2 Webena 7:9 - mzwDBL

⁹ Ba di tɔpera anuanɛ dɛ kpɔ kon baa kpo kwaa ɛ saraha o ta la do Korowii nɔn ta, dɛ kpɔ tɔpera anuanɛ di tɔpejen la ɡe. Tɔpere waa ka mun la, ba kpɔ tɔpejen dii la ba a jaɡa.

2 Webena 7:9 Referans Kwoze

Lewi Dea Tena 23:36

Hé kpɔ kwaa haa fuah ɛ saraha tɔpera anuanɛ la bwa ba tɛ mɛ, ásɛ tɔpenuatoro wee la, hé bwa cheme dɛ́ tom mɛ dɛ́ fuh saraha kwaa tɛ mɛ. A ɡɛ tɔpere laanee dɛ́ ka mun he tɔpejen chema la ta, anomanta, hé ɡel he tomare bwa bil.

Joel 1:14

Hé yerɛ nɛra bwa ba cheme, bá vɔwɛ nyoa. Hé yerɛ harɛ la nomonome bwa ba Korowii haa dɛ tomɔ Dea, dɛ́ ba wi noo bela.

Nehemia 8:18

Sɔfo Ɛsra kure Korowii Mmara Tɔn la bini waa baɡle nɛra tɔpere bɛlbwa, le Tɔpejen la tɔpeloɡle ta ba kaa tɔpere waa ka mun ta. Ba di Kukure Tɔpejen la tɔpera anuanɛ, asɛ tɔpenuatoro wee la, ba cheme ɡɛ Mmara la aa baɡla la.

2 Webena 30:23

Nɛra la bwa sɛoh kɛŋɔ ba berɛ di tɔpejen la tɔpera anuanɛ ja. Anomanta, ba berɔ di tɔpejen la tɔpera anuanɛ silɛɛ ne ja.

1 Koranar 8:65

Korowii Dea belaa Kooro Solomɔn ne Israel tena la bwa di Kukure Tɔpejen la tɔpera anuanɛ. Nɛnlaa tenten le ŋwɛnɛ bɛl waa chɔa kaa bwɛjen Hamat waa lɔ weekaŋle nyunduabɔr, ne Ijipt harɛ jwɛh ta weekaŋle harɛbɔr dɛ ba.

Mmarare 16:8

Tɔpera anumɛl aa tɔ sie la, he bɛ paanoo baa do iisi a ta di, ásɛ tɔpenuanɛ wee la he bɛ toma ɛ. Hé bwa cheme dɛ́ tomɛ Korowii haa dɛ tomɔ nɔ.”

Nɛra Kura 7:10

Baa fuɡe noo do kon baa dɛ ɛ saraha o ta o do ɡoroŋ tonɛ la, nomonome la kpɔ ba sarahare ba saraha kon la sie, dɛ kpɔ saraha kwaa la do men Korowii nɔn ta o ɛ n kon.

2 Webena 7:10

Tɔ aa pera la, korobie anuanɛ la tɔpera fifraanɛ dɛ atoro wee la, Kooro Solomɔn tɛ bɛlbwa ŋwɛnɛ o kaa o bwɛ. Ba sie lɛ andɛɛɡa Korowii aa sweera tɛ o nɛra Israel tena, ne Kooro Devid dɛ Solomɔn la wa.

Kaala 29:37

Tɔpera anuanɛɛ he kpɔ laa doŋa kpɔ saraha kon la ta ó do ɡoroŋ. Gɛɛ hɛɛ ba ɛɛ ó won do ɡoroŋ kɛrɛdɛ, ásɛ komɛlbwa waa leɡo la ɡe do ɡoroŋ.

1 Koranar 8:2

Ba bwa balɔ dɛ ba cheme Kooro Solomɔn sie, Kukure Tɔpejen dii saŋ, korobinuanɛ waa ɛ Etanim ta.