Aesaya 10:28 - mzwDBL

²⁸ Hé na! Laa tena jo bwɛjen Aiyat, dɛ kpɔ Meɡrɔn dɛɛ ba, dɛ ka kpɔ bone ka cheɡ Mikmas.

Aesaya 10:28 Referans Kwoze

1 Samoɛl 14:2

Dɛ Kooro Sɔɔl baŋre o tɛnte dea daa bɛl o nɔna aa do ɡuleɡule baa yerɔ pɔmeɡranet mun, bobɛl baa dɛ yerɔ Meɡrɔn, o ne Gebea aa jaŋɛ. Dɛ laa tena dɛ ɛ lafraanumɛl ja o nɛ,

1 Samoɛl 13:2

Kooro Sɔɔl le baala kaɡboŋa batoro le Israel harɛ, ba bini kaɡboŋa banɛ do o be Mikmas ne Bɛtel waa chɔ deŋɡarere doa, asɛ kaɡboŋ ɡe do Jonatan be Gebea waa lɔ Bɛnjamen dea harɛ ta. Dɛ ɡel ba kabora kaa ba deremi.

1 Samoɛl 13:5

Filisti tena la chemo kɛ bá ka yo Israel tena. Ba dɔ kwaa aa do kɛ torɔɡo baa vɔwa pɛl jaɡre kaɡboŋa atoro, asɛ laa tena kaɡboŋa banumɛl so jaɡre ta, dɛ laa tena baa wara kohona kɛŋɔ mpo nyoa hɛŋle ken. Ba kaa cheme Mikmas, waa lɔ bwɛɛ Bɛt Avɛn wee leebɔr.

Nehemia 11:31

Bɛnjamen dea tena soɡe Geba ne Mikmas ne Aeja dɛ Bɛtel ne bwɛjeɡre aa bara ta,

1 Samoɛl 17:22

Devid kpɔ o kondikwaa ja nɛn waa dɛ nyiŋi ba laala ta la, dɛ chwa kaa o dɔɔranar be laa la ta, dɛ ka na ɡɛ baa doa.

1 Samoɛl 14:31

Awola tɔpere la, Israel tena kpoo Filisti tena le Mikmas ka tel bwɛjen Aejalɔn, dɛ ba bwa koɔh, lɔr ɡe kpo ba ba ɡwɛɡre.

1 Samoɛl 14:5

Bwe la beŋkpoŋ cheɡɛ ŋwɛnɛ la weekaŋle nyunduabɔr o sie chaɡɛ Mikmas, asɛ nɛɛte la ɡe che weekaŋle harɛbɔr, o sie chaɡɛ Geba.

Sitɔɔla 18:21

Ba kpɔ ba bii ne ba laala dɛ teɡɛ ba kondɛɛra tɔ ba sie kaa.

Josua 7:2

Josua tomɛ nɛra bane le bwɛjen Jeriko ŋɔ bá la bwɛjen Ai ta. O bɛne bwɛɛ Bɛt Avɛn, dɛ do Bɛtel wee leebɔr. O ŋɔ baala la be ŋɔ, “Hé la dɛ́ ka sɔh nyiŋi harɛ la.” Ate, ba la dɛ ka sɔh nyiŋi bela.

1 Samoɛl 13:23

Filisti tena le laa tena la bini bane, ba ka che ŋwɛnɛ waa chɔa kaa Mikmas dɛɛ daah bela.

Aesaya 8:8

dɛ́ su kpɔ Juda harɛ bwa, dɛ́ tel ba baŋa ta dɛ́ bɔle komɛlbwa ta. Imanoɛl, wɛɛ paɡri o kenaa tɔ he harɛ la bwa.”

Maeka 1:9

Baa do Samaria tena bolaa baa wola won chah, Juda tena ɡe dɛ ba a dɔŋa nae. A tel bwɛjen Jerusalam doonyojen tenten bela n nɛra aa soɡa.”