Aesaya 1:15 - mzwDBL

¹⁵ He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Aesaya 1:15 Referans Kwoze

Maeka 3:4

Saŋ bɛl ɛɛ bao nomonome nɔ wi yerɛ Korowii kɛ waa ban chaŋe, waa ba wesoŋaa no wechɔɡa baa ɛa la wa.

Sɛɡla 1:28

belaa hɛɛ ba men maa dɔ wejema nɔ yera, ásɛ n mwaa he bwa ne. Hɛ́ɛ ɡaaɡoo dɛɛ nyin n bɔr bobɛlbwa yalayala ken, kɛ haa men na.

Sekaria 7:13

Gɛ maa bola ba ta noɛ la, ɡɛɛ ba ɡe soŋ mɛ naa, maa wola no.

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Yela 66:18

Dɛ n vɛh n wechɔɡa bola aa, Korowii fe ta n be noɛ.

1 Koranar 8:22

Asɛ Kooro Solomɔn ir ka che kon baa dɛ ɛ saraha o ta dɛɛ tɛ Korowii la sie Israel tena baa chema la bwa sie, dɛ paɡri o nɔɔra nyundua soŋe Korowii,

Aesaya 58:7

Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

Yela 55:1

N Naa Korowii, no n wesoŋa, bɛ sie laa kpɔ waa maa dɛ soŋe nɔ ta,

Job Tɔn 27:20

Ɔmee dɛ́ piɡ ba kɛŋɔ nee aa sua, peukpeɡ ta dɛ́ ba kpɔ ba kaa jwaana.

1 Koranar 8:54

Kooro Solomɔn aa ir nɔɔra nyundua dɛ soŋe Korowii tonɛ la, o iro ka che saraha kon la sie,

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Matiu 6:7

He bɛ wobojaŋa aa wola mun dɔe dɛɛ bol he Korowii soŋa ta kɛ nɛra baa wola Juu tena ɛɛ, baa wola Korowii tomɛ la yon dɛɛ ɛ la. Ba dɛ lii kɛŋɔ ba wobojaŋa laanee dɛ́ ɡel ba voɡa no ba wa.

1 Timoti 2:8

N dɛ nyin kɛ bobɛlbwa baala baa ɛ asɔre tena la laa ba te kpɔ bandisale ne wetɔŋla ta, ásɛ dɛ won ɛ nɛndɛɛɡa dɛ́ ir nɔɔra soŋe Korowii.

Aesaya 8:17

Mɛɛ kpa Korowii waa waa bola la waa. O laa sie kpɔ Jekɔb naanar nɛɛ taraken, kɛ mɛɛ kpɔ n hwɛɡaa do Korowii nɛ.

Yela 134:2

Hé ɡɔɔ nɔɔra Korowii Dea bela dɛ́ kpɛɛro.

Ɛsra 9:5

Jɔmɔr saraha ɛɛ aa tela la, n iro le bela maa soɡa dɛɛ di suna la, n batakaare maa kɛɛra ta do mɛ, asɛ n ɡuŋi harɛ dɛ ɡɔɔ n nɔɔra Korowii maa dɛ tomɔ la be nyundua,

Amanesoma Jɔn Aa Chwera Tɔn 9:31

Ya jemɔ kɛŋɔ Korowii deŋna toole wechɔɡ-ɛɛra be. O deŋna lɔ banɔ la baa dɛ duuru dɛɛ ɛ waa waa dɛ nyin la be.

Kaala 9:29

Ate, Mosis chaŋe dɛ ŋɔ, “N baa le bwɛɛ nɔ ta naa, mɛɛ ɡɔɔ n nɔɔra nyunduaa dɛ́ soŋe Korowii. Bwaala kɔɡra la ɛɛ ɡeloo, dombwea la ɡe ɡel leera, ásɛ he jemɛ kɛŋɔ Korowiirii dɔ harɛ bwa.

Job Tɔn 35:13

Kasinteŋ, Korowii aa soŋa baa dɛ soŋo ba wesale ta no, On Waa Ɛ Kpeɡri Bwa Dɔɔ la aa deŋne cheɡɛɛ dɛɛ no ba be.

Aesaya 4:4

Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta.

Aesaya 45:15

Korowii Israel tena aa dɛ tomɔ wɛɛ lɛɛ ba la, o ɛ Korowii waa kpɔ o te dɛɛ sɔh.

Aesaya 58:4

He nyoa vɔwa habɔɔ he ɡarɔ dɛɛ yo. He dɛ lɔɔ dɔŋa nɔŋɡuŋe ne. He dɛ lii kɛŋɔ ɡɛ nɔɔ dɛ́ ɡel n no he wesoŋa kɛɛ?

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Jeremia 4:31

N dɛ no lɔŋɔ kɛ haah loltea aa lɔɔ, wɛɛ eeh dɛɛ lolɛ o biloɡle. A kaa ɛ kɛŋɔ Jerusalamee do kɛŋɔ haah waa dɛ wi o hweera pi, dɛɛ tɛɡre nɔɔra ŋɔ, “Akwe, n na wa, ba dɛ ba dɛ́ ba kpo mɛ.”

Jeremia 11:11

Anomanta, men Korowii ŋɔ mɛɛ kpɔ wekpeɡa baa wola won le a nyoa ba ta ba nɛ. Ba wio dɛɛ yer mɛ kwaraa naa, maa ba bee no.

Ɛsekeɛl 11:6

He kpoo nɛra bwɛjen nɔ ta warɛ ɡa, ba lala perɛ fɔɡbaahna bobɛlbwa.

Ɛsekeɛl 14:3

“Nɛwɛnyini bie, baala nɔ bambile cheɡɛ voɡa ta aa kaa ba ne wechɔɡa ta. Ba dɛ lii kɛ mɛɛ chaŋ baa kɛɛ?

Ɛsekeɛl 39:23

Harɛre ta nɛra ɛɛ jemɔɔ kɛŋɔ, Israel tena wechɔɡa baa ɛa laanee ɡela ba dɔma laɡ ba laa ta kaa bojaŋ harɛfale ta, dɛkalkɛ ba le n habɔɔ. N laa sie kpɔ ba nɛɛ dɛ kpɔ ba do ba dɔma nɔn ta, ba kpoo ba keri ne.

Hosia 5:6

Ba kpɔ ba peera ne nae ɛ saraha dɛɛ nyin men Korowii bɔr aa, baa men na. N laa n te kpɔ ba nɛ.

Sɛɡla 6:17

nɛn waa nyiŋi nɛn dɛɛ vah, ne nyosonteŋni, ne nɛŋkpoa,