Aesaya 32:19

Hale dombwea lee kɔr la ta, bwɛjen la chɔɡ kwaraa naa,