Aesaya 1:29 - mzwDBL

²⁹ “Sihiih ɛɛ kpo heyaa daa haa dua dɛɛ toma la waa. Hɛɛ di nchoo bela haa du kwaa dɛɛ tomɛ voɡa a baah ta la waa.

Aesaya 1:29 Referans Kwoze

Aesaya 66:17

Korowii ŋɔ, “Saŋ telo kɛŋɔ n kpoo banɔ la baa laa doŋa kpɔ ba nɛɛ dɛɛ la voɡa ta daa mune, ne banɔ la baa dɛ chwe parakoo ne mari, dɛ kondikwaa bwa soo siwi maa kia la.

Aesaya 65:3

Ba teŋɔ dɛɛ muɡli n baah, dɛ kpoo kwaa dɛɛ ɛ saraha voɡare ta, bodɛɛɡe baa du daa bini, dɛ fuh daawiile dɛɛ tɛa.

Aesaya 57:5

Hé liire bwaa kɛŋɔ hɛɛ di sɛm he voɡa dajena mune. Hé dɛ kpoo he bii dɛɛ ɛ sarahare voɡa aa lɔ bwebɔɔne aa bɛne nenabɔɔne ta.

Hosia 4:13

Bwejena doree baa ɛ sarahare, dɛɛ fuh saraha kwaa deŋɡarere ta, ne dajena bwa soo siwi a chunchule aa soma lɔɡre. A cheɡɛ a ta he bihaahna kpɔ ba te do jwamane ta, asɛ he bibaala haahna ɡe ɛɛ chɔɡ yal.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Tɔn Pɔɔl Aa Chwerɛ Rom Tena 6:21

Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.

Hosia 14:8

Israel tena aa voɡaa tomɛ kpa. Mɛɛ no ba wesoŋaa ásɛ dɛ nyiŋi ba nɛ. N do kɛŋɔ daa waa wola chure ken, n chunchule ɛɛ tɔ ba nɛɛ, ba wer doe bwa le n be.”

Hosia 14:3

Asiiria tena aa won lɛ yaa, ya jaɡre yaa dɛ la ane laa la aa won lɛ yaa. Yaa berɛ yerɛ kwaa ya ɡbabir aa kpɔ nɔɔra ɛ la, ya voɡa kpa, dɛkalkɛ hen Korowiirii dɔ tedoma tɛ bilalbii.”

Ɛsekeɛl 36:31

Belaa hɛ́ɛ ba he wechɔɡa ŋwɛnɛre ne he nyubinikpeɡ we-ɛɛla bwa liira, ásɛ he baah di he ɡbaɡba nɛɛ wechɔɡa ne kii waa haa ɛa la.

Ɛsekeɛl 6:13

Nɛra ɛɛ serewoo chɔ bobɛlbwa, ba voɡare ne kwaa baa dɛ ɛ saraha a ta bwa, ne deŋɡarere ta ne bwejena dor ne dajena mune, dɛ bela baa fuh daawiile a sɔɔh aa soma dɛɛ tɛ ba voɡare bwa.

Jeremia 3:6

Kooro Josia kora dii saŋee Korowii bol men Jeremia be ŋɔ, “He na waa Israel tena ba waa aa wola kasinteŋ dɔe kɛŋɔ hanjwamane aa ɛa kenɛ? Ba la deŋɡarere dor ne dajena mune kaa tomɛ voɡa.

Jeremia 2:20

Israel tena, saŋ la bwaa he vɛh kɛ hɛɛ yer mɛ he dɔɔree, he vɛh n waa ta teŋa dɛ́ tom mɛ. Kasinteŋ, he ka dɛ tomɛ voɡa deŋɡarere dor ne dajena mune.

Aesaya 45:16

Sihiih ɛɛ kpo nɛra baa cheɡ voɡaa. Ba bwa ɛɛ pɛo di ncho.

Aesaya 31:7

Awola tɔpere la, he bɛlbwa ɛɛ vɛh voɡa haa kpɔ suuɡapoŋa ne suuɡaswɛm ɛa, dɛ che a ta ɛ wechɔɡa laanee.

Aesaya 30:22

Haa he voɡa haa kpɔ suuɡapoŋ ne suuɡaswɛm ɛ a bwara, laanee kpɔ ɛ wobɛlbwa kpa, dɛ́ kpɔa ka ta kɛŋɔ yakwara aa wola were ken, dɛ́ ŋɔ a be ŋɔ, “Hé le ya sie.”

Aesaya 42:17

Kɛ nɛra baa dɛ yarada voɡa, dɛɛ yerɛ kwaa baa sɛah, kɛɛ voɡa ba ‘naa’ la te, mɛɛ vɛɛh baa bá di sihiih kohona.”

Hosia 4:19

Kawulewule ɛɛ tao kpɔ ba kaa, ásɛ sihiih kpo ba sarahare baa dɛ ɛ voɡa ta la wa.”