Aesaya 10:23 - mzwDBL

²³ Korowii, Koranar Bwa Kooro dɛɛ ba chɔɡa waa vɔrɔwa cheɡ la ne bala ba ta harɛ la bwa ta.

Aesaya 10:23 Referans Kwoze

Aesaya 28:22

He bɛ jae maa dɛ ja heyaa nɔ mamɛ, ásɛ he wahala haa dɛ́ ba nae la bɛ he nɛɛ ba ɡwaa kohona. Korowii, Koranar Bwa Kooro bol n be, maɡla waa maɡla bil kɛŋɔ wɛɛ chɔɡ harɛ bwaa la.

Tɔn Pɔɔl Aa Chwerɛ Rom Tena 9:28

Wɛɛ bol nɛwɛnyina bwa waa wɔrɔbe nɛɛ dɛ́ pa bole.”

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Daneɛl 9:27

Nomoa la ne nɛra baa wara ɛɛ fɔwɛ fɔwee bene anuanɛ. Bene anuanɛ la baah ta la, wɛɛ ɡeloo ba ɡel kwaa baa kpoora dɛɛ ɛ saraha, ne koŋkɛɛla baa dɛ ba a ne Korowii Dea la ne bala. Ásɛ o kpɔ konchɔɡechɔɡe waa dɛ paɡre bwɛɛ la ka pa Korowii Dea doa bobɛl waa do jaŋne kaa nyundua, ásɛ o do bela ka tel kɛŋɔ chɔɡa aa dɛ ba o nɛɛ bala aa bala, ɡɛ Korowii aa bola la.”

Yela 46:9

O won laa nyoa sɔɔhna harɛ nɔ ta bobɛlbwa, dɛɛ kuuɡi tori ne lampeare, dɛɛ fuh kwa baa kpɔa dɛɛ tɔ ɡbemɡbe, dɛɛ yo laa.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.