Aesaya 10:29 - mzwDBL

²⁹ Ba le ŋwɛnɛ waa chɔa kaa Geba baŋ, dɛ ŋɔ, “Yaa ka chɔ Gebaa jwaana la bwaa.” Ɔmee lawɛ Rama tena ba bwara ɛɛ sa, Kooro Sɔɔl bwɛɛ Gebea tena ir chwa.

Aesaya 10:29 Referans Kwoze

1 Samoɛl 13:23

Filisti tena le laa tena la bini bane, ba ka che ŋwɛnɛ waa chɔa kaa Mikmas dɛɛ daah bela.

1 Samoɛl 7:17

O yon berɛ ba kaa Rama, bela waa soɡa. Bela ɡe, o bol Israel tena ne ba bala waa dɛɛ pa bole, asɛ o ma kon baa ɛ saraha o ta bela tɛ Korowii.

1 Samoɛl 11:4

Toroma la aa tel Gebea bela Sɔɔl aa soɡa dɛ bol ɡɛ waa nɔ ba be la, ba wio kɛrɛdɛ.

Josua 21:17

Bɛnjamen dea harɛ ta ɡe, bwɛjena baa kpɔa tɛɛ ba laanee, Gebeɔn ne Geba,

Hosia 10:9

Korowii ŋɔ, “Israel tena ta wechɔɡa baa ɛɛ mɛ la ɡelɛ. Gɛ saŋ baa lea ɛ wechɔɡa bwɛjen Gebea la. Anomanta, laa taa baa ba serewa Gebea.

Hosia 9:9

Ba nɛra sen yawa lɛ ba liire to, kɛŋɔ ɡɛ saŋ ba fa aa lɔ bwɛjen Gebea la. Korowii ɛɛ lii ba nyubinikpeɡ laanee, dɛ́ tɛr ba deŋne a wa.”

Hosia 5:8

Hé hoh laa bɛla Gebea, dɛ́ hooh Rama ɡe. Hé do laa lɔŋɔ Bɛt Avɛn. Bɛnjamen dea tena, hé ir dɛ́ tɔ sie.

Jeremia 31:15

Korowii ŋɔ, “Ba no taa bɛl le Rama. Lokua wii naate ɛɛ wi. Rakɛl dɛ wi o bii wa, ba larawo kahonɛ, dɛkalkɛ o bii bwa serewɔ.”

1 Koranar 15:23

Waa Kooro Asa aa ɛa o kora dii ta, ne bwɛɛre waa ma danjwɛɛ bara, ne laa waa yoa dɛ pɔ nɛra nɛɛ la, ba chwera do Juda Koranar Waa Tɔne bini. O hwɛɛhra bini la, o we nakpaweela ane soo siwi.

1 Samoɛl 15:34

Ate, Samoɛl le bela dɛ kaa Rama, kɛ Kooro Sɔɔl te berɔ kaa o bwɛ Gebea.

1 Samoɛl 14:4

Dɛ ŋwɛnɛ bɛl chɔɔ kaa Mikmas, asɛ Jonatan ɛɛ nyin kɛ ó kpɔ o ta kaa bela Filisti tena aa baŋre ba tɛnte deene dɛ so la. Dɛ bwea ane aa kana cheɡɛ ŋwɛnɛ la baŋ bɛlbwa ta. Bɛl sɔne Bɔsɛs asɛ nɛɛte la ɡe sɔne Sene.

1 Samoɛl 13:16

Kooro Sɔɔl ne o bibaa Jonatan ne baala baa ja ba nɛɛ la soɡe Gebea waa lɔ Bɛnjamen harɛ ta, asɛ Filisti tena la ɡe ka baŋre ba tɛnte deene dɛ so Mikmas.

1 Samoɛl 13:2

Kooro Sɔɔl le baala kaɡboŋa batoro le Israel harɛ, ba bini kaɡboŋa banɛ do o be Mikmas ne Bɛtel waa chɔ deŋɡarere doa, asɛ kaɡboŋ ɡe do Jonatan be Gebea waa lɔ Bɛnjamen dea harɛ ta. Dɛ ɡel ba kabora kaa ba deremi.

1 Samoɛl 10:26

Sɔɔl ɡe berɔ kaa Gebea bela waa soɡa. Korowii ɡelɔ laa tena baa kpeɡa sie lɛ o nɛ, asɛ ba teŋɛ o nɛɛ kaa.

1 Samoɛl 14:2

Dɛ Kooro Sɔɔl baŋre o tɛnte dea daa bɛl o nɔna aa do ɡuleɡule baa yerɔ pɔmeɡranet mun, bobɛl baa dɛ yerɔ Meɡrɔn, o ne Gebea aa jaŋɛ. Dɛ laa tena dɛ ɛ lafraanumɛl ja o nɛ,

1 Samoɛl 14:5

Bwe la beŋkpoŋ cheɡɛ ŋwɛnɛ la weekaŋle nyunduabɔr o sie chaɡɛ Mikmas, asɛ nɛɛte la ɡe che weekaŋle harɛbɔr, o sie chaɡɛ Geba.