Aesaya 10:25 - mzwDBL

²⁵ A ka tamaa ken dɛ n baah sɔɔhnɔ, maa hé deŋnee tɛr kpa, ásɛ dɛ berɛ n bandia ta Asiiria tena ɡe nɛɛ dɛ́ chɔɡ ba.”

Aesaya 10:25 Referans Kwoze

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Hibru 10:37

Anee Korowii Tɔn baɡle la. “A ka tamaa ken ásɛ naate waa dɛ ba bala la ba. Waa biɡra ba.

2 Koranar 19:35

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ dɛ ba na ɡɛ nɛra la aa serewa chɔ bobɛlbwa.

Aesaya 54:7

“Tamaa kenii n ɡele, kɛ n tea ɛɛ domɛ he nɛɛ kohona, dɛ́ berɛ ba he ne.

Aesaya 10:5

Korowii ŋɔ, “Asiiria tena bwɛɛlɛ! Mɛɛ kpɔ baa ɛ kɛŋɔ n ɡuli maa kpɔ dɛɛ tɛr nɛra n baah aa di ba nɛɛ deŋne.

Yela 37:10

Aa biɡri dɛ nyubinikpeɡ tena toole kpa, hɛ́ɛ baa nyin ba bɔree, kɛ háa ban na.

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 26:20

Anomanta, n nɛra, hé ka jo he deene, dɛ́ laa ɡbeni tɔ he nɛ. Hé kpɔ he te sɔh tama ka tel kɛŋɔ Korowii baah aa sɔɔhna.

Haɡae 2:6

Koranar Bwa Kooro bol Haɡae be ŋɔ, “A ka tamaa ken mɛɛ yiiɡi nyundua ne harɛɛ dɛ mpo.

Sɛɡla 22:8

Nomɛlbwa waa dɛ ɛ wechɔɡa la dɛ na a wa, nɛra waa dɛ ɛɛ ba hɔhɔrɔwa la dɛ ba a jaɡa.