3 Jɔn 1:12 - mzwDBL

¹² Gasi toole Demetreɔs ɡe nɛ. Nomɛlbwa dɛ bol o waa ɡa. Kasinteŋ la waa dɛ teŋɛ o ta la ɡe dɛ diu danseɛ. Ya ɡba dɛ diu danseɛ ɡɛ. He jemɔ kɛŋɔ yaa nyosone teŋe.

3 Jɔn 1:12 Referans Kwoze

1 Timoti 3:7

A chɛ kɛ ó ɛ nɛn nɛra baa wola asɔre tena ɛɛ kwara aa dɛ yerɛ o sɔndɛɛɡe, asɛ o bɛ sihiih waane ba ɛ dɛ́ le Bɔnsam bel ta.

Amanesoma Jɔn Aa Chwera Tɔn 21:24

A ɡɛ habɔteŋre nɔɔ baɡle ɡɛ waa nɔ dɛ chwerɛ a bwa bil. Ya jemɔ kɛŋɔ a ɛ kpela.

We-ɛɛla 22:12

Damaskɔs bela la, dɛ baa bɛl lole baa yerɔ Ananias. Dɛ o ɛ nɛn waa dɛ tomɛ Korowii kɛrɛdɛ dɛɛ teŋɛ Mosis Mmara la ɡe ta kɛrɛdɛ, asɛ Juu tena baa lɔ bela la bwa ɛɛ tɛo duure kohona.

We-ɛɛla 10:22

Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.”

Amanesoma Jɔn Aa Chwera Tɔn 19:35

Naate waa di waa nɔ danseɛ la naa siwi ne, dɛ jemɛ kɛŋɔ kasinteŋii, dɛɛ bola ásɛ he ɡe no dɛ́ yarada.

1 Tesalonika 4:12

He dɛ ɛ ken aa, hɛɛ dɔ jirima nɛra baa wola asɔre tena ɛɛ la bee, haa he tenee kpɔ dawɛ nɛra nɛ.

We-ɛɛla 6:3

Anomanta, yabala, hé nyiŋi dɛ le he bini nɛra banuanɛ nɛra bwa aa jema kɛŋɔ ba ɛ nɛndɛɛɡa, asɛ ba we-ɛɛla ɛɛ baɡle kɛŋɔ Korowii Domadɛɛɡe la soɡe ba nɛɛ kpeɡri nɛɛ dɛ ɡel ba ɛ wejerema la, ásɛ ya kpɔ suuɡa waa nɔ do ba nɔn ta,

1 Samoɛl 12:4

Ba ɡe chaŋe ŋɔ, “He ta yaa faahrɛ kɛɛ dɛ fiiɡi bɛlbwa, he ta komɛlbwa ɡe lɛɛ le nomɛlbwa be.”