Aesaya 10:13 - mzwDBL

¹³ Dɛkalkɛ o dɛ bol ŋɔ, ‘N ɡbabir bokpeɡa ne n wejemaa n kpɔ ɛ waa nɔ bwa. N chɔɡ harɛre jwɛhre dɛ yoo ba dɛ pa ba kondɔɔh. Banyoo tentenee men. N ir koranar ba kora ta.

Aesaya 10:13 Referans Kwoze

Daneɛl 4:30

O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”

Mmarare 8:17

Anomanta, he bɛ ba lii kɛŋɔ he ɡbaɡba kpeɡri ne he bokpeɡa taa a che he dɔ kwa.

Habakuk 1:16

Anomanta, ba kpoo kwaa dɛɛ tɛ ba dɔɔne, dɛ fuh daawiile a sɔɔh aa soma dɛɛ tɛa dɛɛ toma, dɛkalkɛ a ɡɛ kwaa laanee dɛɛ tɛɛ ba ba kondɛɛɡa, ne kondikondɛɛɡa tenten bwa.

Emɔs 6:13

He dɛ maŋkura he te kɛŋɔ haa kaa yo lɛ Lo Debar dɛ ŋɔ, “Ya cheɡɛ ya bokpeɡa ta dɛ ka yo lɛ Kanaim.”

Emɔs 5:27

ɡɛ saŋ maa lawɛ heyaa kaa bojaŋ harɛfale ta, Damaskɔs baŋ le la. Men Korowii Maa Ɛ Koranar Bwa Kooroo bola.”

Ɛsekeɛl 29:3

Ŋɔ o be ŋɔ men Nemenɛ Korowii ŋɔ, ‘Ijipt kooro, n ne he dɔɔ, he do kɛŋɔ lɛŋɔ damanta dɛ do he nenabɔɔne ta. He ŋɔ Nael Moo ɛ he kon, he ɡbabirii ɛo.

Ɛsekeɛl 26:2

“Nɛwɛnyini bie, bwɛjen Taaya tena dɛ do silɛɛ lɔŋɔre ŋɔ, chwaasere, bwɛjen Jerusalam chɔɡɔ! Belaa bonadiire bwa ɛɛ la, waa chɔɡa nɔ, yaa do werii name.

Ɛsekeɛl 25:3

Ŋɔ ba be ŋɔ bá cheɡ deŋne dɛ́ no waa men Nemenɛ Korowii aa dɛ bol, ‘He sie lɛo kɛŋɔ baa kpɔ doŋa kah n Dea dɛ chɔɡ Israel harɛ bwa, dɛ lawa baa lawɛ Juda tena laa ta kaa bojaŋ harɛfale ta la.

Aesaya 10:8

O dɛ maŋkura o te ŋɔ, ‘N laa sitɔɔla bwa ɛ koranar!

1 Webena 5:26

Anomanta, Korowii Israel tena aa dɛ tomɔ ɡelɔ Asiiria koojen Pul baa bera dɛɛ yerɔ Tiɡlat Pilesa ka yoo ba, dɛ lawɛ Rubin ne Gad dea, dɛ Manasɛ dea pera tena bwa laa ta kaa harɛfale ta. O kaa bane Hala ne Habɔ ne Hara dɛ Gosan Moo ta. Ba lɔ bela dɛ ba le fini.

2 Koranar 18:32

Ásɛ mɔɔ koojen la ba kpɔ heyaa kaa bojaŋ harɛ waa do kɛŋɔ he kon nɔ ta. Harɛ daa kooni aa lole he dɔ sen le a ta, ne mea baa kpɔ ɛ paanoo. O ɛ harɛ ɔleve no ne tooh aa lɔ o ta kohona. Hé teŋɛ waa koojen la aa do heyaa a ta la tenaa, hɛɛ dɔ he nyuunee. He bɛ ɡel Kooro Hɛsɛkea neɡre heyaa ŋɔ Korowii ɛɛ lɛ heyaa.

2 Koranar 18:15

Asɛ Kooro Hɛsɛkea kpɔ suuɡapoŋa aa lɔ Korowii Dea, ne anɔ la aa lɔ dejeɡre baa dɛ cheɡ laala a yoɡ aa kpeɡa a bini koodem bwa ka tɛo.

2 Koranar 18:11

Asiiria koojen lawɛ Israel tena kaa o harɛ ta, dɛ kpɔ bane so Hala, bane so Habɔ Moo nyoa Gosan harɛ ta, bane ɡe ka so Midia tena bwɛjena ane ta.

2 Koranar 17:24

Asiiria koojen kpɔ nɛra le Babelɔn harɛ bwɛjena ane baa dɛ yera Kuta ne Ava ne Hamat dɛ Sefavaim, dɛ kpɔ ba ka so Samaria bwɛjena ta, Israel tena baa laɡ ba laa ta kaa la buɡ ta. Ba kpɔ bela berɛ ba bwɛjena dɛ so bela.

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

2 Koranar 16:8

Anee Juda Kooro Ahas kpɔ suuɡapoŋa ne suuɡaswɛm aa lɔ Korowii Dea, ne deene baa dɛ cheɡ laala a yoɡ aa kpeɡa a bini koodem la, dɛ tomɛ ba kpɔ ka kɛ Asiiria koojen la.

2 Koranar 15:29

Kooro Pɛka aa di kora Israel harɛ ta la taa Asiiria koojen Tiɡlat Pilesa kpɔ o laa tena ba yo, dɛ lɛ bwɛjena ane baa dɛ yera Ijon ne Ebel Bɛt Maaka, ne Janoa ne Kedes dɛ Hasɔ. O berɔ ka lɛ Gelead ne Galilia harɛre, dɛ kpɔ Naftale dea harɛ bwa ja, dɛ larawe Israel tena baa lɔ bela kaa Asiiria harɛ ta.

Jeremia 46:8

Ijipt harɛ nɛraa dɛɛ ɡɔɔ ba te kɛŋɔ Nael Moo, kɛŋɔ nee aa sua dɛ bu atɛlɛ ken. O ŋɔ, ‘Mɛɛ suu dɛ́ tɔ harɛ bwa dɛ́ chɔɡ bwɛjena ne a nɛra.’

Jeremia 48:14

Moab tena, ɛrɛɛ hɛɛ ba wona ŋɔ, ‘Ya ɛ banyoola, baala yaa kpeɡa dɛ won laa yoi kohona ɔ?’

Ɛsekeɛl 35:13

N no mbarafo waa haa bola yaɡ mɛ aa wola nyoa dɔe.’ ”

Habakuk 2:6

Nɛra Babelɔn tena aa pɔ ba nɛɛ la ɛɛ mam baa dɛ́ ŋɔ, ‘Hé bwɛɛlɛ, kɛ haa cheɡ kwaa aa wola he kwaa ɛɛ, dɛ kpɔ nɛnfaah kwaa ɛ kondɔɔh nɔ. Saŋ besoo hɛɛ ba ɡɛ waa nɔ ɛɛ ka jaɡɔɔ?’

Sitɔɔla 7:2

Korowii ŋɔ Gedeɔn be ŋɔ, “He laa tena la warɔ ɡwaa ɡɛ maa dɛ nyin kɛ ń kpɔ Midian tena do ba nɔn ta bá pɔ ba nɛɛ la. Gɛ aa ɛ Israel tena bɛ ba lii kɛŋɔ ba ɡbaɡba kpeɡrii lɛɛ ba kɛ n ta wobɛlbwa ɛɛ la,

Sɛɡla 28:11

Suuɡa te dɛ lii o te wejereme, kɛ nyaa waa jemɛ waa la jemɛ ɡɛ naate aa doa.

Aesaya 5:21

Hé bwɛɛlɛ, he banɔ la haa dɛ lii he te wejerema, dɛɛ lii kɛŋɔ he jemɛ wobɛlbwa ɡa la.

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Habakuk 1:11

Asɛ dɛ wur kaa kɛŋɔ peu yon ta dɛ kpɔ haahra kaa la. A ɡɛ nɛra nɔ, ba kpɔ ba te dawɛ ba bokpeɡa ta kɛŋɔ nɛn aa kpɔ sie dawɛ o voɡ ta la.”