Aesaya 10:32 - mzwDBL

³² Fini tɔpere nɔ, baa bao dɛ́ ba che Nɔb. Baa nyiŋi Jerusalam Saayɔn Bwejen la taa, dɛ́ ume nɔɔra pa ba nɛɛ dɛɛ aah ba.

Aesaya 10:32 Referans Kwoze

1 Samoɛl 21:1

Devid la sɔfo Ahemɛlɛk be Nɔb. Sɔfo Ahemɛlɛk aa nao la, o leɔ ba chemo, dɛ o bwara dɛ sa, asɛ Ahemɛlɛk bɔɔro ŋɔ, “Ɛrɛɛ he ɡbo ɛɛ valɛ nɔɔ? Bɔkwa waa nomɛlbwa ta he nɛɛ jae yɔ?”

Sekaria 2:9

Men Korowii ɡbabirii dɛ́ yoo ba, ásɛ n nɛra ba fa aa ɛɛ ba yoma la pa ba laala kɛ laa ta kwaa kaa.” Anɔ bwa chiɡaa, hɛɛ jemɔ kɛŋɔ Koranar Bwa Kooroo tomɛ men Sekaria.

Aesaya 37:22

Korowii ŋɔ, ‘Jerusalam waa do kɛ bechatolo, waa wola baa jemɛ la hah hen Koojen Senakerib, dɛɛ nyiŋi he nyubaah.

Aesaya 19:16

Awola tɔpere, Ijipt tena ɛɛ ɛo kɛŋɔ haahna ken. Baa ɔmɔɔ ba bwara chel Koranar Bwa Kooro nɔn waa ɡɔɔra dɛ́ kpɔ tɛr ba deŋne la wa.

1 Samoɛl 22:19

O ɡelɔ ba kpoo nɛra baa kaa dɛ do Nɔb waa ɛ sɔfore bwɛɛ la bwa, ne baala ne haahna, ne bechale ne bechasɔɔhne, ne nae ne keeɡore dɛ peera bwa.

Jeremia 6:23

Ba kpɔ ba tori ne lampeare kpoŋe, ba nyu bini kpeɡri, baa nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo aa dɛ si la ken. Ba kpɔ ba te dɛ́ ba yo Jerusalam. Men Korowiirii bola.”

Aesaya 13:2

Hé kpɔ laa fraŋkaa ka pa deŋɡare daa aa wola toole o ta, ásɛ dɛ kpɔ takpeɡ ŋɔ laa tena ba, dɛ́ ir nɔɔra baɡ ba bá ka jo nɛnjena bwɛɛ la ta dɛ́ yoo ba.

Aesaya 11:15

Korowii ɛɛ ɡeloo Ijipt mpo kpale la hweeh kwaraa, ásɛ dɛ berɛ ir nɔn pa Yufretis Moo la ta, peuwɔb bɛl ta kpɔ o ta, ásɛ o peɡri nenabɔɔne anuanɛ, nɛra won do naŋɡawa dɛ́ jo dɛɛ le o baŋ.

Aesaya 10:24

A ɡɛ nomanta, Korowii, Koranar Bwa Kooro dɛ bol ŋɔ, “N nɛra haa lɔ Saayɔn, hale dɛ Asiiria tena kpɔ daa dɛɛ lɔɔ heyaa ɡɛ Ijipt tena fa aa ɛ heyaa la aa, hé bɛ ban ɔmɛ.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Aesaya 1:8

Jerusalam chɔ pɛɛ kɛŋɔ kuku waa cheɡɛ daa koo ta ken, kɛŋɔ kuku waa cheɡa pɛɛ mea koo ta ken, kɛɛ bwɛɛ baa baro cheme dɛɛ ba o yoi ken.

Nehemia 11:32

ne Anatɔt ne Nɔb dɛ Anania,

1 Samoɛl 22:9

Ate, Edom te Doeɡ o ne Kooro Sɔɔl laa nomonome la aa cheɡa la ŋɔ, “N na Jese bibaa la o ba Nɔb, Ahitub bibaa sɔfo Ahemɛlɛk be.

Aesaya 10:31

Madmena tena dɛ chwaaɡe, ásɛ Gebim tena ɡee ir ba buɡ ta dɛ́ kaa nyin ba nyu.

Aesaya 16:1

Bwɛjen Sela tena, hé lawɛ pebiiri dɛ́ kpɔ ka tomɛ Israel tena kooro. Hé tomɛ nɛra bá kpɔ le pua hɛŋle ɡbo harɛ dɛ́ kaa Saayɔn Bwejen ta.

1 Samoɛl 21:2

Devid chaŋe sɔfo Ahemɛlɛk ŋɔ, “Kooro Sɔɔl tom mɛ waane ta dɛ ŋɔ n be ŋɔ, ‘Nomɛlbwa ta chɛ kɛ ó jemɛ waa haa koh a waa dɛɛ valɛ, ne anɔ la maa ŋɔa he ɛ.’ Kɛ laa tena baa ja n nɛɛ la te, n ŋɔ ba be ŋɔ bá chem mɛ bobɛl.

2 Webena 32:1

Waa Kooro Hɛsɛkea aa ɛa kasinteŋ ne la bwa habɔɔ, Asiiria koojen Senakerib kpɔ o laa tena ba lɔ tɔ Juda harɛ nɛra nɛ. O ɡelɔ o laa tena chɔ bar bwɛjena baa ma danjwɛkpeɡa bara bwa, dɛɛ lii kɛŋɔ wɛɛ won yoo ba dɛ́ pɔ ba nɛ.

2 Webena 32:2

Kooro Hɛsɛkea aa naa kɛŋɔ Koojen Senakerib balɔ dɛɛ nyin ó ba yo Jerusalam tena la,

Aesaya 8:8

dɛ́ su kpɔ Juda harɛ bwa, dɛ́ tel ba baŋa ta dɛ́ bɔle komɛlbwa ta. Imanoɛl, wɛɛ paɡri o kenaa tɔ he harɛ la bwa.”

Aesaya 29:2

kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.

Maeka 1:9

Baa do Samaria tena bolaa baa wola won chah, Juda tena ɡe dɛ ba a dɔŋa nae. A tel bwɛjen Jerusalam doonyojen tenten bela n nɛra aa soɡa.”