Aesaya 1:9 - mzwDBL

⁹ Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Aesaya 1:9 Referans Kwoze

Tɔn Pɔɔl Aa Chwerɛ Rom Tena 9:29

Anee Aesaya fa bol la, “Dɛ Koranar Bwa Kooro fe ta o nɛra dwee tama bane ɡelɛ aa, ya fe ɛɛ tonɔɔ kwaraa kɛŋɔ Sodom ne Gomoora tena.”

Mumpar 19:24

Buɡ la ta, Korowii chure nii ne jebɔrɔwe aa dɛ fuh le nyundua ta Sodom ne Gomoora dɛ chɔɡ ba.

Wiile 3:22

Korowii nyina kohona aa wola tonɛ bwa, ne o tedoma nomanta, ya ta soɡe le, waa yaa ɡel bwa.

Emɔs 4:11

N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Aesaya 37:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa. Anomanta, soŋe Korowii tɛ ya nɛra ya taa kaa nɔ.”

Aesaya 24:13

Gɛɛ aa ba ɛɛ harɛre nɛra bwa nɛ. Aa ɛo kɛŋɔ baa chaa ɔleve ne ɡrepore nɔna, a ka beŋkpoŋa saɡre baa kuuhna la.

Aesaya 17:6

Kɛ mea tamaa dɛɛ ba kae, kɛŋɔ ba yon chaa ɔleve daa nɔna, ásɛ a yon ba ka nɔna anɛ kɛɛ atoro daa la nyundujaɡla kɛɛ tama aa ka o kpala ta la.” Korowii Israel tena aa dɛ tomɔ laanee bola.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Mumpar 18:32

Asɛ o berɛ ŋɔ, “N poori, n Dɔɔ, bɛ ɡel he baah di. N dɛ nyin n soŋe webeŋkpoŋ ɡbo ja. Dɛ nɛra fi ɡbo ɡee sɛ?” Anee o ŋɔ, “Dɛ nɛra fi ɛ nɛndɛɛɡa bwɛɛ la ta naa, maa bwɛɛ laanee chɔɡ.”

Tɔn Pɔɔl Aa Chwerɛ Rom Tena 9:27

Aesaya bol Israel tena waa ŋɔ, “Dɛ Israel tena warɔ kɛŋɔ mpo nyoa hɛŋle kwaraa naa, ba bini tamaa kenii Korowii ɛɛ ba lɛɛ.

Matiu 7:14

Kɛ onɔ la waa do feelɔɔ la dɛ́ kaa he ne mkpa ta. O ɡe ta kpɔe kpeɡri. Anomanta, nɛra tama kenii jema dɛɛ kpɔ o ta.

Sefania 2:9

Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”

Habakuk 3:2

N Naa Korowii, n no he waa haa ɛa la. He we-ɛɛla nomanta, n cheɡɔ n bwara ɛɛ chel. Berɛ ɛ a ɡɛ wejena la ya saŋ nɔ ta, ásɛ dɛ ɡel ya jemɛ a wa, ásɛ wechɔɡa bɛlbwa yaa ɛ he baah di la, hé sune ya nɛ.

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

Ɛsekeɛl 6:8

Wɛɛ ɡeloo he bini bane dɔ he nyu, bá lawɛ heyaa peɡre kaa harɛre ta.

Wiile 4:6

N nɛra deŋnetɛra ɡwaa Sodom tena Korowii aa ɡela ba chɔɡa piɡ ba, nomɛlbwa aa wola wone lɛɛ ba la.

1 Koranar 19:18

Nɛra kaɡboŋa banuanɛ lɔ Israel harɛ ta baa wola voɡ Baal ɡuŋe bwa, mɛɛ ɡel baa, maa ba tenee kpoo.”

Mmarare 29:23

He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.

2 Pita 2:6

Sodom ne Gomoora tena fa aa dɛ ɛ wechɔɡa la, Korowii ŋɔ waa ɡel ba dwee ka, dɛ fuh ba ne ba bwɛɛre bwa dɛɛboo. Ba fuih chɔ le dɛɛ chaɡle waa aa ba chiɡ nɛra baa wola Korowii ɔmɛ nɛ.

Ɛsekeɛl 14:22

Ane a bwa, ba bini bane ɛɛ kao, bibaala ne bihaahna ɛɛ le o taa ba hen Ɛsekeɛl be. Hɛɛ na ba daa, ne ba we-ɛɛla, dɛ́ dɔ bolarawa le wenaale maa kpɔa ba ta Jerusalam tena nɛɛ la ta.

Mumpar 18:26

Belaa Korowii ŋɔ, “Dɛ n dɔ nɛra fifraanue ba ɛ nɛndɛɛɡa Sodom aa, mɛɛ koh ba waa, dɛ́ ɡel bwɛɛ la ne nɛra la chɔɡa.”

Wepila 11:8

ásɛ ba lala chɔ bwɛjen la ba fa aa kpo ba Dɔɔ daɡaɡre ta la fɔɡbaah. Baa wonoo dɛɛ yerɛ bela Sodom, dɛ́ berɛ won dɛɛ yerɛ bela Ijipt.

2 Koranar 19:4

Asiiria koojen tomɛ o laa sitɔɔla nomoa, ó ba chɛɡre Korowii waa lole saŋ bɛlbwa la. N dɛ soŋe Korowii haa dɛ tomɔ kɛ, ó tɛr a ɡɛ nɛra la deŋne a wa, anomanta, soŋe Korowii tɛ ya nɛra ya taa kaa nɔ.”

Aesaya 1:8

Jerusalam chɔ pɛɛ kɛŋɔ kuku waa cheɡɛ daa koo ta ken, kɛŋɔ kuku waa cheɡa pɛɛ mea koo ta ken, kɛɛ bwɛɛ baa baro cheme dɛɛ ba o yoi ken.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 11:16

Ŋwɛnɛjen ɛɛ chɔɔ tɛ o nɛra baa kaa, dɛ́ le Asiiria harɛ la ta, ɡɛ ŋwɛnɛ fa aa chɔa tɛ Israel tena ɡɛ saŋ baa le Ijipt harɛ ta dɛɛ kaa la.

Aesaya 46:3

Israel tena haa kaa la bwa, hé no n be. Menee nyiŋi he nɛɛ le ɡɛ saŋ baa lolɛ bwa.

Aesaya 65:8

Korowii berɔ ŋɔ, “Gɛ nee aa lɔ ɡrepo nɔna sao ta ba yon ŋɔ, ‘He bɛ an chɔɡ, ba ta ɛɛ daa a ne senee’ la, ɡɛɛ maa wola n nɛra bwaa chɔɡ, mɛɛ lɛ banɔ la baa dɛ tom mɛɛ.

Jeremia 23:14

N berɔ na waane aa wola were kwaraa keamere baa lɔ Jerusalam ɡe nɛ. Ba dɛ bɔ jwamane dɛɛ teŋe nyosone. Ba dɛ do wechɔɡ-ɛɛra ɡbemba wechɔɡa ɛɛ ta, a ɡel nomɛlbwa aa charɛ dɛɛ le a ta. Ba wechɔɡa do kɛŋɔ Sodom ne Gomoora tena n be.”

Jeremia 42:2

ba men Korowii keame Jeremia be dɛ ba ŋɔ, “Ya dɛ soŋe, no ya wesoŋa nɔ, dɛ́ soŋe Korowii yaa dɛ tomɔ nɔ tɛ ya nɛra yaa ka harɛ nɔ bwa ta nɔ. He ɡbabir nao kɛŋɔ dɛ ya fa warɔ, kɛ taraken te, ya nɛra tamaa kenii kaa.

Jeremia 50:20

A ɡɛ saŋ ne awola tɔpere la, baa nyiŋi waa aa ɡela Israel tena di bolchɔɡee, kɛ baa bolchɔɡe baa dia bɛlbwaa na, dɛ́ nyiŋi Juda tena ɡe wechɔɡa baa wobɛlbwaa na, dɛkalkɛ mɛɛ kpɔ n nɛra baa kaa la wechɔɡaa kɛ ba.

Aesaya 24:6

Anomanta, Korowii taah harɛ bwa, nɛra baa lɔ o ta la ɛɛ dɔ ba wechɔɡa kembɔree. Anomanta, wɛɛ kpɔ niinii tɛr ba deŋne dɛ́ fuuh ba, ba bini tamaa ken ka.