3 Jɔn 1:14 - mzwDBL

¹⁴ N dɛ nyin kɛŋɔ n ba chɔɔre taraken bɔr, ásɛ ya sie ɡba dɔŋa ya bol wa.

3 Jɔn 1:14 Referans Kwoze

1 Pita 5:14

Hɛ́ɛ lea dɔŋa nɛnnyin ne. He nɛra he ne Yeesu Kristo aa pɛa la, Kórowii tɛ he bwa bosɔɔhna.

Ɛfesos 6:23

Ń Naa Korowii ne ya Dɔɔ Yeesu Kristo tɛ he ne yabala la bwa deŋnesɔɔhna, ne nɛnnyin ne yarada,

Galaasia 5:16

Waa maa dɛ nyin n bol laanee kɛŋɔ hé kpɔ he te tɛ Korowii Domadɛɛɡe la, ásɛ wɛɛ baɡle heyaa ŋwɛnɛ. Dɛ o dɛ baɡle heyaa ŋwɛnɛ aa, haa wechɔɡa he nɛwɛnyini mar aa dɛ nyin la ɛɛ ba,

Daneɛl 4:1

Kooro Nebukadnesa chwerɛ tɔn kaa harɛ bɛlbwa ta ka tɛ wobol bɛlbwa nɛra. O ŋɔ, “N dɛ na heya!

Mumpar 43:23

Anee bonɔɔ la chaŋe ŋɔ, “He bɛ ɡel a hiah heya hɛɛ ɔmɛ. Korowii he ne he nimanar aa dɛ tomɔ laanee ken kpɔa do he bone bini la. Gɛ suuɡa la tel n be.” Asɛ o le Simeon tɛɛ ba.

Amanesoma Jɔn Aa Chwera Tɔn 10:3

Dɛ o balaa, onee naate waa dɛ daah doonyoa la ɛɛ ba pila tɛ o dɔ bɔr jo a be. Peera la ɛɛ no o taa, ásɛ o yerɛ anla aa ɛ o kwaa la sɔna á teŋɛ o nɛɛ ó le a ne kaa.

Amanesoma Jɔn Aa Chwera Tɔn 20:19

Awola Kwasiara la jwaana la, Yeesu habɔteŋra la cheme dea bɛl bini. Dɛ ba dɛ ɔmɛ Juu tena, anomanta, ba tɔɔɡe ɡbeni la dɛ laa karɛ ba nɛ. Belaa ba ŋɔ ba nyiŋi, dɛ Yeesu baa che ba baah dɛ ŋɔ, “Kórowii tɛ heyaa bosɔɔhna.”

Amanesoma Jɔn Aa Chwera Tɔn 20:21

Yeesu berɔ bol ja ŋɔ, “Kórowii tɛ heyaa bambisɔɔhna. Gɛ n Mɛɛ aa tom mɛ la, ɡɛɛ n ɡe ɛɛ tomɛ heya.”

2 Jɔn 1:12

N dɔ waa taeh, dɛ́ bol he be, kɛ maa chwerɛ do tɔn ta. N dɛ nyin kɛ ń ba he be ya sie ɛ anɛ, ásɛ n bol he be. Belaa ya sie ɛɛ ba lɛɛ kohona.